11/28/2022
Today from Hiiraan Online:  _
Wararka Maanta- Arbaco, Sept 21, 2022
Dowladda Soomaaliya oo sheegtay inuu billaabanayo howlgal kale oo Shabaab looga xoraynayo Koonfur Galbeed
 

Arbaco, September, 21, 2022 (HOL) - Dowladda Soomaaliya ayaa sheegtay inay isku diyaarinayso waji kale oo dagaal oo Alshabaab looga xoraynayo gobolka Shabeellada hoose iyo guud ahaan koonfur Galbeed.

Wasiirka gaashaandhigga, Cabdiqaadir Maxamed Nuur iyo taliyaha ciidamada xoogga dalka, sarreeye guud, Odawaa Yuusugf Raage ayaa kormeeray xerada Bali-doogle, halkaas oo ciidamada xoogga dalka loogu diyaarinayo howgallada ka dhanka ah Alshabaab.

Wasiirka iyo taliyaha ciiddanka milatariga ayaa saraakiisha iyo ciidamada ku baraarujiyay inay naftooda u huraan sidii Alshabaab looga saari lahaa dalka. Waxay sheegeen inuu howgalkaan soconayo illaa inta Alshabaab laga sifaynayo meel kasta oo ay joogaan sida ay sheegeen.

Diyaar garowgan ayaa kusoo aaday, maalin kadib markii golaha dhaqanka Koonfur Galbeed ay soo saareen bayaan ay ku taageerayaan howlgallada amni ee dowladda Soomaaliya iyo maamulka Koonfur galbeed oo iskaashanaya.

Ciidamada xoogga dalka iyo ciidanka Macaawisleyda ayaa haatan howgallo culus oo Alshabaab looga xorreeyay deegaano ka badan ka wada gobolka Hiiraan.












Click here
9/21/2022 12:58 PM EST
Arbaco, September, 21, 2022 (HOL) - Wararka ka imaanaya dowlad degaanka Soomaalida ayaa sheegaya in maanta uu dagaal beeleed uu ka dhacay goobta lagu magacaabo Goda oo ka tirsan degmada Gursum ee dowlad degaanka Soomaalida.

9/21/2022 10:38 AM EST
Arbaco, September, 21, 2022 (HOL) - Wararka naga soo gaaraya deegaanka Samataro oo dhinaca galbeed kaga beegan deegaanka Booco ee gobolka Hiiraan ayaa sheegaya in dagaal xoogan uu halkaasi ku dhexmaray Maanta dagaalamayaal ka tirsan Al-shabaab iyo ciidamada dowladda Soomaaliya oo garabsanaya kuwa deegaanka oo shalay la wareegay Booco.

9/21/2022 10:38 AM EST
Arbaco, September, 21, 2022 (HOL) - Xisbiga Sinaanta iyo Cadaaladda FEP laantiisa dowlad degaanka Soomaalida ayaa War saxaafadeed ay maanta soo saareen ku sheegay inay haboon tahay in dib loo dhigo shirweynaha wada tashiga ee loo ballansanaa toddobaadka soo socda ilaa inta laga saxayo khaladaad ay sheegeen inay jiraan.

9/21/2022 10:26 AM EST
Arbaco, September, 21, 2022 (HOL) - Dowladda Mareykanka ayaa sheegtay in duqeyn ka dhan ah Al-Shabaab ay ka fulisay meel ku dhow degmada Buulo-burde ee gobolka Hiiraan, 18-kii Sebtembar ee todobaadkaan.

9/21/2022 9:28 AM EST
Arbaco, September, 21, 2022 (HOL) - Hay’adda qaxootiga u qaabilsan Qaramada Midoobay, UNHCR, ayaa soo saartay xeer cusub oo ku saabsan sida ay xaquuq magangalyo ku heli karaan qaxootiga Soomaaliyeed ee dalkooda ka cararaya.

9/21/2022 1:42 AM EST
Arbaco, September, 21, 2022 (HOL) - Dowladda Maraykanka ayaa ku dhawaaqday eedeymo ka dhan ah 47 qof oo Soomaali ah oo lagu eedeeyay inay lunsadeen $250 milyan oo loogu talagalay in quudin lagu siiyo carruur baahan intii lagu jiro cudurka Corona Virus.

9/21/2022 1:35 AM EST
Arbaco, September, 21, 2022 (HOL) - Golaha odayaasha dhaqanka Koonfur Galbeed ayaa bayaan ay soo saareen waxay ku baaqeen in maamulka koonfur Galbeed iyo dowladda federalka lagala shaqeeyo arrimaha amniga iyo wax ka qabashada abaaraha.

9/21/2022 1:28 AM EST
Arbaco, September, 21, 2022 (HOL) - Waxaa Xalay degmada Dharkeenleey ee magaalada Muqdisho kooxo hubeysan ay ku dileen Allah u naxariistee Nabadoon Cabdlaahi Nuur Garaad Seefle oo ka mid aha nabadoonada kasoo jeeda gobolka Hiiraan.