3/29/2024
Today from Hiiraan Online:  _
Wararka Maanta- Khamiis, May 25, 2023
Wabiga Shabeelle oo ku fatahay degmada Buulaburte iyo Buundada degmadaas oo halis ku jirta

Khamiis, May 25, 2023 (HOL) - Wabiga Shabeelle ayaa fatahaad ka sameeyay saacadahii lasoo dhaafay xaafado ka tirsan degmada Buulaburte ee gobolka Hiiraan.

Biyaha wabiga ayaa saameyay afar xaafadood oo ka tirsan degmada waxaana biyaha ay si weyn u saameeyeen  Xaafadaha kala ah Wadajir iyo Indhaceel oo lagu soo waramayo iney halkaas ka barakaceen boqolaal qoys.

Degmada Buulaburte oo dhacda bartamaha gobolka Hiiraan ayaa ah degmadii labaad oo uu fatahaad ka sameeyo wabiga Shabeelle, kaasoo laba todobaad ka hor Baledweyne ka barakiciyay kumanaan qoys oo ku noola xaafadaha magaalada Baledweyne.

Buundada degmada Buulaburte oo dhamaadkii sanadkii lasoo dhaafay qarax xoogan ku burburiyeen qeybta dhexe ee buubadada kooxda Al-shabaab ayay haatan dulmarayaan biyaha wabiga, waxaana laga cabsi qaba in dhaawaca Buundada biyahaan ay sii sababan iney go'do Buundada.

Duqa magaalada Buuloburte Sadaam Cabdi Iidow oo ka warramay xaaladdihii ugu dambeeyay ee fatahaadda webiga Shabeelle ee degmada Buulaburte ayaa sheegay in biyahaan ay yihiin kuwa ka tira badan yihii horay ay u arki jireen.

 "Degmada Buuloburte biyo nuucani oo kale ah ma imaan hadda biyuhu waxay saameeyeen afar xaafad oo degmada ka tirsan, Buundada maanta ayey biyuhu kaso boodeen awal darbiyada ayey garaacayeen iyadoo naafeysneed ayey biyuhu hadana ugu sii darsameen" ayuu yiri Duqa magaalada Buuloburte Sadaam Cabdi Iidow.

Degmada Buulaburte oo markii horaba dadkeeda ay la daalaan dhacayeen xaalado nololeed oo ka dhashay go'doon ay degmadaasi galiyeen kooxda Al-shabaab ayaa hadana waxaa ugu sii darsamay Fatahaada wabiga Shabeelle.












Click here
5/25/2023 9:58 AM EST
Khamiis, May 25, 2023 (HOL) - Shirka Todobaadlaha ee Golaha Wasiirrada Xukuumadda Fedaraalka Soomaaliya oo uu maanta shir guddoominayey Raysal Wasaare ku xigeenka Xukuumadda ahna ku simaha Raysal wasaaraha Saalax Axmed Jaamac ayaa diiradda lagu saaray Fatahaadda Wabiga Shabeelle uu ka sameeyey gobolka Hiiraan, diyaar garowga imtixaanka Shahaadiga ee dugsiga sare iyo dhaqan gelinta nidaaminta bajaajyada ka howlgala Caasimadda dalka.

5/25/2023 7:48 AM EST
Khamiis, May 25, 2023 (HOL) - Wasiirka arrimaha gudaha Puntland Cabdi Faarax Siciid Juxa ayaa nasiib darro ku tilmaamay in siyaasiyiin uu ku sifeeyay saaqidiin ay hor istaageen inay doorasho ka dhacdo magaalada Garowe.

5/25/2023 4:15 AM EST
Khamiis, May 25, 2023 (HOL) - Warar dheeraad ah ayaa kasoo baxaya qarax miino oo saakay ka dhacay agagaarka xarunta degmada Kaxda ee magaalada Muqdisho.

5/25/2023 3:02 AM EST
Khamiis, May 25, 2023 (HOL) - 33 degmo oo katirsan Puntland ayaa saakay si nabad ah looga codeynayaa, iyadoo dadweynuhu dooranayaan wakiillada ku matalaya golayaasha degaanka ee dowladaha hoose ee Puntland.

5/25/2023 1:52 AM EST
Khamiis, May 25, 2023 (HOL) - Maamulka gobolka Banaadir ayaa ku dhawaaqay in maanta oo Khamiis ah magaalada Muqdisho uu ka dhaqan galayo jadwalkii loo asteeyay Mooto Bajaajyada ka shaqeeya Muqdisho ee ahaa A iyo B.

5/25/2023 1:35 AM EST
Khamiis, May 25, 2023 (HOL) - Dowldda Mareykanka ayaa cunaqabateyn culus ku soo rogtay 26 qof iyo hay’ado xiriir la leh kooxda Al-Shabaab, iyo Shirkado Soomaaliyeed oo dhoofiya Dhuxusha.