9/30/2023
Today from Hiiraan Online:  _
Wararka Maanta- Khamiis, Sept 14, 2023
Wafdi ka socda dowladda Fedaraalka oo maanta gaaray magaalada Laascaanood
 

Khamiis, September, 14, 2023 (HOL) - Waxaa Maanta magaalada Laascaanood ee xarunta gobolka Sool gaaray Wafdi balaaran oo ka socda dowladda Fedaraalka Soomaaliya oo isugu jira Wasiiro, Xildhibaano.

Xubnaha wafdiga ee ka socda dowladda Soomaaliya waxaa kamid ahaa Wasiirka Boostada iyo Isgaarsiinta Soomaaliya Jaamac Xasan Khaliif, guddoomiye ku xigeenka labaad ee Golaha Aqalka Sare Cabdullaahi Xirsi Timacadde, xildhibaan Bashiir Ameeriko, xildhibaan Cali Saciid Fiqi iyo wasiir hore Xamse Saciid Xamse.

Wafdiga waxaa garoonka Laascaanood kusoo dhaweeyay madax ka tirsan hogaanka SSC, saraakiil ciidan iyo qeybaha kala duwan ee bulshada, waxaana soo dhaweyntooda kadib ay booqdeen goobahii ku burburay dagaaladii ka dhacay Laascaanood iyo Qooja cadde.

Hadalo kooban oo ay jeediyeen wafdigaan ka socda dowladda fedaraalka ee Maanta tagay Laascaanood waxay sheegeen iney halkaasi u tageen iney sidii warbixin rasmi ah u gaarsiin lahayen dowladda Fedaraalka, iyagoona sidoo kale xusay iney garab taagan yihiin shacab iyo hoggaanka maamulka SSC-Khaatumo.

Xubnaha wafdiga ayaa sidoo kale isimada iyo shacabka deegaanka SSC-Khaatumo u sheegay inay ku faraxsan yihiin sida midnimada dadka reer SSC ay marwalba muujiyaan jaceylka midninada dadka Soomaaliyeed.

Isimada iyo hogaanka SSC-Khaatumo ayaa dhankooda uga mahadceliyay imaashaha wafdiga maanta gaaray magaalada Laascaanood ee xarunta gobolka Sool.

Laascaanood waxaa mudo ku dhaw hal sano ka socday dagaalo xoogan oo u dhaxeeyay ciidamada Soomaaliland iyo dadka reer Laascaanood, waxaana wafdigaan uu noqonaya wafdigii ugu cusle ee heer fedaraal ah oo gaara Laascaanood.













Click here
9/14/2023 10:52 AM EST
Khamiis, September, 14, 2023 (HOL) - Iyadoo todobaadkaan gudahiisa dalalka Liibiya iyo Maroco ay ka dhaceen Musiibooyin kala duwan oo sababay dhimashada kumaan ruux ayaa Wasaaradda Arrimaha Dibadda Xukuumadda Soomaaliya waxay ka warbixisay xaaladda Muwaadiniinta Soomaaliyeed ee ku nool dalalkaas.

9/14/2023 9:57 AM EST
Khamiis, September, 14, 2023 (HOL) - Xildhibaanad Marwo Bashiir oo ka tirsan Baarlamaanka Fedaraalka Soomaaliya ayaa si faahfaahsan uga hadashay waxyaabaha ku dhaliyay iney u tartanto qabashada xilka madaxweynaha Baarlamaanka Aduunka oo sanadkaan ay u tartamayaan 4 gabdhood oo Afrika kasoo jeeda.

9/14/2023 7:10 AM EST
Khamiis, September, 14, 2023 (HOL) - Wasiirka warfaafinta Puntland, Eng. Maxamuud Caydiid Dirir ayaa sheegay dowladda federalka Soomaaliya in aysan istaraatiijiyad ka lahayn dagaalka ay kula jirto kooxda Alshabaab.

9/14/2023 5:55 AM EST
Khamiis, September, 14, 2023 (HOL) - Maxkamadda ciidamada qalabka sidda ee Soomaaliya ayaa maanta oo khamiis ah waxay 15 sano oo xabsi ah ku ridday labo nin oo basaasiin u ahaa kooxda Alshabaab.

9/14/2023 2:19 AM EST
Khamiis, September, 14, 2023 (HOL) - Ciidamada dowladda Fedaraalka Soomaaliya, gaar ahaan Kumaandooska Danab oo kaashanaya ciidanka Daraawiishta maamulka Jubbaland ayaa howlgalo qorsheysan ka sameeyay deegaano dhowr ah oo ka tirsan gobolka Jubbada Hoose.

9/14/2023 1:50 AM EST
Khamiis, September, 14, 2023 (HOL) - Weerar lagu qaaday fariisin ay kooxda Al Shabaab ku lahayd deegaanka Xarboole-Faafi ayaa lagu dilay ugu yaraan 5 xubnood oo Shabaab ah, waxaana laga soo furtay Walxaha Qarxayada laga sameeyo, dawooyin iyo agabyo kale duwan.

9/14/2023 1:32 AM EST
Khamiis, September, 14, 2023 (HOL) - Afhayeenka Ururka ONLF Caddaani Hirmooge oo Waraysi siiyay SOMALI TV OF MINNESOTA ayaa ka hadlayay xaaladihii kala duwanaa ee ururku soomaray, iyo waliba wakhti xaadirkan xaaladda uu ururku taagan yahay iyo qodobo kale.