7/13/2020
Today from Hiiraan Online:  _
Wararka Maanta- Jimco, Nov 2 , 2012
Hay'ado ka tirsan kuwa Qarammada Midoobay oo sheegay inay xafiisyo ka furayaan Magaalada Kismaayo ee Gobolka Jubbada Hoose


Jimco, November 02, 2012 (HOL) — Hay'ado ka tirsan kuwa Qarammada Midoobay oo ku shiray magaalada Dhoobley ee gobolka Jubbada Hoose ayaa sheegay inay ka bilaabayaan howlahooda gargaarka magaalada Kismaayo ee gobolka Jubbada Hoose oo ay bishii lasoo dhaafay la wareegeen ciidamada dowladda Soomaaliya oo garab ka helaya ciidamada Kenya ee qaybta ka ah howgalka AMISOM.

Hay'adahan oo ay ka mid yihiin WHO, WFP iyo kuwo kale ayaa waxay kulankooda uga hadlay sidii ay xafiisyo uga furan lahaayeen magaalada Kismaayo oo muddo sannado ah aysan ka shaqeyn haya'daha gargaarka, isla markaana shacabka ku nool aysan helin gargaar bani'aadamnimo muddo dheer.

Sidoo kale, hay'adahan waxay sheegeen in Kismaayo ay tahay magaalo muhiim ah marka la eego howlaha hay'adaha gargaarka, iyagoo sheegay inay halkaas dib uga billaabi doonaan howlihii gargaar ee caafimaadka iyo garagaarrada kale ee ay dadku u baahan yihiin.

Magaalada Kismaayo oo muddo shan sano ah ay ka talinaysay Xarakada Al-shabaab ayaanay gaarin wax gargaar ah oo dunida ka socda, iyadoo la xusuusto inay goobo badan oo ay Al-shabaab ka taliso laga eryay hay'adaha gargaarka caalamka.

Tallaabada ay hay'adaha gargaarka Qaramada Midoobay ku sheegeen inay uga howlgalayaan Kismaayo ayaa waxay imaanaysaa xilli ay magaaladaas dhowr jeer oo hore booqdeen wafdiyo kala duwan oo ka socda hay'adaha gargaarka calaamka iyo kuwa Qaramada Midoobay.

Dhanka kale, go'aanka hay'adaha ay ku gaareen inay Kismaayo uga howgalaan ayaa wuxuu kusoo beegmayaa xilli ay halkaas ka socdaan howgallo ay sameynayaan ciidamada dowladda iyo kuwa Kenya, kuwaasoo lagu sugayo ammaanka magaaladaas.

Maxamed Xaaji Xuseen, Hiiraan Online
[email protected]
Muqdisho, Soomaaliya









Click here
11/2/2012 4:12 AM EST
Jimco, November 02, 2012 (HOL) — Taliyaha ciidamada booliiska gobolka banaadir, Col. Axmed Xasan Maalin ayaa sheegay in ciidamada ammaanka ay u suuro-gashay inay gacanta ku dhigaan xalay koox qorsheynayay inay weeraraan garoonka diyaaradaha ee Muqdisho.

11/2/2012 4:11 AM EST
Jimco, November 02, 2012 (HOL) — Ururka Ahlusunna Waljamaaca ayaa ugu baaqay madaxda dowladda Soomaaliya inay soo dhisayaan xukuumad dalka wax ka qaban karta, isagoo shacabka ugu baaqay inay taageeraan dowladda Soomaaliya.

11/2/2012 4:10 AM EST
Jimco, November 02, 2012 (HOL) — Ergayga xoghayaha guud ee Qaramada Midoobayh u qaabilsan arrimaha Soomaaliya, dajire Augustine Mahiga oo shir jaraa'id ku qabtay Muqdisho ayaa ka hadlay howgallada ciidamada AMISOM iyo dhismaha xukuumadda Soomaaliya.

11/2/2012 4:09 AM EST
Jimco, November 02, 2012 (HOL) — Saraakiisha booliiska AMISOM ayaa waxay ka wadaan Muqdisho tababarro ay siinayaan saraakiisha booliiska Soomaailya, kuwaas oo ku saabsan habka baarista dambiyada, waxaana tababarradan oo billowday bishii Oktoobar ee lasoo dhaafay iyagoo socon doona illaa bisha December ee sannadkan.

11/2/2012 4:08 AM EST
Jimco, November 02, 2012 (HOL) — Xisbiga UDUB oo hore u qaadacay doorashadda golaha deegaanka ee Somaliland, ayaa sheegay in musharaxi madaxweyne iyo madaxweyne kuxigeen ee xisbigoodda ku biiray urur siyaasadeedka Wadani aanay matalin xisbigooda, isla markaana aanay ka tanaasulin go’aankooddii ahaa inay ka soo horjeedaan qaabkii loola dhaqmay ee ay kaga hadheen doorashadda golaha deegaanka.