3/29/2024
Today from Hiiraan Online:  _
Wararka Maanta- Sabti, Sept 17, 2022
Gadiidka dadweynaha Somaliland oo amaro cusub lagu soo rogay
 

Sabti, September, 17, 2022 (HOL) - Ciidamada Nabadgalyada Wadooyinka Somaliland, ayaa mamnuucay bacda madow ee lagu qariyo muraayadaha baabuurta, laydhka awooda badan ee baabuurta iyo hoonka dhawaqa dheer.

Sarkaal u hadlay ciidamada nabadgalyada wadooyinka, ayaa sheegay in bacda madow ee lagu xidho muraayadaha baabuurtu ay sharci ahaan mamnuuctahay, isaga oo amray in baabuurta laga daayo.

"Sida uu qabo qodobka 39 ee nabadgalyada wadooyinku wuu mamnuucayaa, xadhig ayuu leeyahay, ganaax ayuu leeyahay, muraayadaha waxaanu leenahay ha laga daayo, oo sida nabadgalyada ah hala ilaaliyo".

Sidookale, waxa uu sheegay in laga bilaabo todobaadka danbe ay bilaabi doonaan in ay hubiyaan sharciyda baabuurta iyo wadayaasha, isla markaana wadaha ama baabuurka anay waraaqaha sharciga wado maristu u dhamaystirnayn ay talaabo ka qaadi doonaan.

Ciidamada nabadgalyada wadooyinku sidookale waxay ka digeen, isticmaalka indhaha baabuurta ee nuurka badan, oo ay sheegeen in ay dhibaato ku hayaan gaadiidlayda, isla markaana ay keenaan shilal.

Waxa kale oo ay ka digeen garaacista hoonka dhawaqa dheer xiliyada ay baabuurto dhex socoto magaalooyinka, iyo goobaha ku dhaw isbitaalada.

Amaradan ayaa fuli doona wixii ka danbeeya Sabtida inagu soo foodleh, dhanka kale, booliisku ma sheegin wax shaki cusub ah oo nabadgalyada laga qabo.

Abdilahi Geel-maal, Hiiraan Online
[email protected]












Click here
9/17/2022 8:42 AM EST
Sabti, September, 17, 2022 (HOL) - In ka badan 30 dagaalame oo katirsan kooxda Alshabaab ayaa lagu dilay howlgal ay ciidanka xoogga dalka ka fuliyeen deegaanka Abooreey oo qiyaastii 25Km dhanka bari kaga beegan degmada Buulo-burde ee gobolka Hiiraan.

9/17/2022 6:37 AM EST
Sabti, September, 17, 2022 (HOL) - Dowladda Soomaaliya ayaa sheegtay inay diyaar u tahay dhameystirka hannaanka deyn cafinta, kaddib wadahadal madaxweynaha Soomaaliya iyo madaxda Bankiga Adduunka ku dhexmaray magaalada Washing DC.

9/17/2022 4:20 AM EST
Sabti, September, 17, 2022 (HOL) - Soomaaliya iyo Mareykanka ayaa ku heshiiyey in ay iska kaashadaan dagaalka ka dhanka ah Al-Shabaab ee ka socda Geeska Afrika.

9/17/2022 1:56 AM EST
Sabti, September, 17, 2022 (HOL) - Wararka naga soo gaaraya deegaanka Cagoole oo magaalada Baledweyne dhanka Koonfureed kaga beegan ilaa 45 KM ayaa sheegaya in halkaasi qarax miino uu ku haleeyay gaari ay saarnayeen dad safar ahaa oo u badna Nabadoono.

9/17/2022 1:41 AM EST
Sabti, September, 17, 2022 (HOL) - Wasaaradda Warfaafinta ayaa war saxaafadeed ka soo saartay howlgal ciidanka nabadsugida ka sameeyeen Waydow, Yaaqshiid iyo Heliwaa oo lagu soo qabtay 10 xubnood ka tirsan Al-Shabaab.

9/17/2022 1:06 AM EST
Sabti, September, 17, 2022 (HOL) - Wararka ka imaanaya dalka Eritariya ayaa sheegaya in dowladda Eritariya ay u yeedhay ciidankeedii keydka ahaa ee da’doodu ka yar tahay 55 jir, si ay uga qayb galaan dagaalka ay Eritariya kula jirto kooxda TPLF, waxayna dowladda Eritariya ku amartay ciidamadaas keydka ahaa inay soo qaataan bustayaashooda iyo agabkii ay biyaha ku cabbayeen, iskana soo xaadiriyaan xeryaha ciidanka ee u dhaw.