3/4/2024
Today from Hiiraan Online:  _
Wararka Maanta- Arbaco, Nov 15, 2023
Wabiga Shabeelle oo bilaabay inuu ku fataho degmada Buulaburte
 

Arbaco, November, 15, 2023 (HOL) - Wabiga Shabeelle ayaa maanta ku fatahay qeybo ka mid xaafadaha degmada Buulaburte ee gobolka Hiiraan.

Wabiga ayaa barqanimadii maanta bilaabay inuu ku fataho xaafada Indhaceel oo ka mid ah xaafadaha degmadaas, waxaana halkaas isaga barakacay shalay iyo maanta boqolaal qoys oo nolosha kala baxsanaya saameynta biyaha.

Fataahada wabiga ee degmada Buulaburte ayaa kusoo beegmeysa, iyadoo markii horaba dadkeeda ay la daalaan dhacayeen xaalado nololeed oo ka dhashay go'doon ay degmadaasi galiyeen kooxda Al-shabaab.

Waa markii labaad oo sanad gudahiisa uu wabiga Shabeelle fatahaad ka sameeyo degmada Buulaburte ee gobolka Hiiraan, waxaana xusid mudan in buundadad degmadaas ay tahay mid aad u liita kadib qaraxyo Al-shabaab ay la beegsaday dhamaadkii sanadkii ladoo dhaafay ee 2022.

Si kastaba ha ahaatee Wabiga Shabeelle ayaa 12-kii bishaan ku fatahay dhamaan xaafadaha magaalada Baledweyne ee xarunta gobolka Hiiraan, waxaana fatahaada Baledweyne ku geeriyooday inta la xaqiijiyay dad gaaraya 8 ruux.












Click here
11/15/2023 11:08 AM EST
Arbaco, November, 15, 2023 (HOL) - Wasiirkii Maalgashiga Somaliland ee uu madaxweynuhu shalay xilka ka qaaday Cabdi Cismaan Dhagawayne, ayaa sheegay in uu ku faraxsanyahay in xilka laga qaado xili uu ku hawlana wax ka qabashada tabashooyinka reer Awdal.

11/15/2023 9:56 AM EST
Arbaco, November, 15, 2023 (HOL) - Madaxweynaha dowadda Federaalka Soomaaliya Xasan Sheekh Maxamuud ayaa maanta safar shaqo ku tagay dalka Burundi, halkaas oo uu kulamo kula qaadanayo dhigiisa dalka Burundi Évariste Ndayishimiye.

11/15/2023 8:11 AM EST
Arbaco, November, 15, 2023 (HOL) - Madaxweynaha dalka Kenya, William Ruto ayaa sagootiyay danjirihii dowladda Soomaaliya u fadhiya dalka Kenya Maxamuud Nuur Tarsan, wuxuuna uga mahadceliyey howlihii uu u soo qabtay.

11/15/2023 7:11 AM EST
Arbaco, November, 15, 2023 (HOL) - Ra'iisal wasaaraha Itoobiya Abiyi Axmed ayaa mar uu la hadlayay baarlamaanka dalkiisa waxa uu ka hadlay arrimaha badda cas iyo sida ay Itoobiya ugu baahan tahay inay hesho bad, waxa uu sheegay Abiyi Axmed in uu dalkiisu marnaba uusan dagaal qaadayn si uu bad u helo, balse qaab sharciga waafaqsan uu ku raadsanayo badda.

11/15/2023 3:56 AM EST
Arbaco, November, 15, 2023 (HOL) - Baarlamaanka maamulka Puntland ayaa lagu wadaa inuu isniinta todobaadka soo socda oo ku beegan 20-ka November, meel mariyo xeerka wax beddelka doorashooyinka, xeerkaas oo uu soo saaray guddiga doorashooyinka.

11/15/2023 3:36 AM EST
Arbaco, November, 15, 2023 (HOL) - Madaxweynihii hore ee Puntland, Cabdiweli Maxamed Cali Gaas ayaa ka digay saamaynta ka dhalan karta ismariwaaga u dhaxeeya madaxweyne Deni iyo kooxaha mucaaradka.

11/15/2023 3:22 AM EST
Arbaco, November, 15, 2023 (HOL) - Waxa sii kordhaya tirada dadka ku geeriyooday fatahaada Wabiga Shabeelle uu ka geystay xaadafaha magaalada Baledweyne ee xarunta gobolka Hiiraan.