Hiiraan Online
4/29/2024
Today from Hiiraan Online:
Home
Somali Map
Sports
Opinion
RSS
Somali Music
Contact Us
Facebook
Twitter
Google Plus
Wararka Maanta- Isniin, Dec 4 , 2016
Xarrakada Al-shabaab oo soo bandhigtay diyaarad Drone ah oo ku soo dhacday Sh/hoose
Axad, December, 04, 2016 (HOL) - Dagaalyahanno ka tirsan Al-shabaab ayaa ka soo dhax muuqday sawir muujinaya iyaga oo dul taagan diyaarad nooca Drone ka ah oo ku soo dhacday deegaan ka tirsan gobolka Sh/hoose.
Afar ka mid ah dagaalamayaasha Al-shabaab oo ku hubeysnaa qoryaha AK47-ka, islamarkaana wajiyada soo xirtay ayaa la arkayay iyaga oo dultaagan diyaarad nooca wax basaaso ah oo ku dhacday deegaanka Bariire ee gobolka Sh/hoose.
Al-shabaab ayaa diyaaradan ku soo bandhigay deegaan lagu magacaabo Mubaarak oo ka tirsan isla gobolka Sh/hoose, mana aysan bixin wax faah faahin marka laga reebo in ay soo bandhigeen muuqaalka diyaaradan.
Ma'aha markii ugu horeysay oo siddan oo kale Al-shabaab u soo bandhigaan diyaarad nooca wax basaaso ah oo ku soo dhacday qeybo ka mid ah koonfurta dalka Soomaaliya, waxaana diyaaradaha noocan ah intooda badan isticmaala dowladda Mareykanka.
C/raxmaan Diini, Hiiraan Online
[email protected]
Beledweyne, Soomaaliya