1/29/2023
Today from Hiiraan Online:  _
Wararka Maanta- Sabti, Jan 21, 2023
Xukuumada Somaliland oo ka hadashay shirarka odayaasha dhaqanka uga socda Laascaanood
 

Sabti, January, 21, 2023 (HOL) -  Xubnaha wasiirada Somaliland ee Laascaanood ku sugan ayaa sheegay in ay ogolyihiin shirkasta oo dhan oo aan ka hor imanayn qaranimada Somaliland, waxayna ka digeen faragalin shisheeye.

Wasiirka Arrimaha Guddaha Somaliland Maxamed Kaahin Axmed oo warbaahinta u akhriyay war-murtiyeed kooda, ayaa sheegay in xukuumadu ogoshahay shirkasta oo dhaqan oo aan ka hor imanayn jiritaanka Somaliland.

"Xukuumada Somaliland waxay soo dhawaynaysa shirkasta oo dhaqan oo ay beeluhu qabsanayaan oo aan ka hor imanaynin jiritaanka Jamhuuriyada Somaliland" ayuu yidhi Wasiir Kaahin.

Wasiirku waxa uu ka digay cidkasta oo isku dayda in ay soo faragaliso shirarka odayaasha dhaqanka Laascaanood uga socda magaalada, iyadoo duqay iyo odayaal dhaqameed ay kusoo qulqulayaan magaalada.

"Cidkasta oo ka tirsan maamul kale, ururo kale, dowlad kale waxa looga digayaa, in anay soo faragalin xaalada ka tagan gobolka Sool, iyo shirarka dhaqan ee beesha uga socda magaalada madaxda gobolka Sool ee Laascaanood" ayuu yidhi Wasiir Kaahin.

Odayaasha dhaqanka iyo xubnaha xukuumada ayaan wali gaadhin wax heshiisa, iyadoo odayaasha dhaqanku ay ku adkaysanayaan in Laascaanood ay xarun u noqoto maamul ka madaxbanaan Somaliland, xukuumada ayaana si wayn uga soo horjeeda arrinta.

Madax dhaqameed iyo hogaamiyaal jabhadeed oo Somaliland kasoo horjeeda ayaa Laascaanood ku sugan, dhinaca kalena xildhibaano, wasiiro iyo saraakiil kale oo xukuumada ka socota, ayaa jooga.

Odayaasha ayaa horay ugu baaqay in Ciidamada Somaliland ka baxaan magaalada, inkasta oo xukuumadu ogolaatay in ay yeeshan shir lagaga hadlayo xaaladana hadana lama oga waxa kasoo bixi doonaa.

Abdilahi Geel-maal, Hiiraan Online
[email protected]












Click here
1/21/2023 12:22 PM EST
Sabti, January, 21, 2023 (HOL) - Taliyaha booliska gobolka Banaadir Gaashaanle sare Macalin Mahdi, ayaa sheegay in askar loosoo xiray dilkii saakay Maxamed Cabdi Salaan oo Bajaajle ahaa loogu geystay degmada Howlwadaag.

1/21/2023 10:09 AM EST
Sabti, January, 21, 2023 (HOL) - Dowladda Mareykanka ayaa shaacisay in 30 ka mid ah dagaalamayaasha kooxda Al-shabaab lagu dilay duqeyn diyaaradeed oo laga fuliyay duuleedka deegaanka Galcad ee gobolka Galgaduud.

1/21/2023 7:09 AM EST
Sabti, January, 21, 2023 (HOL) - Madaxweyne ku xigeenka maamulka Puntland, Axmed Cilmi Cismaan (Axmed Karaash), ayaa ka digay in fara galin lagu sameeyo aayo katashiga deegaanada SSC.

1/21/2023 5:51 AM EST
Sabti, January, 21, 2023 (HOL) - Ciidamada Xoogga Dalka iyo ciidamada ammaanka Jubbaland ayaa Alshabaab kala wareegay deegaanka Janaay Cabdalle oo 60 KM dhanka galbeed kaga beegan magaalada Kismaayo ee gobolka Jubbada hoose.

1/21/2023 3:46 AM EST
Sabti, January, 21, 2023 (HOL) - Cod laga duubay Wasiirka Arrimaha Guddaha Somaliland Maxamed Kaahin Axmed, ayaa muujinaya in xukuumadu ogolaatay in ay Laascaanood soogalaan odayaal wata ciidamo hubaysan.

1/21/2023 2:52 AM EST
Sabti, January, 21, 2023 (HOL) - Waxaa goordhaw lagu dilay isgoyska Howlwadaag ee magaalada Muqdisho wiil dhalinyaro ah oo ku shaqeeysanaayay Mooto Bajaaj oo lagu magacaabayay Maxamed Xeyle, kaasoo dilkiisa uu geystay askari ka tirsan ciidanka dowladda Soomaaliya.

1/21/2023 2:03 AM EST
Sabti, January, 21, 2023 (HOL) - Waxaa Maanta degan xaalada deegaanka Galcad ee gobolka Galgaduud oo shalay subaxnimadii hore ay ka dhaceen weerar khasaaro badan geystay, waxaana saakay halkaasi howlgalo baaritaano ah ka wada ciidamada dowladda iyo kuwa dadka deegaanka.

1/21/2023 12:47 AM EST
Sabti, January, 21, 2023 (HOL) - Maamulka Koonfur Galbeed sheegay inay jab xoogan u gaysteen kooxda Al-shabaab, kadib markii ay weerar ku soo qaadeen Deegaanka Goof-gaduud Buurey ee Gobolka baay.

1/21/2023 12:38 AM EST
Sabti, January, 21, 2023 (HOL) - Wararka ka imaanaya dalka Itoobiya ayaa sheegaya in Ciidamada Eritariya ay ka baxeen goobo ay kaga sugnaayeen Adwa iyo Aksum oo ka tirsan gobolka Tigray ee Waqooyiga dalka Itoobiya.