4/14/2024
Today from Hiiraan Online:  _
Wararka Maanta- Talaado, Mar 14, 2023
Wafti ka socda Taiwan oo kulan la qaatay xukuumada Somaliland
 

Talaado, Maarso, 14, 2023 (HOL) - kulan dhexmaray wafti ka socda Wasaarada Dhaqaalaha ee Taiwan, iyo madaxda Wasaarada Ganacsiga Somaliland, ayaa lagaga wadahadlay iskaashi ganacsi iyo dhaqaale oo ay labada dhinac yeelanayaan.

Madaxda wasaarada ganacsiga ayaa ugu horayn soo dhaweeyey waftiga oo uu hogaaminayo Eugene Y.J. Chen oo ah Agaasimaha Guud ee Iskaashiga Caalamiga ah ee Wasaaradda Dhaqaalaha ee Taiwan, waxayna ka wada hadleen sidii xidhiidh ganacsi dhinacyadu u yeelan lahaayeen.

"Waxa lagaga wada hadlay iskaashiga labada wadan ee dhinaca ganacsiga & dhaqaalaha. Waxa siddoo kale labada dal dhawaan ay yeelan doonnaan heshiis rasmi ah o dhinaca gacansiga iyo dhaqaalaha ah," ayaa lagu yidhi warsaxaafadeed kasoo baxday kulanka.

Xidhiidhka Taiwan iyo Somaliland ayaa soo bilowday sannadkii 2020, markaasi oo labadan xukuumadood ee aan aqoonsiga haysanin ka xanaajiyeen dowladaha Shiinaha iyo Soomaaliya, oo Somaliland iyo Taiwan u arka in ay ka tirsanyihiin dhulkooda.

Taiwan oo xafiis dibulumaasiyadeed ku leh Hargaysa, ayaa sannadihii lasoo dhaafay xukuumada Somaliland gacan kasiisay in ay la tacaasho masiibooyin dhowra oo uu kamid ahaa xanuunkii adduunka aafeeyay ee COVID-19.

Hadaba, Taiwan ayaa sida ay hore u sheegtay xiisaynaysa in ay xidhiidh ganacsi la yeelato Somaliland, iyada oo soo hadal qaaday khayraadka macdanta iyo shidaalka, oo ay rabto in ay Somaliland kala shaqayso soo saaristooda.

Abdilahi Geel-maal, Hiiraan Online
[email protected]












Click here
3/14/2023 11:28 AM EST
Talaado, Maarso, 14, 2023 (HOL) - Maxkamadda Darajada koowaad ee ciidamada qalabka sida ee dowladda Fedaraalka Soomaaliya ayaa Maanta xukun ku riday Sarkaal ka tirsana ciidanka xoogga dalka Soomaaliya oo loo heysto dilka maxbuus ka tirsana kooxda Al-shabaab.

3/14/2023 9:41 AM EST
Talaado, Maarso, 14, 2023 (HOL) - Madaxweynaha Somaliland Muuse Biixi Cabdi, ayaa sheegay in loo bahanyahay in wakhti xaadirkan lasoo doorto madaxweyne, iyo xisbiyo cusub.

3/14/2023 9:18 AM EST
Talaado, Maarso, 14, 2023 (HOL) - Madaxweynaha Somaliland Muuse Biixi Cabdi ayaa sheegay in colaada Laascaanood ay tahay shacab reer Somaliland ah oo xukuumadoodii wax ka tabanaya, isla markaana cidii gacan ka gaysanaysa nabadaynteeda laga rabo in ay sida ku shaqeeyso.

3/14/2023 8:35 AM EST
Talaado, Maarso, 14, 2023 (HOL) - Hooyo iyo labadeeda carruur iyo qof kaloo marti u ahaa, ayaa ku geeriyooday Hoobiye kusoo dhacay hoygooda oo kuyaalay degmada Baardheere ee gobolka Gedo.

3/14/2023 6:17 AM EST
Talaado, Maarso, 14, 2023 (HOL) - Ugu yaraan 5 askari iyo afar qof oo ra'yid ah ayaa ku dhintay qarax ismiidaamin ah oo saakay arroortii lala beegsaday guri ay daganaayeen masuuliyiin ka tirsan maamulka gobolka Gedo iyo saraakiil katirsan ciidanka xoogga dalka.

3/14/2023 6:08 AM EST
Talaado, Maarso, 14, 2023 (HOL) - Garaad Jaamac Garaad Cali, ayaa sheegay in aanu aqoonsanayn xuduudii Ingiriiska ee Somaliland oo ay Somaliland ku doodo in ay tahay xuduud sharci ah Afrika ku dhisantahay.

3/14/2023 2:17 AM EST
Talaado, Maarso, 14, 2023 (HOL) - Warar dheeraad ah ayaa kasoo baxaya qarax Ismiidaamin ah oo saakay ka dhacay guriga Martida degmada Baardheere ee gobolka Gedo oo ay daganayeen masuuliyiin uu ka mid yahay gudoomiyaha gobolka Gedo iyo Saraakiil ciidan.

3/14/2023 2:09 AM EST
Talaado, Maarso, 14, 2023 (HOL) - Madaxweynaha Soomaaliya, Xasan Sheekh Maxamuud iyo wafdi uu hoggaaminayo ayaa booqasho xalay ku tagay magaalada Asmara ee dalka Eritrea.