3/28/2024
Today from Hiiraan Online:  _
Wararka Maanta- Isniin, Jan 23, 2023
Xukuumada Somaliland oo ka hadashay imaanshiyaha Garaad Jaamac ee Laascaanood
 

Isniin, January, 23, 2023 (HOL) -  Xukuumada Somaliland ayaa imaanshiyaha Garaad Jaamac Garaad Cali 15 sanno kadib ku yimid Laascaanood ku tilmaantay nin gurigiisii yimid.

Wasiirka Wasaarada Biyaha Somaliland Cali Xasan Maxamed (Cali Mareexaan), oo Sahan TV wax ka waydiiyay socdaalka garaadka, ayaa ku tilmaamay in uu garaadku yahay nin gurigiisii yimid, taasina ay caadi tahay.

"Jaamac Garaad Cali waa garaad reer Laascaanood ah, oo garaad guun ah oo taariikh dheer leh, waana Jamhuuriyada Somaliland garaadadeeda ugu waa wayn ayuu kamid yahay, markaa haduu Laascaanood soo gaadhay waa nin magaaladiisii yimid, hadii lasoo dhaweeyayna dadkiisii ayaa soo dhaweeyay" ayuu yidhi Cali Mareexaan.

Cali Mareexaan ayaa garaadka iyo garaadada kale ugu baaqay in ay ka shaqeeyaan nabadgalyada isla markaana meel looga soo wada jeesto cidkasta oo nabadgalyo daro abuuraysa.

Garaad Jaamac Garaad Cali oo 15 sanno kadib maanta Laascaanood soo gaadhay, ayaa soo dhawayn balaadhan kala kulmay shacabka Laascaanood iyo tuulooyinka ku dhow dhow, garaadka ayaa aad uga soo horjeeda gooni isu taaga Somaliland.

Garaadada kusoo qulqulaya Laascaanood ayaa badankoodu aaminsan in la sameeyo maamul hoostaga dowlada Soomaaliya, oo xaruntiisu tahay Laascaanood.

Maamulka Khaatumo ee garaadadu ay ku taamayaan ayaa dhowr jeer oo hore suuragaliwaayay, madaama Somaliland iyo Puntland labadooda midna anay ogolayn, hadaba waxa laga war sugayaa waxa kasoo baxa shirka odayaasha dhaqanku dhawaan ku yeelanayaan Laascaaanood.



Abdilahi Geel-maal, Hiiraan Online
[email protected]












Click here
1/23/2023 9:37 AM EST
Isniin, January, 23, 2023 (HOL) - Warar dheeraad ah ayaa kasoo baxaya khasaaraha ka dhashay howlgal ay barbar socdeen duqeymo dhanka cirka ah oo la sheegay in ciidamada dowladda Soomaaliya ay ka fuliyeen deegaanka Beer Faarax oo ka mid ah deegaanada hoostaga degmada Xarardheere ee gobolka Mudug.

1/23/2023 8:31 AM EST
Isniin, January, 23, 2023 (HOL) - Waxaa Maanta magaalada Muqdisho ka furmay shir weynaha Culimada Soomaaliyeed oo uu horay ugu baaqay madaxweynaha dowladda Fedaraalka Soomaaliya Xasan Sheekh Maxamuud.

1/23/2023 6:19 AM EST
Isniin, January, 23, 2023 (HOL) - Garaad Jaamac Garaad Cali oo ah Garaadka guud ee deegaannada SSC, ayaa maanta si ballaaran loogusoo dhoweeyay magaalada Laascaanood ee gobolka Sool, halkaas oo ay ugu dambeeysay sannadkii 2007, xilligaas oo Laascaanood ay la wareegeen Somaliland.

1/23/2023 3:16 AM EST
Isniin, January, 23, 2023 (HOL) - Warar dheeraad ah ayaa kasoo baxaya dagaal geystay khasaare kala duwan oo saacadahii lasoo dhaafay ku dhexmaray deegaanka Sijngaleyr oo ka mid ah deegaanada hoostaga magaalada Kismaayo ciidamada maamulka Jubbaland iyo kuwa Al-shabaab.

1/23/2023 1:15 AM EST
Isniin, January, 23, 2023 (HOL) - Garaad Jaamac Garaad Cali oo ah isinka guud ee beelaha SSC ayaa maanta markii ugu horreysay 15 sano kadib tagaya magaalada Laascaanood.

1/23/2023 12:33 AM EST
Isniin, January, 23, 2023 (HOL) - Dowladda Soomaaliya ayaa si xooggan u cambaareysay falkii ay mas’uuliyiinta Sweden ugu ogolaadeen nin xag-jir ah inuu ku gubo safaaradda Turkiga ee magaalada Stockholm horteeda kutub ka mid ah Qur’aanka Kariimka ah, Sabtidii January 21.

1/23/2023 12:23 AM EST
Isniin, January, 23, 2023 (HOL) - Madaxweynaha dowlad degaanka Soomaalida Mustafe Cagjar ayaa qoraal uu soo dhigay bartiisa Facebook, waxa uu kaga hadlay arrimo dhawr ah oo ku saabsan Tulli-guuleed, Jigjiga iyo Diridhabe oo maalmihii u dambeeyay ka dhex guuxayay maskaxda shacabka dowlad degaanka Soomaalida.