4/14/2024
Today from Hiiraan Online:  _
Wararka Maanta- Talaado, Mar 14, 2023
Madaxweynaha Somaliland oo sheegay in loo bahanyahay in doorashooyin deg deg ah la galo

Talaado, Maarso, 14, 2023 (HOL) - Madaxweynaha Somaliland Muuse Biixi Cabdi, ayaa sheegay in loo bahanyahay in wakhti xaadirkan lasoo doorto madaxweyne, iyo xisbiyo cusub.

Madaxweynuhu waxa uu sheegay in anay suuragal ahayn in doorasho la'aan lagu sii jiro, waxuuna tilmaamay in sharcigu sheegayo in 5 tii sannoba hal mar la dooro madaxweyne, inkasta oo dhawaan 2 sanno loo kordhiyay isaga.

"Dalkan hadaanu doorasho galin oo aan la dooranin madaxda, ama madaxweynaha soo socda iyo cidii kale ee doorashadeedu taagantahayba dee socon maayo, distoor keena ayaa dhigaya in 5 tii sannoba mar la cusboonaysiiyo" ayuu yidhi Madaxweyne Biixi.

Waxa uu sheegay in uu guddida doorashooyinka uu uga fadhiyo in ay miiska soo saaraan wadadii doorashada loo mari lahaa iyo wakhtigii la qaban lahaa, waxaanu sheegay in qasab ay tahay in doorasho la galo wakhtigan.

Waxa uu sheegay in lagu jiro wakhti saddexdii xisbi wakhtigoodii dhacay, oo anay doorasho gali karin ilaa oo dib loo doorto, isla markaana ay taaganyihiin 10 urur oo diyaar u ah in ay usoo baxaan xisbiyo rasmi ah.

Doorashada madaxtooyada ayaa dib u dhacday kadib khilaaf daba dheeraaday oo u dhexeeya madaxweynaha iyo xisbiyada mucaaradka, khilaafkaas oo aan wali xal buuxa laga gaadhin.

Abdilahi Geel-maal, Hiiraan Online
[email protected]












Click here
3/14/2023 11:28 AM EST
Talaado, Maarso, 14, 2023 (HOL) - Maxkamadda Darajada koowaad ee ciidamada qalabka sida ee dowladda Fedaraalka Soomaaliya ayaa Maanta xukun ku riday Sarkaal ka tirsana ciidanka xoogga dalka Soomaaliya oo loo heysto dilka maxbuus ka tirsana kooxda Al-shabaab.

3/14/2023 9:18 AM EST
Talaado, Maarso, 14, 2023 (HOL) - Madaxweynaha Somaliland Muuse Biixi Cabdi ayaa sheegay in colaada Laascaanood ay tahay shacab reer Somaliland ah oo xukuumadoodii wax ka tabanaya, isla markaana cidii gacan ka gaysanaysa nabadaynteeda laga rabo in ay sida ku shaqeeyso.

3/14/2023 8:35 AM EST
Talaado, Maarso, 14, 2023 (HOL) - Hooyo iyo labadeeda carruur iyo qof kaloo marti u ahaa, ayaa ku geeriyooday Hoobiye kusoo dhacay hoygooda oo kuyaalay degmada Baardheere ee gobolka Gedo.

3/14/2023 6:55 AM EST
Talaado, Maarso, 14, 2023 (HOL) - kulan dhexmaray wafti ka socda Wasaarada Dhaqaalaha ee Taiwan, iyo madaxda Wasaarada Ganacsiga Somaliland, ayaa lagaga wadahadlay iskaashi ganacsi iyo dhaqaale oo ay labada dhinac yeelanayaan.

3/14/2023 6:17 AM EST
Talaado, Maarso, 14, 2023 (HOL) - Ugu yaraan 5 askari iyo afar qof oo ra'yid ah ayaa ku dhintay qarax ismiidaamin ah oo saakay arroortii lala beegsaday guri ay daganaayeen masuuliyiin ka tirsan maamulka gobolka Gedo iyo saraakiil katirsan ciidanka xoogga dalka.

3/14/2023 6:08 AM EST
Talaado, Maarso, 14, 2023 (HOL) - Garaad Jaamac Garaad Cali, ayaa sheegay in aanu aqoonsanayn xuduudii Ingiriiska ee Somaliland oo ay Somaliland ku doodo in ay tahay xuduud sharci ah Afrika ku dhisantahay.

3/14/2023 2:17 AM EST
Talaado, Maarso, 14, 2023 (HOL) - Warar dheeraad ah ayaa kasoo baxaya qarax Ismiidaamin ah oo saakay ka dhacay guriga Martida degmada Baardheere ee gobolka Gedo oo ay daganayeen masuuliyiin uu ka mid yahay gudoomiyaha gobolka Gedo iyo Saraakiil ciidan.

3/14/2023 2:09 AM EST
Talaado, Maarso, 14, 2023 (HOL) - Madaxweynaha Soomaaliya, Xasan Sheekh Maxamuud iyo wafdi uu hoggaaminayo ayaa booqasho xalay ku tagay magaalada Asmara ee dalka Eritrea.