1/29/2023
Today from Hiiraan Online:  _
Wararka Maanta- Arbaco, Jan 18, 2023
Bangiga dhexe ee Soomaaliya oo sheegay in sanadka 2024 lasoo daabicidoono lacagta cusub ee shilin Soomaaliga

Arbaco, January, 18, 2023 (HOL) - Bangiga dhexe ee Soomaaliya ayaa sheegay in sanadka soo socda uu hiigsanayo in lasoo saaro lacagta cusub ee shilinka Soomaaliga, si wax looga qabto lacagaha qalaad ee xad-dhaafka ah ee suuqyada ku jirta iyo sicir-bararka.

Lacagta cusub oo ah kun shilin ayaa badali doonta lacagtii la daabacay dowladdii dhexe ee dalka, sida uu sheegay guddoomiye ku xigeenka bangiga dhexe Cali Yaasiin Wardheere.

“Lacagtii hore ayaa dhow inay meesha ka baxdo, soo saarista lacagta cusubna waxay la dagaalami doontaa lacagaha sharci darrada ah iyo in la xakameeyo sicir bararka" ayuu yiri Wardheere.

Bankiga dhexe ee Soomaaliya ayaa tan iyo sanadkii 2018 ku howlanaa soo saarista lacag shilin Soomaali ah, isagoo kaashanaya hay’adda lacagta adduunka ee IMF iyo Bangiga Adduunka.

Bangiga dhexe ayaa sidoo kale qorsheynaya in bisha June ee sanadkan uu xarumo cusub ka sameysto xarumaha dowlad goboleedyada xubnaha ka ah federaalka sida Garoowe, Baydhabo iyo Kismaayo, sida uu sheegay guddoomiye ku xigeenka Bankiga dhexe.

Laamahaasi waxay ka caawin doonaan bangiga dhexe aruurinta canshuuraha, keydinta lacagaha cusub iyo inay noqdaan wakiilka dhexe ee maaliyadda ee dowlad goboleedyada federaalka.

Bangiga ayaa sidoo kale sameeyay qeyb si gaar ah ugu heellan la dagaalanka lacagaha been abuurka ah iyo ilaalinta qiimaha lacagta cusub ee bangiga dhexe uu qorshaynayo in uu daabaco.












Click here
1/18/2023 9:38 PM EST
Waayahaan dambe, ma adka inaad dhasho ilmo adiga oo ay da’daadu ka weyntahay 40 sano. Waxaana sahlay aqoonta laga gaaray dhalmada oo waddo cusub u furidoonta dhibaatada dhalmo la’aanta.

1/18/2023 9:16 AM EST
Arbaco, January, 18, 2023 (HOL) - War kasoo baxay dowladda Soomaaliya ayaa lagu sheegay in nawaaxiga deegaanka Xawaadleey ee gobolka Shabeellaha Dhexe ay ka socdaan howlgalo ay si wadajir ah u fulinayaan Ciidamada xooga dalka Soomaaliya, kuwa Nabadsugida iyo Sirdoonka Qaranka, ciidanka deegaanka iyo Saaxiibadda Caalamiga ah.

1/18/2023 2:56 AM EST
Arbaco, January, 18, 2023 (HOL) - Taliska ciidamada howlgalka Midowga Afrika ee ATMIS ayaa bogaadiyay guulaha ciidamada xoogga dalka Soomaaliyeed iyo kuwa dadka deegaanka ay ka gaareen howlgalada ka socda deegaanada maamulka Galmudug ee Al-shabaab looga saaray degmooyinka Xarardheere, Ceeldheer iyo Galcad oo ka kala tirsan gobolada Mudug iyo Galgaduud.

1/18/2023 1:17 AM EST
Arbaco, January, 18, 2023 (HOL) - Madaxweynaha dowladda Fedaraalka Soomaaliya Xasan Sheekh Maxamuud oo ka hadlaayay furintaanka shirka dib u heshiisiinta Koonfur Galbeed ayaa si rasmi ah u shaaciyay in wajiga labaad ee howlgalka dalka looga xureynayo kooxda Al-shabaab iuu ka bilaabanayo deegaanada dowlad goboleedka Koonfur Galbeed Soomaaliya.

1/18/2023 1:13 AM EST
Arbaco, January, 18, 2023 (HOL) - Madaxweynaha maamulka Koonfur Galbeed Cabdicasiis Xasan Maxamed (Lafta Gareen) ayaa sheegay inuu diyaar u yahay in wada hadal iyo nabad lagusoo afjaro colaadda ka jirta Koonfur Galbeed.