1/29/2023
Today from Hiiraan Online:  _
Wararka Maanta- Axad, Jan 22, 2023
Howlgalka Midowga Afrika oo dowladda Soomaaliya ku wareejiyay xero Maslax

Axad, January, 22, 2023 (HOL) - Howlgalka Midowga ee ATMIS ayaa si rasmi ah ugu wareejiyay Dowladda Federaalka Soomaaliya xerada Maslax ee degmada Huriwaa, halkaas oo ay haysteen tan iyo sanadkii 2012-kii.

Xilwareejintan waxay qeyb ka tahay qorshaha kala-guurka oo ay diyaariyeen dowladda Federaalka Soomaaliya, ATMIS, UN iyo la-hawlgalayaashooda  si ay u hagaan bixitaanka ATMIS.

Heshiis si rasmi ah oo loogu wareejinayay ayaa waxaa kala saxiixday ergeyga  Midowga Afrika ee Soomaaliya (SRCC) ahna Madaxa ATMIS Ambassador Mohamed El-Amine Souef iyo Wasiiru Dowlaha Gaashaandhigga Soomaaliya, C/nuur Daahir Fiidow.

Wareejinta rasmiga ah ayaa daba socotay kaddib markii ciidamada ATMIS ee Burundi ay baneeyeen xerada Maslax, kadibna ay la wareegeen ciidamada qaranka Soomaaliyeed 15-kii Janaayo.

Danjire Souef ayaa carrabka ku adkeeyay doorka muhiimka ah ATMIS ay ka qaadatay sugidda amniga caasimadda Muqdisho, iyo fududeynta howlgallada ciidan ee caasimadda.

Wasiiru dowlaha Gaashaandhigga Soomaaliya oo munaasabadda ka hadlay ayaa sheegay in xil wareejinta ay ku soo aadeyso xilli dowladda Federaalka ay xoojisay howlgallada ka dhanka ah Al Shabaab ee ka socda bartamaha iyo koonfurta Soomaaliya.

Taliyaha ATMIS ee Burundi, Brig. Gen. Jean Claude Niyiburana ayaa u mahad celiyay bulshada deegaanka Maslax oo uu sheegay in ay garab istaagi jireen sanadihii lasoo dhaafay isagoo intaa ku daray in ciidamadiisa ay sii wadi doonaan doorkooda ku aadan xasilinta.












Click here
1/22/2023 10:29 AM EST
Axad, January, 22, 2023 (HOL) - Ciidanka booliiska gaarka ah ee Haramcad ayaa goor dhowayd ku guulaystay inay soo afjaraan kooxdii Alshabaab ee weerarka ku qaadday xarunta gbolka Banaadir.

1/22/2023 10:25 AM EST
Axad, January, 22, 2023 (HOL) - Waxaa wali ka socda gudaha xarunta Aqalka dowladda Hoose ee Xamar dagaal u dhaxeeya ciidamada dowladda Soomaaliya iyo dagaalamayaal ka tirsan shabaab oo duhurnimadii Maanta halkaasi ku galay weerar qaraxyo ku bilaawday.

1/22/2023 5:42 AM EST
Axad, January, 22, 2023 (HOL) - Madaxweynaha maamulka Koonfur Galbeed Cabdicasiis Xasan Maxamed Laftagareen ayaa cafis u fidiyey askartii dhowaan ka qeyb qaadatay shaqaqadii ka dhacday magaalada Baydhabo.

1/22/2023 5:23 AM EST
Axad, January, 22, 2023 (HOL) - Qaraxyo aad u xoogan oo Ismiidaamin ah ayaa goordhaw laga maqlay jugtooda inta badan degmooyinka gobolka Banaadir, kuwaas oo lasoo sheegayo iney ka dhaceen nawaaxiga xarunta maamulka gobolka Banaadir.

1/22/2023 1:12 AM EST
Axad, January, 22, 2023 (HOL) - Warar dheeraad ah ayaa kasoo baxaya dab khasaare badan geystay oo Xalay ka kacay qeybo ka mid ah Suuqa Bakaaraha ee magaalada Muqdisho, kasoo damintiisa ay qaadatay saacado badan.

1/22/2023 12:35 AM EST
Axad, January, 22, 2023 (HOL) - Ciidanka Xoogga dalka Soomaaliyeed iyo kuwa deegaanka ee ku sugan degmada Ceeldheer ee gobolka Mudug ayaa howlgalo qorsheysan ku qabtay saddex Horjooge oo ka tirsan kooxda Alshabaab.