3/29/2024
Today from Hiiraan Online:  _
Wararka Maanta- Sabti, May 20, 2023
Agab iyo saanad ciidan oo loo waday Al-shabaab oo markale lagu qabtay Dekadda Muqdishu
 

Sabti, May, 20, 2023 (HOL) - Ciidanka Nabadsugida iyo Sirdoonka Qaranka Soomaaliya ayaa Maanta markale dekada magaalada Muqdisho ku qabtay agab iyo saanad ciidan oo la sheegay in loo waday kooxda Al-shabaab.

Wasiiru dowlaha Wasaaradda Amniga gudaha Xukuumadda Soomaaliya Maxamed Cali Xagaa iyo wasiir ku xigeenka Warfaafinta Soomaaliya Cabdraxmaan Yuusuf Alcadaala ayaa warbaahinta u sheegeen in 24 saac gudahood ciidanka NISA  ay gacanta ku dhigeen Kunteenarkii labaad oo ay ka buxaan agab iyo saanad ciidan oo ku socday kooxda Al-shabaab.

“Maanta waxaa u suuragashay ciidanka Sirdoonka Qaranka iney qabtaan konteenarkii labaad oo waxyaabaha ku jira ka mid yihiin diyaarado doroniska ah, qalab gawaarida ku shaqeeyo, koofiyadaha  aan xabad karin, rimuudka qaraxa iyo waxyaabo kale" ayuu yiri Wasiiru dowlaha Wasaaradda Amniga Maxamed Cali Xagaa.

Wuxuu sidoo kale sheegay Wasiir Xagaa in dowladda Soomaaliya ay dadaal dheer ku bixinayso dagaalka ka dhanka ah Ururka Al-shabaab oo uu xusay in haatan intiisa badan in lagu guuleystay.

Maalin ka hor ayay aheyd markii ciidanka Hay’adda Nabad Sugidda iyo Sirdoonka Qaranka Soomaaliya ay sidaan oo kale ku qabteen Dekadda iyo garoonka diyaaradaha Muqdisho agab iyo saanad ciidan oo la sheegay in loo waday dagaalamayaasha Al-Shabaab.












Click here
5/20/2023 11:11 AM EST
Sabti, May, 20, 2023 (HOL) - Hay'adda Xasaradaha Adduunka ee International Crisis Group, ayaa dhinacyada Laascaanood ku dagaalamaya ugu baaqday in ay wadahadlaan.

5/20/2023 10:07 AM EST
Sabti, May, 20, 2023 (HOL) - Raysal Wasaaraha Xukuumada Federaalka Soomaaliya Xamsa Cabdi Barre ayaa Maanta magaalada Muqdisho ka furay Shirweynaha Qaran ee dhallinyarada Soomaaliyeed oo lagu dhaqan gelinayo Siyaasadda Qaran ee Dhallinyarada.

5/20/2023 9:39 AM EST
Sabti, May, 20, 2023 (HOL) - Warar dheeraad ah ayaa kasoo baxaya dagaal khasaare badan geystay oo saacadahii lasoo dhaafay ka dhacay duuleedka degmada Wanlaweyn ee gobolka Shabeellaha Hoose, kaasoo dhexmaray laba maleeshiyo beeleed oo walaalo ah.

5/20/2023 5:45 AM EST
Sabti, May, 20, 2023 (HOL) - Daahir Maxamed Cali ( Daahir Baasto ) oo ahaa Guddoomiye ku xigeenka Ururka ONLF ayaa is casilay, kaddib markii uu Daahir baasto ku eedeeyay hoggaanka ONLF inuu ururka ka leexiyay wadadii loo aasaasay oo ahayd inay ka tarjumaan baahiyaha Shacabka dowlad degaanka Soomaalida.

5/20/2023 3:41 AM EST
Sabti, May, 20, 2023 (HOL) - Madaxweynaha maamulka Puntland, Siciid Cabdullaahi Deni ayaa sheegay inay koox yar kasoo horjeedaan doorashooyinka dimuqraadiyadda, isagoo kooxdaas ku tilmaamay kuwo riyoonaya.

5/20/2023 3:09 AM EST
Sabti, May, 20, 2023 (HOL) - Madasha siyaasiyiinta mucaaradka Puntland ayaa sheegay in aysan ka warqabin ama aysan diidin wadahadallo looga hadlayo muranka doorashada Puntland.

5/20/2023 2:50 AM EST
Sabti, May, 20, 2023 (HOL) - Madaxweynaha dowladda Fedaraalka Soomaaliya Xasan Sheekh Maxamuud oo ku sugan wadanka Boqortooyada Sacuudi Carabiya ayaa kulan kula qaatay halkaasi dhaxal sugaha dalka Sacuudiga Amiir Maxamed Binu Salmaan.

5/20/2023 1:03 AM EST
Sabti, May, 20, 2023 (HOL) - Hey'adda Lacagta Adduunka ee IMF ayaa warbixin ka soo saartay qiimaynta hannaanka dib-u-eegista 5-aad ee Barnaamijka Deyn Cafinta Soomaaliya.