Ciidamada Ammaanka ee Keyna oo gaaf wareegaya Keynta Boni/Sawirka waxaa xaquuqdiisa leh Daily Nation
Isniin, Mey 23, 2016 (HOL)-Guddoomiyaha Lamu ee dalka Kenya, Joseph Kanyiri ayaa sheegay in ciidamada ammaanka ee Kenya ay haatan ka saareen keynta Boni Alshabaab.
Keynta Boni ayaa kutaala degmada Lamu waxaana hawlgalkaasi uu socday sida Joseph Kanyiri uu sheegay sagaalkii bilood ee lasoo dhaafay.
Wuxuu intaasi ku daray in weli ciidamada Kenya ay halkaa kusugan yihiin ayna gaaf wareegaan ayagoo ka digtoon in xaraka Shabaab ay dib ugu soo laabato keyntaa, waa sida uu yiriye.
Degmada Lamu ayaa horay waxaa uga dhacay falal amni darro oo lala xiriirshay xarakatu Shabaab balse haatan waxaa lagu soo waramayaa inay aad u xasiloontay.
Hawlgalka oo sii socon doona
Mr Kanyiri, si kastaba ha ahaatee wuxuu sheegay in hawlgalku uu sii socon doono ayadoo weliba halkaa mashaariic horumarineed laga fulin doono maadaama halkaa ay ku nooshay beel lagu magacaabo sidoo kale Boni taasoo horumar badan aan horay loo gaarsiin haatana dawlada Kenya ay damacsan tahay in la horumariyo deegaankoodaa.
Keynta Boni
Ka hor intii aan hawlgalkaasi bilaaban ayaa waxaa la aaminsan yahay in in ka badan 300 oo dagaal yahan oo Al-Shabaab ah ay ku jireen kenytaasi Boni Forest halkaas oo ay kasoo qaadi jireen weeraro ka dhan ah militariga iyo dadka rayidka ah intaba.
Warsame
[email protected]