1/29/2023
Today from Hiiraan Online:  _
Wararka Maanta- Sabti, Jan 21, 2023
Wararkii ugu dambeeyay Xaalada deegaanka Galcad oo saakay howlgalo ka socdaan
 

Sabti, January, 21, 2023 (HOL) - Waxaa Maanta degan xaalada deegaanka Galcad ee gobolka Galgaduud oo shalay subaxnimadii hore ay ka dhaceen weerar khasaaro badan geystay, waxaana saakay halkaasi howlgalo baaritaano ah ka wada ciidamada dowladda iyo kuwa dadka deegaanka.

Weerarka Shalay subaxnimadii hore ka dhacay deegaanka Galcad oo ku bilaawday qaraxyo Ismiidaamin ah oo uu xigay dagaal toos ah ayaa waxaa dadkii ku dhintay ka mid ahaa Taliye ku xigeenkii ciidamada Danab ee Mareykanka uu tababaray Gaashaanle Xasan Cismaan Maxamed oo loo yaqiinay Xasan Tuure, waxaana geerida Taliyahaasi iyo dadkii kale ee la dhintay ka tacsiyadeeyay madaxweynaha Soomaaliya Xasan Sheekh Maxamuud.

Dowladda Soomaaliya ayaa dhankeeda ku sheegtay warsaxafadeed kasoo baxay in weerarka ka dhacay Galcad ay kaga dhinteen 7 askari uu ku jiray Taliye Xasan Tuure, hayeeshee Al-shabaab weerarkaasi looga dilay 100 dagaalame, islamarkaana laga burburiyay ilaa 5 gaari oo ahaa nooca tiknikada ah ee qoryaha saaran yihiin.

Kooxda Al-shabaab ayaa dhankooda baraha ay ku leeyihiin internetka waxay ku sheegteen in weerarkii shalay ay ku dileen 159 ka mid ah askarta dowladda Soomaaliya, hayeeshe ma jirto warar madax banaan oo xaqiijinaya sheegashada labada dhinac tirada ay weerarkaasi isaga dileen.

Al-shabaab ayaa bishaan kaliya deegaano iyo degmooyin ka tirsan Hiiraan, Shabeellaha Dhexe iyo Galgaduud ka fulisay in ka badan 10 qarax oo dhamaantood ahaa Ismiidaamin loo adeegsaday baabuur laga soo buuxiyay waxyaabaha qarax oo ay qaarkood ku dhinteen saraakiil sar sare oo ka tirsan ciidanka dowladda Soomaaliya.












Click here
1/21/2023 12:22 PM EST
Sabti, January, 21, 2023 (HOL) - Taliyaha booliska gobolka Banaadir Gaashaanle sare Macalin Mahdi, ayaa sheegay in askar loosoo xiray dilkii saakay Maxamed Cabdi Salaan oo Bajaajle ahaa loogu geystay degmada Howlwadaag.

1/21/2023 10:09 AM EST
Sabti, January, 21, 2023 (HOL) - Dowladda Mareykanka ayaa shaacisay in 30 ka mid ah dagaalamayaasha kooxda Al-shabaab lagu dilay duqeyn diyaaradeed oo laga fuliyay duuleedka deegaanka Galcad ee gobolka Galgaduud.

1/21/2023 7:09 AM EST
Sabti, January, 21, 2023 (HOL) - Madaxweyne ku xigeenka maamulka Puntland, Axmed Cilmi Cismaan (Axmed Karaash), ayaa ka digay in fara galin lagu sameeyo aayo katashiga deegaanada SSC.

1/21/2023 7:00 AM EST
Sabti, January, 21, 2023 (HOL) - Xubnaha wasiirada Somaliland ee Laascaanood ku sugan ayaa sheegay in ay ogolyihiin shirkasta oo dhan oo aan ka hor imanayn qaranimada Somaliland, waxayna ka digeen faragalin shisheeye.

1/21/2023 5:51 AM EST
Sabti, January, 21, 2023 (HOL) - Ciidamada Xoogga Dalka iyo ciidamada ammaanka Jubbaland ayaa Alshabaab kala wareegay deegaanka Janaay Cabdalle oo 60 KM dhanka galbeed kaga beegan magaalada Kismaayo ee gobolka Jubbada hoose.

1/21/2023 3:46 AM EST
Sabti, January, 21, 2023 (HOL) - Cod laga duubay Wasiirka Arrimaha Guddaha Somaliland Maxamed Kaahin Axmed, ayaa muujinaya in xukuumadu ogolaatay in ay Laascaanood soogalaan odayaal wata ciidamo hubaysan.

1/21/2023 2:52 AM EST
Sabti, January, 21, 2023 (HOL) - Waxaa goordhaw lagu dilay isgoyska Howlwadaag ee magaalada Muqdisho wiil dhalinyaro ah oo ku shaqeeysanaayay Mooto Bajaaj oo lagu magacaabayay Maxamed Xeyle, kaasoo dilkiisa uu geystay askari ka tirsan ciidanka dowladda Soomaaliya.

1/21/2023 12:47 AM EST
Sabti, January, 21, 2023 (HOL) - Maamulka Koonfur Galbeed sheegay inay jab xoogan u gaysteen kooxda Al-shabaab, kadib markii ay weerar ku soo qaadeen Deegaanka Goof-gaduud Buurey ee Gobolka baay.

1/21/2023 12:38 AM EST
Sabti, January, 21, 2023 (HOL) - Wararka ka imaanaya dalka Itoobiya ayaa sheegaya in Ciidamada Eritariya ay ka baxeen goobo ay kaga sugnaayeen Adwa iyo Aksum oo ka tirsan gobolka Tigray ee Waqooyiga dalka Itoobiya.