11/28/2022
Today from Hiiraan Online:  _
Wararka Maanta- Talaado, Sept 20, 2022
Ciidamada Dowladda oo Maanta dagaal xoogan kula wareegay deegaanka Sinadhaqo ee gobolka Galgaduud
 

Talaado, September, 20, 2022 (HOL) - Ciidamada dowladda Soomaaliya ayaa Maanta dagaal xoogan Al-shabaab ugala wareegay gacan ku heynta deegaanka Sinadhaqo oo dhinaca Koonfureed kaga beegan magaalada Dhuusamareeb ee Caasimadda maamulka Galmudug.

Dagaal aad u xoogan ayaa lasoo wariyay in ciidanka dowladda iyo kuwa Al-shabaab uu ku dhexmaray deegaankaasi, kadib markii ciidamada dowladda ay weerarka ku qaadeen ciidamo ka tirsan Al-shabaab oo la sheegay iney halkaasi isku aruursanayeen.

Dagaalka dhexmaray labada dhinac ayaa la sheegay inuu ahaa mid la isku adesgsaday hubka noocyadiisa kala duwan, islamarkaana uu ka dhashay khasaare dhimasho iyo dhaawacba leh oo kala gaaray labada dhinac, walow aanan la xaqiijin karin inta uu dhan yahay khasaaraha kala gaaray.

Saraakiil ka tirsan ciidanka dowladda ee Maanta la wareegay deegaanka Sinadhaqo oo la hadlay warbaahinta dowladda waxay sheegeen in ciidanka dowladda ay horay u dhaafeen Sinadhaqo ayna sii baacsanaya Al-shabaabkii ay ka saareen deegaanka, islamarkaana ay haatan gaareen tuulada Labidulle oo 15 KM u jirta deegaanka Sinadhaqo ee gobolka Galgaduud.

Dagaalkaan ay Maanta ciidanka dowladda kula wareegeen deegaanka Sinadhaqo oo ka mid ah deegaanada hoostaga magaalada Dhuusamareeb ayaa imaanaya xili Maanta ciidamada dowladda iyo kuwa deegaanka ay Al-shabaab kala wareegeen deegaanka Booco ee gobolka Hiiraan oo Al-shabaab ka talinayeen 10-kii sano ee lasoo dhaafay.












Click here
9/20/2022 1:07 PM EST
Talaado, September, 20, 2022 (HOL) - Ururka ONLF ayaa sheegay inuu gabi ahaanba ka baxay ka qaybgalka shirkii wada tashi ee maalmo ka hor ku heshiiyeen xisbiyada degaanka in la qabto.

9/20/2022 11:19 AM EST
Talaado, September, 20, 2022 (HOL) - Wasiirka Wasaaradda Gaashaandhiga Xukuumadda Fedaraalka Soomaaliya Cabdiqaadir Maxamed Nuur iyo Taliyaha ciidanka xoogga dalka Soomaaliyeed Jenaraal Odawaa Yuusuf Raage ayaa Maanta kormeer ku tagay deegaano hoostaga degmada Buulaburte oo dhawaan laga saaray Al-shabaab.

9/20/2022 11:12 AM EST
Talaado, September, 20, 2022 (HOL) - Xukuumada Somaliland ayaa xisbiga Waddani ku eedaysay in aanu difaacin qaranimada Somaliland, waxayna soo jeedisay in baadhitaan lagu sameeyo sababta.

9/20/2022 9:03 AM EST
Talaado, September, 20, 2022 (HOL) - Muna Xasan oo loo yaqaano Muno Axlaa, oo ah gabadh dhalliyaro ah oo arrimaha bulshada u dhaqdhaaqi jirtay, taasoo hadda dhibbane u ah waxyeello kasoo gaartay qalliin lagu sameeyay, ayaa dacwad ka gudbisay isbitaalka Yardemeli.

9/20/2022 8:16 AM EST
Talaado, September, 20, 2022 (HOL) - Puntland ayaa ku eedeeysay Somaliland daandaansi dagaal, kadib markii shalay madaxweynaha Somaliland Muuse Biixi Cabdi uu tagay Tukaraq oo 70km u jirta magaalada Garowe ee caasimadda Puntland.

9/20/2022 7:29 AM EST
Talaado, September, 20, 2022 (HOL) - Xildhibaano tirradooda ku sheegay 46 xildhibaan, oo ka tirsan Golaha Wakiilada Somaliland, ayaa kasoo horjeestay, wax ka badalkii uu goluhu shalay ku sameeyay xeerka doorashooyinka.

9/20/2022 5:11 AM EST
Talaado, September, 20, 2022 (HOL) - Wararka naga soo gaaraya deegaanka Booco ee gobolka Hiiraan oo qiyaas ahaan magaalada Baledweyne kaga beegan dhanka Koonfureed ilaa 45 KM ayaa sheegaya in ciidamada dowladda Soomaaliya iyo kuwa dib u xureynta deegaanka ee loo yaqaano Macawiisleey ay goordhaw oo Maanta ah la wareegeen deegaankaasi.

9/20/2022 3:12 AM EST
Talaado, September, 20, 2022 (HOL) - Waxaa Xalay magaalada Muqdisho ku geeriyooday Xildhibaan Maxamed Mursal Boorow oo ka mid ahaa mudanayaasha Baarlamaanka Fedaraalka Soomaaliya oo laga soo doortay deegaanada maamulka Koonfur Galbeed Soomaaliya, waxaana la sheegay in Xildhibaanka uu mudooyinkii dambe ku xanuunsanaayay gudaha magaalada Muqdisho.

9/20/2022 1:39 AM EST
Talaado, September, 20, 2022 (HOL) - Dowladda Mareykanka ayaa ku dhawaaqday inay bixisay in ka badan 700 oo milyan oo dollar si wax looga qabto dhibaatooyinka abaareed ee waxyeeleeyay ​​kala bar dadka Soomaaliyeed.

9/20/2022 1:25 AM EST
Talaado, September, 20, 2022 (HOL) - Dowladda Soomaaliya ayaa sheegtay in in ka badan 100 ka tirsan Alshabaab lagu dilay howlgalo 72-kii saac ee lasoo dhaafay ciidamada xoogga dalka Soomaaliyeed ay ka fuliyeen tuulooyinka Yasooman iyo Aboorey ee gobolka Hiiraan.