3/28/2024
Today from Hiiraan Online:  _
Wararka Maanta- Arbaco, Sept 28, 2022
Puntland oo sheegtay inay gacanta ku dhigtay 150 Qarax oo Shabaab u qorsheeyeen Puntland iyo Somaliland
 

Arbaco, September, 28, 2022 (HOL) - Puntland ayaa sheegtay inay gacanta ku dhigtay 150 qarax oo Alshabaab u qorsheynaysay inay weerarro uga geysato magaalooyinka Puntland iyo Somaliland.

Taliyaha ciiddanka Booliiska Puntland ee gobolka Mudug, gaashaanle sare, Muumin Cabdi Shirre ayaa warkaas saxaafadda ka sheegay, isagoo sheegay inay fashiliyeen 2 shakabad oo qaraxyadaas u xilsaarnaa.

Dhinaaca kale, taliyaha ciiddanka Booliiska gobolka Mudug ayaa sheegay inay gacanta ku dhigeen dhammaan dadkii fuliyay saddexdii dil ee dhawaan Alshabaab ay ka geysteen magaaalda Gaalkacyo.

Gaashaanle sare, Muumin Cabdi Shirre wuxuu sheegay Alshabaab inay dilalkaas ugu talo galeen inay beelaha isaga horkeenaan oo collaad dhex dhigaan.

“Alshabaab waxay dileen saddex qof. Labo qof oo kamid ah waxay ula jeedeen inay dadka isku dhuftaan. Nin nabaddoon ah baa la dilay. Ujeeddada laga lahaa waxay ahayd in beel kale dusha loo saaro,’ ayuu yidhi, taliyaha booliiska gobolka Mudug.

Muumin Cabdi Shirre wuxuu sheegay Puntland inay diyaar u tahay inay ka qeyb qaadato howgallada Galmudug ka socda ee Shabaab looga xoraynayo dhulka ay haysteen.












Click here
9/28/2022 5:04 PM EST
Arbaco, September, 28, 2022 (HOL) - Wararka naga soo gaaraya deegaanka Ceel jiqoow oo ka mid ah deegaanada hoostaga degmada Maxaas ee gobolka Hiiraan ayaa sheegaya in laba ruux oo ka mid ahaa dadka deegaankaasi ay u geeriyooday biyo sumeysan oo ay ka cabeen Ceel biyoodkii deegaanka Ceel jiqoow.

9/28/2022 10:49 AM EST
Arbaco, September, 28, 2022 (HOL) - Madaxweynaha dowladda Federaalka Soomaaliya Xasan Sheekh Maxamuud oo Maanta gaaray magaalada Adis Ababa ee dalka Itoobiya ayaa isaga iyo wafdigiisa wadahadalo laba geesood ah waxay la yeesheen Rayaal Wasaaraha Xukuumadda Federaalka dalka Itoobiya Abiy Axmed iyo Golahiisa Xukuumadda.

9/28/2022 4:13 AM EST
Arbaco, September, 28, 2022 (HOL) - Madaxweynaha Soomaaliya Xassan Sheekh Maxamuud ayaa maanta booqasho ku yimid magaalada Addis Ababa ee caasimadda dalka Itoobiya.

9/28/2022 3:25 AM EST
Arbaco, September, 28, 2022 (HOL) - Ciidanka xoogga dalka Soomaaliyeed iyo kuwa dadka deegaanka ee dhawaan Al-shabaab kala wareegay deegaanada hoostaga degmada Buulaburte ee gobolka Hiiraan ayaa bilaabay caawinta dadka beeraleyda ah ee ku dhaqan deegaanadaasi.

9/28/2022 2:56 AM EST
Arbaco, September, 28, 2022 (HOL) - Maraykanka ayaa soo saaray warbixin sannadle ah oo uu ku qiimeynayo khasaaraha dadka rayidka ah kasoo gaara duqeymaha laga soo billaabo 2021.

9/28/2022 2:30 AM EST
Arbaco, September, 28, 2022 (HOL) - Dowlad goboleedka Puntland, ayaa ugu baaqay barlamaanka Soomaaliya inay xasaanadda kala laabtaan xildhibaan Mahad Cabdiraxmaan Aadan, oo saxaafadda kasii daayay hadal abuuray dhaleecayn badan.

9/28/2022 2:09 AM EST
Arbaco, September, 28, 2022 (HOL) - Wasiirka Warfaafinta Dowlad Goboleedka Koonfur Galbeed Soomaaliya ,Ilyaas Cali ayaa wax lagu qoslo ku tilmaamay sheegashada ah in Alshabaab ay ciidamo ka tirsan Nabadsugida Koonfur Galbeed ku dileen Seydheelow.