9/30/2023
Today from Hiiraan Online:  _
Wararka Maanta- Axad, Sept 17, 2023
Wasiirka Arrimaha Dibadda Soomaaliya oo khudbad ka jeediyay shirka Caalamiga ah ee Ururka G77+China
 

Axad, September, 17, 2023 (HOL) - Wasiirka Wasaaradda arrimaha Dibadda Xukuumadda Fedaraalka Soomaaliya Abshir Cumar Huruuse ayaa khudbad ka jeediyay shirka Caalamiga ah ee ururka G77+China oo mudo laba maalmood ah ka socday magaalada Havana ee dalka Cuba.

Shirkaan heerka Caalami ah ayaa ahaa mid ku saabsanaa kaalinta sayniska, hal abuurka iyo Tiknoolajiyaddu ku leeyihiin horumarka iyo kobaca dhaqaalaha adduunka.

Ururkaan G77 ayaa bilawgiisii hore lagu aasaasay 77 dal oo ay Soomaaliya ku jirtay tan iyo 15 Juun 1964 oo hadda kasoo wareegatay 60 sano, waxaana hada xubno ka ah 134 dal oo ay ku nool yihiin 80% dadka adduunka oo dhan.

Wasiirka arrimaha Dibadda Soomaaliya Abshir Cumar Haruuse ayaa khudbadiisa shirka kaga hadlay horumarka baaxadda leh oo ay dowlada Soomaaliya ka gaartay dhinaca Isgaarsiinta, lacagaha danabaysan iyo adeegyada bangiyada ee teleefanada laga isticmaalo, isagoona sheegay in Soomaaliya ay ka mid yahay kuwa ugu hormarsan dunida.

“Ujeeddada shirarkan ayaa ahaa adkaynta iskaashiga iyo xiriirka waddamada aan saaxiibada dhow nahay iyo kuwa aynu xubnaha ka wada nahay ururrada caalamiga ah ee aynu had iyo goor iska kaashanno qaddiyadaha caalamiga ah, Dawladdeennu waxay marwalba mudnaanta kowaad siisaa in ay bulshada caalamka kula dhaqanto siyaasad xasiloon oo ku dhisan saaxiibtinimo, iskaashi iyo is qaddarin" ayuu yiri Wasiirka Arrimaha Dibadda Soomaaliya Abshir Cumar Haruuse.

Wasiir Abshir ayaa sidoo kale magaalada Havana ee dalkaasi Cuba kulamo gaar gaar ah kula qaatay qaar ka mid ah madaxda ka qeyb gashay shirkaan iyo kuwa dowladda martida loo yahay ee dalka Cuba.
 












Click here
Shirka Hannaanka dib u eegista 6-aad ee Barnaamijka Deyn Cafinta Soomaaliya oo Maanta Nairobi ka furmay
9/17/2023 10:23 AM EST
Axad, September, 17, 2023 (HOL) - Magaalada Nairobi ee dalka Kenya waxaa maanta ka furmay shirka deyn cafinta Soomaaliya oo maraya dib u eegistiisii 6-aad oo ah kii ugu dambeeyay ee hannaanka IMF ee loo yaqaano (ECF).

Dowladda Soomaaliya oo faahfaahin rasmi ah kasoo saartay howlgallada ka socda Galmudug iyo Hirshabeelle
9/17/2023 7:51 AM EST
Axad, September, 17, 2023 (HOL) - Wasiirka warfaafinta Soomaaliya, Daa’uud Maxamed Aweys ayaa faahfaahin ka bixiyay howgallada dalka ka socda ee Shabaab looga xoraynayo Galmudug iyo Hirshabeelle.

Raysal wasaaraha Soomaaliya oo ka qeyb galaya shirka golaha loo dhan yahay ee Qaraamda Midoobay
9/17/2023 6:40 AM EST
Axad, September, 17, 2023 (HOL) - Ra’iisul Wasaaraha Soomaaliya, Xamsa Cabdi Barre iyo wafdi uu hoggaaminayo ayaa maanta u ambabaxay magaalada New York ee Xarunta Qaramada Midoobay oo ay ka qaybgalayaan shirka QM.

Dagaal saacado badan qaatay oo gobolka Bakool ku dhexmaray ciidanka Itoobiya iyo Al-shabaab
9/17/2023 2:33 AM EST
Axad, September, 17, 2023 (HOL) - Warar dheeraad ah ayaa kasoo baxaya dagaal culus oo aroornimadii hore ee saakay ku dhexmaray ciidanka Itoobiya iyo kuwa Al-shabaab deegaanka Booco oo ka mid ah deegaanada hoostaga degmada Rabdhuure ee gobolka Bakool.

Ciidanka xoogga dalka iyo kuwa Galmudug oo si buuxda ula wareegay magaalada Bacaadweyn ee gobolka Mudug
9/17/2023 1:20 AM EST
Axad, September, 17, 2023 (HOL) - Ciidanka Xogga dalka, Ciidanka Daraawiishta Galmudug iyo kuwa degaanka ayaa si buuxda ula wareegay magaalooyinka Bacaadweyn, Qaycad iyo dhammaan dhulka u dhaxeeya Qodqod iyo magaalada Camaara.