11/28/2022
Today from Hiiraan Online:  _
Wararka Maanta- Arbaco, Sept 21, 2022
Hay'adda Qaramada Midoobay u qaabilsan qaxootiga oo soo saartay xeer cusub oo ku saabsan ilaalinta qaxootiga Soomaaliyeed.
 

Arbaco, September, 21, 2022 (HOL) - Hay’adda qaxootiga u qaabilsan Qaramada Midoobay, UNHCR, ayaa soo saartay xeer cusub oo ku saabsan sida ay xaquuq magangalyo ku heli karaan qaxootiga Soomaaliyeed ee dalkooda ka cararaya.

Xeerkaan ayaa sheegaya in dowladuhu ay u ogolaadaan dadka ka cararaya Soomaaliya in ay badbaado raadsadaan, iyo in sheegashadooda qaxootinimo lagu qiimeeyo sharciga caalamiga ah.

Hay'adda UNHCR waxay sheegtay kuwa lagu helo inay ka cararayaan rabshadaha, xadgudubyada xuquuqul insaanka iyo cadaadisku inay buuxinayaan shuruudaha aqoonsiga qaxootinimo ee hoos yimaada Axdiga Qaxootiga adduunka ee 1951.

Xeerkan ayaa ujeedadiisu tahay in lagu caawiyo dadka magangelyo doonka ah ee ka yimid Soomaaliya, si ay soo dhowayn uga helaan dalalka ay tagaan.

“Waxaan bogaadinaynaa sida ay uga go’an tahay dalalka deriska ah ee ku aaddan ilaalinta waajibaadkooda sharci ee caalamiga ah iyagoo soohdimahooda u furaya Soomaalida u qaxaysa inay badbaado raadsadaan. Laakiin waxaan ku boorineynaa dhammaan waddamada - oo ay ku jiraan kuwa ka fog fog - inay sidaas oo kale sameeyaan. Waxay kaloo gacan ka geysan karaan inay taageero dheeraad ah siiyaan, iyo kordhinta meelaha la dejiyo Soomaalida iyo qaxootiga kale,” ayaa lagu yidhi bayaan kasoo baxay UNHCR.

Dhammaadkii 2021, 836,300 qaxooti Soomaali ah iyo kuwo magangelyo doon ah, ayaa ku dhawaad 80 boqolkiiba waxaa lagu marti galiyay dalalka deriska iyo kuwa gobolka oo ay ku jiraan Itoobiya, Kenya, Yemen, Jabuuti, Uganda iyo Suudaan.













Click here
9/21/2022 12:58 PM EST
Arbaco, September, 21, 2022 (HOL) - Wararka ka imaanaya dowlad degaanka Soomaalida ayaa sheegaya in maanta uu dagaal beeleed uu ka dhacay goobta lagu magacaabo Goda oo ka tirsan degmada Gursum ee dowlad degaanka Soomaalida.

9/21/2022 10:38 AM EST
Arbaco, September, 21, 2022 (HOL) - Wararka naga soo gaaraya deegaanka Samataro oo dhinaca galbeed kaga beegan deegaanka Booco ee gobolka Hiiraan ayaa sheegaya in dagaal xoogan uu halkaasi ku dhexmaray Maanta dagaalamayaal ka tirsan Al-shabaab iyo ciidamada dowladda Soomaaliya oo garabsanaya kuwa deegaanka oo shalay la wareegay Booco.

9/21/2022 10:38 AM EST
Arbaco, September, 21, 2022 (HOL) - Xisbiga Sinaanta iyo Cadaaladda FEP laantiisa dowlad degaanka Soomaalida ayaa War saxaafadeed ay maanta soo saareen ku sheegay inay haboon tahay in dib loo dhigo shirweynaha wada tashiga ee loo ballansanaa toddobaadka soo socda ilaa inta laga saxayo khaladaad ay sheegeen inay jiraan.

9/21/2022 10:26 AM EST
Arbaco, September, 21, 2022 (HOL) - Dowladda Mareykanka ayaa sheegtay in duqeyn ka dhan ah Al-Shabaab ay ka fulisay meel ku dhow degmada Buulo-burde ee gobolka Hiiraan, 18-kii Sebtembar ee todobaadkaan.

9/21/2022 9:59 AM EST
Arbaco, September, 21, 2022 (HOL) - Dowladda Soomaaliya ayaa sheegtay inay isku diyaarinayso waji kale oo dagaal oo Alshabaab looga xoraynayo gobolka Shabeellada hoose iyo guud ahaan koonfur Galbeed.

9/21/2022 1:42 AM EST
Arbaco, September, 21, 2022 (HOL) - Dowladda Maraykanka ayaa ku dhawaaqday eedeymo ka dhan ah 47 qof oo Soomaali ah oo lagu eedeeyay inay lunsadeen $250 milyan oo loogu talagalay in quudin lagu siiyo carruur baahan intii lagu jiro cudurka Corona Virus.

9/21/2022 1:35 AM EST
Arbaco, September, 21, 2022 (HOL) - Golaha odayaasha dhaqanka Koonfur Galbeed ayaa bayaan ay soo saareen waxay ku baaqeen in maamulka koonfur Galbeed iyo dowladda federalka lagala shaqeeyo arrimaha amniga iyo wax ka qabashada abaaraha.

9/21/2022 1:28 AM EST
Arbaco, September, 21, 2022 (HOL) - Waxaa Xalay degmada Dharkeenleey ee magaalada Muqdisho kooxo hubeysan ay ku dileen Allah u naxariistee Nabadoon Cabdlaahi Nuur Garaad Seefle oo ka mid aha nabadoonada kasoo jeeda gobolka Hiiraan.