1/29/2023
Today from Hiiraan Online:  _
Wararka Maanta- Khamiis, Jan 19, 2023
Dowladda Soomaaliya oo shaacisay in 49 katirsan Shabaab lagu dilay howlgal ka dhacay Shabeeladda dhexe
 

Khamiis, January, 19, 2023 (HOL) - Dowladda Soomaaliya ayaa sheegtay inay dishay 49 ka tirsan  Alshabaab, tiro kalana lagu dhaawacay kaddib dagaal ka dhacay Tuulada Dhagaxow oo hoostagta deegaanka Xawaadlay ee gobalka Shabeellaha Dhexe.

Howlgal ay si wadajir ah u fuliyeen Ciidanka Xoogga dalka, kuwa deegaanka, Ciidanka Nabad Sugidda iyo Saaxiibada Caalamka, ayaa waxaa lagu beegsaday Shabaab isku abaabulayay dhulbeereedka Sheekh Qaasim.

Dowladda Soomaaliya waxay kaloo sheegtay in goobta laga fuliyay weerarka ay Shabaab ku haysteen dhaawacyo badan oo horay ugu soo dhaawacmay dagaallada dalka looga xoraynayo.

Howlgalka inta uu socday Shabaab waxaa laga soo celiyay gaadiid dagaal oo uu ku jiro gaari uu saaranyahay qoriga Zuu-ga, waxaana sidoo kale howlgalka lagu burburiyay gaadiid dagaal iyo saanad ciidan.

Hal asakari oo ka tirsan ciidanka Qaranka ayay dowladdu sheegtay inuu ku geeriyooday inta uu socday howlgalka, waxaa sidoo kale dhaawac uu soo gaaray saddex kale.

Alshabaab ayaa maalmo ka hor weeraray tuulada Xawaadley, halkaas oo la sheegay inay kula wareeegeen saldhig ciidan, iyagoo halkaas ku laayay askar ciidanka dowladda katirsan.












Click here
1/19/2023 12:42 PM EST
Khamiis, January, 19, 2023 (HOL) - Madaxweynaha dowlad degaanka Soomaalida Mustafe Cagjar oo maanta furay Shir qiimeyn ahaa oo loo qabtay masuuliyiinta gobollada uu degaanku kakooban yahay ayaa si adag uga hadlay Musuq maasuqa iyo ciqaabta uu yeelanayo masuulkii musuq lagu helo.

1/19/2023 9:29 AM EST
Khamiis, January, 19, 2023 (HOL) - Maxkamadda ciidamada qalabka sida ee Soomaaliya ayaa maanta xukun dil ah ku riday Maxamed Cabdi Jiirow oo loo yaqaano Dr. Fanax oo katirsanaa Alshabaab.

1/19/2023 6:44 AM EST
Khamiis, January, 19, 2023 (HOL) - Ugu yaraan 10 ka tirsan dagaalamayaasha Al-Shabaab ayaa lagu dilay dhowr kalena waa lagu dhaawacay ka dib markii ay isku dhaceen ciidamada ammaanka Kenya meel u dhow soohdinta Kenya ay la wadaagto Soomaaliya.

1/19/2023 5:31 AM EST
Khamiis, January, 19, 2023 (HOL) - Wararka ka imaanaya deegaanka Beerxaano ee gobolka Hiiraan ayaa sheegaya in halkaasi uu haatan ka socdo dagaal xoogan oo u dhaxeeya ciidamada dib u xureynta deegaanka iyo kuwa Al-shabaab.

1/19/2023 4:32 AM EST
Khamiis, January, 19, 2023 (HOL) - Maamulka gobolka Banaadir iyo dowladda Hoose ee Xamar ayaa shaaca ka qaaday iney dib u bilaabayaan qaadista Canshuurta Guryaha iyo daaraha ka dhisan magaalada Muqdisho oo horay loo joojiyay bishi Oktoobar ee sanadkii lasoo dhaafay 2022.

1/19/2023 12:29 AM EST
Khamiis, January, 19, 2023 (HOL) - Wasaaradda amniga maamulka Hirrshabelle ayaa caddeysay cidkasta oo u hoggaansanta awaamiirta Alshabaab in ay ku xukun yihiin iyaga.