4/14/2024
Today from Hiiraan Online:  _
Wararka Maanta- Sabti, Feb 10, 2024
Madaxweyne Xasan Sheekh oo Culimada Soomaaliyeed kala hadlay dagaalka ka dhanka ah Al-shabaab
 

Sabti, February, 10, 2024 (HOL) - Madaxweynaha dowladda Fedaraalka Soomaaliya Xasan Sheekh Maxamuud ayaa Xalay kulan gaar ah kula qaatay xarunta Madaxtooyada Qaranka Soomaaliya qaar ka mid ah Culimada Soomaaliyeed.

Kulankaan dhexmaray madaxweyne Xasan Sheekh iyo Culimada Soomaaliyeed oo uu ka qayb galay Wasiirka Wasaaradda Diinta iyo Awqaafta Xukuumadda Fedaraalka Sheekh Mukhtaar Rooboow Cali ayaa looga hadlay qodobo kala ah la dagaalanka kooxda Al-shabaab, Xoojinta Midnimada iyo xal u helidda caqabadaha dib u dhigay dalka.

War qoraal ah oo laga soo saaray kulanka ayaa lagu sheegay in madaxweynaha iyo Culimada Soomaaliyeed ay isla meel in laga wada shaqeeyo sidii looga gudbi lahaa wax walba oo caqabad ku ah dalka oo keeni kara dib dhac.

"Madaxweynaha ayaa culimada Soomaaliyeed ku bogaadiyey sida ay uga go’an tahay muujinta been abuurka ka dhanka ah diinteenna suubban ee Islaamka oo argagixisadu ay ku xalaashadeen dhiigga dadkeenna, waxa uuna xusay doorka taariikhiga ah ee culimada Soomaaliyeed ay ku leeyihiin toosinta dowladnimada iyo difaaca dalka" ayaa lagu yiri qoraal kasoo baxay Madaxtooyada Soomaaliya.

Madaxweyne Xasan Sheekh ayaa sidoo kale sheegay in dagaalka haatan ka socda dalka ee ka dhanka ah kooxda Al-shabaab iney laf dhabar u yihiin culimada Soomaaliyeed oo uu tilmaamay iney yihiin dhaxal dhowreyaasha diinteenna suubban.

Culimada Soomaaliyeed ayaa dhankooda la wadaagay madaxweynaha Soomaaliya talooyin ku aadan dowlad dhiska, horumarinta dalka iyo la dagaalanka fikirka xagjirnimada ah, iyagoona sidoo kale sheegay iney dowladda Fedaraalka ku garab taagan yihiin dadaalada kala duwan oo ay ku howlan tahay.

Madaxweynaha dowladda Fedaraalka Xasan Sheekh Maxamuud ayaa marar badan kulamo sidaan oo kale muhiim u ah kula yeeshay aqalka madaxtooyada Culimaa'udiinka Soomaaliyeed.












Click here
2/10/2024 4:12 PM EST
Sabti, February, 10, 2024 (HOL) - Madaxweynaha Soomaaliya Xasan Sheekh Maxamuud ayaa isbitaalka Digfeer ku booqday dhaawacyada Saraakiisha Imaaraatka ee ku dhawaacmay toogashadii ka dhacday Xerada Janaraal Goordan ee magaalada Muqdisho.

2/10/2024 3:14 PM EST
Sabti, February, 10, 2024 (HOL) - Toogasho ayaa ka dhacday Xerada Ciidanka General Gordan ee Magaalada Muqdisho, halkaasi oo la xaqiijiyay inay ku geeriyoodeen ugu yaraan 5 kamid ah saarakiil kasoo jeeda Imaaraatka Carabta.

2/10/2024 10:27 AM EST
Sabti, February, 10, 2024 (HOL) - Madaxweynahii hore ee Soomaaliya Sheekh Shariif Sheekh Axmed Raysal wasaarahii hore Xasan Cali Kheyre iyo Xildhibaan Cabdiraxmaan Cabdishakuur Warsame ayaa qoraal ay si wadajir ah u soo saareen si weyn ugu dhaliilay madaxweynaha Soomaaliya Xasan Sheekh Maxamuud.

2/10/2024 10:01 AM EST
Sabti, February, 10, 2024 (HOL) - Ciidamada xoogga dalka Soomaaliyeed, gaar ahaan Kumaandooska Danab ayaa howlgal qorsheysan oo lagu dilay 27 xubnood oo ka mid ah kooxda Al-shabaab ka sameeyay deegaanka Yaaqdabeyl ee gobolka Jubbada Hoose.

2/10/2024 8:35 AM EST
Sabti, February, 10, 2024 (HOL) - Xisbiga talada Somaliland haya ee Kulmiye, ayaa sheegay in uu soo dhawaynayo heshiiska Somaliland iyo Itoobiya.

2/10/2024 7:10 AM EST
Sabti, February, 10, 2024 (HOL) - Kaaliyaha Xoghayaha Arrimaha Dibedda ee Maraykanka u qaabilsan Afrika Molly Phee ayaa lagu wadaa inay hawl-gal diblomaasiyadeed ku tagto Addis Abeba, Ethiopia, laga bilaabo 12 ilaa 17ka Febraayo, 2024.

2/10/2024 7:04 AM EST
Sabti, February, 10, 2024 (HOL) - Baarlamaanka Soomaaliya ayaa maanta oo Sabti ah ansixiyay xubinimada Soomaaliya ee ururka Bulshada Bariga Afrika (EAC).

2/10/2024 4:10 AM EST
Sabti, February, 10, 2024 (HOL) - Howlgalka nabad ilaalinta Soomaaliya ee ATMIS, ayaa shaaciyay inay Soomaaliya ka saareen 5,000 oo Askari, iyo 13 Saldhig oo Ciidan oo ay ku wareejiyeen ciidanka hay'adda Nabad Sugida Soomaaliya, intii lagu guda jiray wajigii koowaad iyo labaad ee dhimista ATMIS.

2/10/2024 2:49 AM EST
Sabti, February, 10, 2024 (HOL) - Ciidamada dowladda oo kaashanaya kuwa dadka deegaanka ayaa howlgal qorsheysan kusoo qabtay horjooge ka tirsan kooxda Al-shabaab.

2/10/2024 1:54 AM EST
Sabti, February, 10, 2024 (HOL) - Maxkamadda ciidamada qalabka sida ee Puntland ee fadhigeedu yahay magaalada Boosaaso ayaa midkiiba 10 sano oo xabsi ah ku xukuntay afar nin oo lagusoo eedeeyay inay katirsan yihiin Alshabaab.