Isniin, Feberaayo 02, 2015 (HOL) — Kulan muhiim ah ayaa waxaa Baydhabo ku yeeshay maanta kulan saraakiil ka socday Britain iyo ciidamada AMISOM oo ay hormuud u ahayd, Linda oo ka mid ah mas’uuliyiinta ururka Midowga Afrika ee AMISOM iyo Koonfur-galbeed Soomaaliya.
Shirkan laba geesoodka ah ayaa waxaa loogu wada hadlay arrimo muhiim u ah dadka iyo deegaanka Koonfur-galbeed, waxaana diiradda lagu saaray kulanka qaabkii ciidamada Koonfur-galbeed qaybahooda kala duwan loo tayayn lahaa.
Qodobada kulanka looga hadlay ayaa tababaro, qalabeyn iyo tayeynta ciidanka maamulka, waxaa kaloo laga wada-hadlay qaabkii maamulka uu u yeelan lahaa xafiisyo qalabeysan iyo dhameystirka golaha wasiirrada iyo laamaha kale ee Koonfur-galbeed.
Waddooyinka magaalada Baydhabo ayaa dhamaantood maanta la xiray iyadoo la filayo in uu yimaada safiirka turkiga Somalia u fadhiya oo la filayo inuu manta gaaro Baydhabo.
Hiiraan Online, Baydhabo