4/14/2024
Today from Hiiraan Online:  _
Wararka Maanta- Talaado, Mar 14, 2023
Madaxweyne Biixi: Arrinta Laascaanood waa arrin Somaliland guddaheeda ah
 

Talaado, Maarso, 14, 2023 (HOL) - Madaxweynaha Somaliland Muuse Biixi Cabdi ayaa sheegay in colaada Laascaanood ay tahay shacab reer Somaliland ah oo xukuumadoodii wax ka tabanaya, isla markaana cidii gacan ka gaysanaysa nabadaynteeda laga rabo in ay sida ku shaqeeyso.

Madaxweynaha ayaa sheegay in ka xukuumad ahaan ay mudnaanta siinayaan xal u helista colaada Laascaanood, isaga oo sheegay in ay ahayd xasarad aan la filanayn oo nasiib daro ah.

"Sannadkan mudnaantayo waxay saarantahay dhibaatada ka jirta gobolka Sool oo ah dhibaato aynaan filayn, nasiib darana ah, in aynu u xalino si nabada, dowlad ahaan marwalba waxaanu ku dhawaaqaynay xabad joojin iyo in ay ciidamadu is xakameeyaan" ayuu yidhi madaxweyne Biixi.

Waxa uu sheegay in arrinta Laascaanood tahay arrin Somaliland gudaheeda ah "Xalka sidaanu u aragnaa waxa weeyi arrintani waa arrin Somaliland gudaheeda ah, waa dad muwaadiniin Somaliland ah oo wax ka tirsanaya dowlada, waxay u baahanyihiin in loo fadhiisto oo la dhagaysto dowlad ahaana diyaar ayaanu u nahay".

Madaxweynuhu waxa uu sheegay in ay soo dhawaynayaan cidkasta oo gacan ka gaysanaysa nabadaynta Laascaanood, laakiin cida xalka galaysa ay noqoto cid aaminsan in ay tahay arrin Somaliland dhexdeeda ah, wuxuuna u digay Puntland oo uu sheegay in ay faraha kula jirto Sool.

Waxa uu sheegay in qaarada Afrika ay ku dhisantahay xadadkii uu isticmaarku sameeyay isla markaana anay jirin cid badali karta xuduudihii isticmaarku dhigay, hadii la taabtana ay Afrika oo dhani qalalaase gali doonto.

Madaxweynu waxa uu sheegay in xaalada Laascaanood nabad lagu soo dabaali doono, isaga oo rajo fiican ka muujiyay in laga heshiiyo, dhinaca kale Garaadada ku sugan Laascaanood ayaa wali ku baaqaya in ciidamada Somaliland ka baxaan deegaanadaas.

Abdilahi Geel-maal, Hiiraan Online
[email protected]












Click here
3/14/2023 11:28 AM EST
Talaado, Maarso, 14, 2023 (HOL) - Maxkamadda Darajada koowaad ee ciidamada qalabka sida ee dowladda Fedaraalka Soomaaliya ayaa Maanta xukun ku riday Sarkaal ka tirsana ciidanka xoogga dalka Soomaaliya oo loo heysto dilka maxbuus ka tirsana kooxda Al-shabaab.

3/14/2023 9:41 AM EST
Talaado, Maarso, 14, 2023 (HOL) - Madaxweynaha Somaliland Muuse Biixi Cabdi, ayaa sheegay in loo bahanyahay in wakhti xaadirkan lasoo doorto madaxweyne, iyo xisbiyo cusub.

3/14/2023 8:35 AM EST
Talaado, Maarso, 14, 2023 (HOL) - Hooyo iyo labadeeda carruur iyo qof kaloo marti u ahaa, ayaa ku geeriyooday Hoobiye kusoo dhacay hoygooda oo kuyaalay degmada Baardheere ee gobolka Gedo.

3/14/2023 6:55 AM EST
Talaado, Maarso, 14, 2023 (HOL) - kulan dhexmaray wafti ka socda Wasaarada Dhaqaalaha ee Taiwan, iyo madaxda Wasaarada Ganacsiga Somaliland, ayaa lagaga wadahadlay iskaashi ganacsi iyo dhaqaale oo ay labada dhinac yeelanayaan.

3/14/2023 6:17 AM EST
Talaado, Maarso, 14, 2023 (HOL) - Ugu yaraan 5 askari iyo afar qof oo ra'yid ah ayaa ku dhintay qarax ismiidaamin ah oo saakay arroortii lala beegsaday guri ay daganaayeen masuuliyiin ka tirsan maamulka gobolka Gedo iyo saraakiil katirsan ciidanka xoogga dalka.

3/14/2023 6:08 AM EST
Talaado, Maarso, 14, 2023 (HOL) - Garaad Jaamac Garaad Cali, ayaa sheegay in aanu aqoonsanayn xuduudii Ingiriiska ee Somaliland oo ay Somaliland ku doodo in ay tahay xuduud sharci ah Afrika ku dhisantahay.

3/14/2023 2:17 AM EST
Talaado, Maarso, 14, 2023 (HOL) - Warar dheeraad ah ayaa kasoo baxaya qarax Ismiidaamin ah oo saakay ka dhacay guriga Martida degmada Baardheere ee gobolka Gedo oo ay daganayeen masuuliyiin uu ka mid yahay gudoomiyaha gobolka Gedo iyo Saraakiil ciidan.

3/14/2023 2:09 AM EST
Talaado, Maarso, 14, 2023 (HOL) - Madaxweynaha Soomaaliya, Xasan Sheekh Maxamuud iyo wafdi uu hoggaaminayo ayaa booqasho xalay ku tagay magaalada Asmara ee dalka Eritrea.