9/30/2023
Today from Hiiraan Online:  _
Wararka Maanta- Isniin, Sept 18, 2023
Faahfaahino kasoo baxaya qarax khasaare geystay oo ka dhacay gobolka Gedo

Isniin, September, 18, 2023 (HOL) - Warar dheeraad ah ayaa kaasoo baxaya qarax xoogan oo geystay khasaare dhimasho iyo dhaawacba leh oo maanta dhacay gobolka Gedo.

Qaraxaan ayaa duhurninadii Maanta ka dhacay wadada u dhaxeysa magaalooyinka Dooloow iyo Luuq ee gobolka Gedo ayaa la sheegay in lala eegtay kolanyo gaadiid ah oo uu la socday abaandulaha qeybta 43-aad ee ciidanka xoogga dalka Soomaaliyeed Rashiid Bohol iyo saraakiil kale.

Wararka hordhaca ah ee kasoo baxaya khasaaraha ka dhashay qaraxa ayaa sheegaya iney ku dhinteen 4 askari, islamarkaana ay ku dhaawacmeen ilaa 10 askari oo uu ku jiro abaandulaha guutada 10-aad ee ciidanka xooga dalka oo la sheegay inuu yahay dhaawaciisa mid fudud, lana geeyay degmada Luuq.

Ma ahan markii ugu horeysay oo qarax noocaan oo kale ah uu ka dhaco wadada xariirisa degmooyinka Luuq iyo Dooloow oo uu khasaare kasoo gaaro askar iyp saraakiil ka tirsan ciidanka dowladda Soomaaliya.

Kooxda Al-shabaab oo haatan wajaheyso culeyskii ugu adkaa oo ay kala kulmeyso kacdoonka dagaal ee dowladda iyo dadka deegaanka ku hayaan ayaa sheegtay masuuliyada qaraxaan maanta ka dhacay gobolka Gedo.












Click here
9/18/2023 3:40 PM EST
Isniin, September, 18, 2023 (HOL) - Madaxweynaha Soomaaliya, Xasan Sheekh Maxamuud ayaa magacaabay taliyayaal cusub oo katirsan ciidanka xoogga dalka, si ay u dardargeliyaan howlgallada ka dhanka ah Al-Shabaab ee ka socda dowlad goboleedyada Galmudug iyo Hirshabeelle.

9/18/2023 11:11 AM EST
Isniin, September, 18, 2023 (HOL) - Wararka ka imaanaya Dowlad degaanka Soomaalida ayaa sheegaya in maanta uu dagaal culus ka bilowday meel u dhaw xerada barakacayaasha Qollaji ee degaanka Soomaalida, dagaalkan ayaa u dhaxeeya Ciidamada Maleeshiyada degaanka Soomaalida iyo Ciidamada Oromiya.

9/18/2023 9:25 AM EST
Isniin, September, 18, 2023 (HOL) - Ciidamada dowladda fedaraalka Soomaaliya oo kaashanaya kuwa dadka deegaanka ayaa goordhaw si buuxda ula wareegay gacan ku heynta magaalada Camaara ee gobolka Mudug.

9/18/2023 8:36 AM EST
Isniin, September, 18, 2023 (HOL) - Madasha siyaasiyiinta Puntland oo ay ku midaysan yihiin siyaasiyiinta mucaaradka, ayaa madaxweyne Saciid Deni ku eedeeyay inuu ku guul daraystay inuu Puntland u horseedo hannaan dowladnimo oo sal adag leh.

9/18/2023 5:42 AM EST
Isniin, September, 18, 2023 (HOL) - 2 caruura oo da'adoodu u dhaxayso 10 jir iyo 12 jir ayaa ku geeriyooday gurigooda oo uu dab qabsaday magaalada Burco shalay galabtii.

9/18/2023 1:45 AM EST
Isniin, September, 18, 2023 (HOL) - Dowladda Itoobiya ayaa beenisay guulo kooxda Al-shabaab ay ka sheegatay dagaal Shalay galinkii hore ku dhexmaray ciidamadeeda iyo kuwa Al-shabaab deegaano ka tirsan gobolka Bakool ee maamulka Koonfur Galbeed.

9/18/2023 1:29 AM EST
Isniin, September, 18, 2023 (HOL) - Golaha nabada iyo amniga ee Midowga Afrika ayaa walaac xooggan ka muujiyay weeraradii ugu dambeeyay ee Al-Shabaab ay ka geysteen Soomaaliya, kuwaas oo sababay dhimasho badan iyo dhaawac.

9/18/2023 1:15 AM EST
Isniin, September, 18, 2023 (HOL) - Sarkaal ka tirsan ciidamada Dowladda ee ka howlgalla degmada Xuddur ee gobolka Bakool ayaa sheegay in ciidamada Itoobiya oo garab ka helaya ciidanka Dowladda Soomaali ay dileen in badan 55 ka tirsan kooxda Alshabaab.