4/14/2024
Today from Hiiraan Online:  _
Wararka Maanta- Axad, Mar 12, 2023
Galmudug oo Puntland ku eedeysay inay diiwaan galin sharci darro ah ka wado gobolka Mudug
 

Axad, Maarso, 12, 2023 (HOL) - Maamulka Galmudug ayaa ku eedeeyay maamulka Puntland inay diiwaan galin doorasho ka sameynayso deegaano katiran kuwa Galmudug.

Masuuliyiinta katirsan Galmudug ayaa sheegay in deegaano katirsan gobolka Mudug ay Puntland ka sameysay diiwaan galin sharci darro ah.

Galmudug waxay sheegtay tallaabooyinka caynkaan ah inay dhaawacayaan nabad galyada iyo wada shaqaynta labada maamul, iyagoo ugu baaqay Puntland inay joojiso diiwaan galinta.

Galmudug waxay sheegtay deegaanada laga sameeyay diiwaan galinta inay kamid tahay Dhinowda, Hirsalaama iyo deegaano kale oo katirsan degmada Gaalkacyo.

Dhinaca kale, qaar katirsan barakacayaasha ku nool koonfurta Gaalkacyo ayaa sheegay in boqolaal katirsan dadkooda lagasoo qaaday xeryahooda kadibna laga diiwaan galiyay seejooyin doorasho oo kuyaala waqooyiga Gaalkacyo.

Waxay sheegeen in markii la diiwaan galiyay laga arursaday warqadahoodii diiwaan galinta, iyagoo sheegay in lacago loogu bedelidoono.

Si kastaba ha ahaatee diiwaan galinta ka socota gobolka Mudug ayaa ah diiwaan galinta doorashooyinka dowladaha hoose ee Puntland.

Puntland weli kama jawaabin eedeymaha kasoo yeeray maamulka Galmudug.















Click here
3/12/2023 10:16 AM EST
Axad, Maarso, 12, 2023 (HOL) - Guddoomiyaha xisbiga UCID, ayaa sheegay in urur ay ku midoobeen dad hore madax Soomaaliya uga soo noqday, ay wadaan qorshe Somaliland lagu burburinayo, oo ay ka danbeeyaan kacdoonka Laascaanood.

3/12/2023 9:59 AM EST
Axad, Maarso, 12, 2023 (HOL) - Waxaa Maanta magaalada Baydhabo ee xarunta gobolka Baay lagu qabtay doorashada kursi ka mid ah kuraasta ka banaaneyd Baarlamaanka Fedaraalka Soomaaliya, kaasoo tirsigiisu yahay HOP 176 oo deegaan doorashadiisu tahay Koonfur Galbeed Soomaaliya.

3/12/2023 9:03 AM EST
Axad, Maarso, 12, 2023 (HOL) - Wasaaradda Isgaarsiinta iyo Teknolojiyada ee xukuumadda Soomaaliya, ayaa uga digtay shirkadaha isgaarsiinta ee dalka in ay ka gudbaan meelaha loo cayimay si loo ilaaliyo Tartanka Suuqa Isgaarsiinta.

3/12/2023 7:47 AM EST
Axad, Maarso, 12, 2023 (HOL) - Guddoomiye Ku Xigeenka Xisbiga Waddani Axmed Cumar Xaaji (Xamarje), ayaa sheegay in hadii doorashada madaxtooyada Somaliland ku qabsoomi waydo wakhtiga koomiishanku iclaamiyay ay Somaliland burburi doonto.

3/12/2023 4:27 AM EST
Axad, Maarso, 12, 2023 (HOL) - Madaxweynaha Puntland Siciid Cabdullaahi Deni, ayaa soo saaray maalinta ay dhacayaan doorashooyinka goleyaasha degaanka Puntland.

3/12/2023 1:48 AM EST
Axad, Maarso, 12, 2023 (HOL) - Warar dheeraad ah ayaa kasoo baxay dil Xalay magaalada Gaalkacyo kooxo hubeysan ugu geysteen Nabadoon Cabdi Aadan Siyaad oo ka mid ahaa nabadooda caanka ka ah gobolka Mudug.