1/29/2023
Today from Hiiraan Online:  _
Wararka Maanta- Talaado, Jan 24, 2023
Puntland oo digniin xooggan kasoo saartay saamaynta ka dhalan karta abaaraha
 

Talaado, January, 24, 2023 (HOL) - Dowlad goboleedka Puntland ayaa digniin kasoo saartay cawaaqib xumada ka dhalan karta abaaraha kusoo noqnoqday qaar badan oo katirsan deegaanadeeda, kadib shan xilli roobaad oo xiriir ah oo roobku aad ugu yaraa.

Warbixin cusub oo ay soo saartay hay'adda Puntland u qaabilsan macluumaadka biyaha iyo dhulka, ayaa lagu sheegay in roobab yar oo bilihii November iyo December da'ay ay ugasii dareen xaaladda daaq la’aanta horey u jirtay.

Warbixintu waxay sheegaysaa in daaqii yaraa ee ku harsanaa deegaaanada qaarkood ay cagta mariyeen reer guuraa usoo hayaamay deegaanadii roobabku ka da’een

Dooxooyinkii caanka ku ahaa daaqinka sida Nugaal iyo Dharoor oo ay xooluhu ku baxsan jireen xilliyada jiilaalka ah, ayaa haatan lagasoo sheegayaa xaalad daaq la’aaneed oo aad u darran, sababtoo ah ma helin roobab ku filan.

Sidoo kale, wuxuu maamulka Puntland ka digay biyo la'aan xooggan oo ka jirta deegaanada qaarkood, kadib markii barkadihii ay gureen.

Puntland waxay ugu baaqday hay’adaha maxaliga ah iyo kuwa caalamiga ahba in ay diyaar garow horudhac ah sameeyaan kuna daraan qorshahooda, si loo yareeyo cawaaqib xumada suurtagalka ah ee xilliga jiilalalka soo socda.

Puntland waxay bulshada xoola dhaqatada kula talisay in ay u diyaar garoobaan xilliga jiilaalka islamarkaana ay kaydsadaan calafka, iyo sidoo kale inay si wax ku ool ah u maareeyaan ilaha biyaha si looga fogaado walaaca biyo la'aanta.












Click here
1/24/2023 8:17 AM EST
Talaado, January, 24, 2023 (HOL) - Dhowr hoobiye oo geystay khasaare kala duwan oo aan weli la ogaan inta uu le’egyahay ayaa lagu garaacay qeybo kamid ah magaalada Muqdisho.

1/24/2023 8:01 AM EST
Talaado, January, 24, 2023 (HOL) - Ciidanka Booliiska gobolka Banaadir gacanta ku dhigay koox eedeysanayaal ah oo dil iyo dhaawac kasoo geystay Magaalada Garowe, Kadibna usoo baxsaday Magaalada Muqdisho.

1/24/2023 5:51 AM EST
Talaado, January, 24, 2023 (HOL) - Taliyaha Ciidanka Millateriga Somaliland Nuux Ismaaciil Taani, ayaa sheegay in maamulka gobolka Sool uu gacanta ciidanka ku jiro, waxaanu beeniyay warar sheegaya in ciidamo hubaysani ay Laascaanood soo galeen.

1/24/2023 2:45 AM EST
Talaado, January, 24, 2023 (HOL) - Ciidanka Booliiska Soomaaliya ayaa shaaca ka qaaday iney gacanta kusoo dhigeen Aabe Soomaaliyeed oo ku eedeysan inuu dil u geystay gabartiisa oo jirtay 6 libood 14-kii bishaan Janaayo ee sanadkan 2023.

1/24/2023 1:50 AM EST
Talaado, January, 24, 2023 (HOL) - Wasiirka Isgaarsiinta iyo Teknolojiyadda Soomaaliya Jaamac Xasan Khaliif ayaa ka qeybgalay shirka Wasiirrada Isgaarsiinta iyo Teknolojiyada ee Jaamacadda Carabta oo ka dhacaya Magaalada Qaahira ee dalka Masar.

1/24/2023 1:41 AM EST
Talaado, January, 24, 2023 (HOL) - Ciidamada ammaanka Kenya ayaa dilay ugu yaraan 12 dagaalame oo ka tirsan Al-Shabaab ka dib iska horimaad culus oo ay kooxda kula galeen deegaan ku dhow soohdinta uu la wadaago Soomaaliya.

1/24/2023 1:25 AM EST
Talaado, January, 24, 2023 (HOL) - Taliyaha ciidanka dhulka ee xoogga dalka Soomaaliyeed Jenaraal Maxamed Tahliil Biixi ayaa faahfaahin dheeraad ah ka bixiyay khasaaraha ka dhashay howlgal Shalay ciidamada dowlada ka sameeyeen deegaano hoostaga degmada Xarardheere ee gobolka Mudug.