3/28/2024
Today from Hiiraan Online:  _
Wararka Maanta- Khamiis, Sept 22, 2022
Guddoomiye Madaale "Ma aqbalayno in magaalada Muqdisho ay noqoto magaalo fasahaad ah, Ciyaal weerada isbiirsaday go’aan cad ayaan ka qaadan doonaa"
 

Khamiis, September, 22, 2022 (HOL) - Guddoomiyaha maamulka gobolka Banaadir ahna duqa magaalada Muqdisho Yuusuf Xuseen Jimcaale Madaale oo Xalay warbaahinta kula hadlay magaalada Muqdisho, kadib markii ciidamada dowladda howlgalo saacado badan qaatay ay ka sameeyeen qaar ka mid ah xaafadaha degmada Kaaraan ee Waqooyiga magaalada Muqdisho.

Guddoomiye Madaale oo warbaahinta Xalay kula hadlay Isgoyska Fagax ee magaalada Muqdisho ayaa sheegay in maamulkiisa ay ka go'an tahay la dagaalanka waxyaabaha maanka dooriya iyo kooxaha Ciyaal weerada oo dhibaato badan ku haya shacabka ku dhaqan magaalada Muqdisho.

Guddoomiye Madaale ayaa sheegay in Xalay laamaha amaanka howgal waqti badan qaatay ay kusoo qabqabteen dad ka ganacsanayay Calaqa iyo Xashiishka, islamarkaana ciidamada ay burburiyeen goobihii lagu iibinaayey waxyaabahaasi oo ku yaalay Isgoyska Fagax ee magaalada Muqdisho

“Ma aqbalayno in magaalada Muqdisho ay noqoto magaalo fasahaad ah, Ciyaal weerada isbiirsaday go’aan cad ayaan ka qaadan doonaa, kuwa Calaqa, Xashiirka iyo muqaadaraadka nuucyadooda kala duwan soo galiya Magaalada, kuwa iibinaya iyo kuwa cuna waa isku dambi, arrin loo dulqaadan karo maahan" ayuu yiri guddoomiye Madaale.

Howlgalka Xalay ciidamada amaanka ka fuliyeen Waqooyiga magaalada Muqdisho, waxaa qeyb ka ahaa guddoomiyaha degmada Kaaraan Abshir Kaaraan, Taliyaha ciidanka Booliska gobalka Banaadir Farxaan Qoroole iyo taliyeyaal ka oo ka tirsan Booliiska degmooyinka Yaaqshiid iyo Kaaraan.

Howlgalkaan ayaa imaanaya xili qaar ka mid ah degmooyinka gobalka Banaadir muddooyinkii dambe ay kusoo badanayeen dadka isticmaala waxyaabaha maanka dooriya iyo kooxaha Ciyaal weerada ah oo dadka ee dhaca iyo dilka u geysta dadka shacabka ah ee ku dhaqan magaalada Muqdisho.












Click here
9/22/2022 10:22 AM EST
Khamiis, September, 22, 2022 (HOL) - Shirka todobaadlaha ee golaha wasiiradda maamul goboleedka Jubaland oo uu Maanta shir gudoomiyay madaxweynaha dowladda goboleedka Jubbaland Axmed Maxamed Islaam, Axmed Madoobe ayaa diirada lagu saarayay arimaha amniga iyo la dagaalanka Al-shabaab.

9/22/2022 7:02 AM EST
Khamiis, September, 22, 2022 (HOL) - Golaha wasiirrada ee Soomaaliya ayaa maanta isku raacay in la xoojiyo kaalinta siyaasadda amniga qaranka ee ku aadan hagista howlgallada dalka looga xoreynayo kooxda Alshabaab.

9/22/2022 6:50 AM EST
Khamiis, September, 22, 2022 (HOL) - Wararka nagasoo gaaraya degmooyinka Maxaas iyo Buulaburte ee gobolka Hiiraan ayaa sheegaya in ciidamo ka tirsan kuwa dib u xoreynta deegaanka iyo ciidanka dowladda Soomaaliya ay ka kala ruqaan sadeen degmooyinka Maxaas iyo Buulaburte, islamarkaana ay ku wahajan yihiin degmada Moqokori ee gobolka Hiiraan.

9/22/2022 1:58 AM EST
Khamiis, September, 22, 2022 (HOL) - Puntland ayaa sheegtay inay gacanta ku dhigtay ninkii sameeyay qarax ay lix qof ku dhinteen oo ka dhacay tuulada Macdanta laga qodo ee Milxo oo hoos tagta degmada Laasqorey ee gobolka Sanaag.

9/22/2022 1:31 AM EST
Khamiis, September, 22, 2022 (HOL) - Wasiirka horumarinta UK Vicky Ford ayaa ku dhawaaqday taageero cusub oo lagu taageerayo dadka ay saameysay abaartii ugu xumayd ee ku dhufatay Soomaaliya.

9/22/2022 1:23 AM EST
Khamiis, September, 22, 2022 (HOL) - Daraasad lagu sameeyay shacabka Somaliland ayaa lagu ogaaday heerka aaminsanaanta shacabka ee qaranimada Somaliland, heerka taageerada ay u hayaan xisbiyada siyaasada, halka ay ka taaganyihiin khilaafka siyaasadeed iyo arrimo kale oo muhiima.