12/6/2022
Today from Hiiraan Online:  _
Wararka Maanta- Sabti, Sept 17, 2022
Dowladda Soomaaliya oo sheegtay inay diyaar u tahay dhameystirka hannaanka deyn cafinta

Sabti, September, 17, 2022 (HOL) - Dowladda Soomaaliya ayaa sheegtay inay diyaar u tahay dhameystirka hannaanka deyn cafinta, kaddib wadahadal madaxweynaha Soomaaliya iyo madaxda Bankiga Adduunka ku dhexmaray magaalada Washing DC.

War qoraal ah oo ka soo baxay Villa Somalia ayaa lagu sheegay in Madaxweyne Xasan Sheekh uu kala hadlay Mr. David R. Malpass, oo ah Guddoomiyaha Bangiga Adduunka ee Xarunta Bankiga ee Washington, DC.

Madaxweyne Xasan ayaa hoosta ka xariiqay sida ay Soomaaliya uga go’an tahay dhameystirka hannaanka deyn cafinta, isagoo xusay in loo baahan yahay in la waafajiyo mashaariicda horumarineed iyo kuwa mudnaanta leh.

Sida war-murtiyeedka lagu sheegay, Madaxweynaha ayaa sidoo kale la kulmay agaasimayaasha sare ee kooxda Bankiga Adduunka, iyagoo ka wada hadlay sidii Bankigu u sii wadi lahaa taageerada dib-u-habaynta hay’adaha dhaqaalaha dalka, kuwaas oo kobciya dhaqaalaha iyo xasilloonida danta dadkeenna.

Sanadkii 2020, IMF iyo World waxay ku dhawaaqeen in Soomaaliya ay u qalanto in laga cafiyo deymaha ka dib markii ay dowladdu buuxisay halbeegyada ugu waawayn ee hannaanka daynta cafinta Soomaaliya.

Soomaaliya waa waddankii 37-aad ee heerkan gaaray, waxaana loo yaqaan barta go'aanka HIPC.

Ilaa hadda, in ka badan 37 waddan oo HIPC ah, oo ay ku jirto Soomaaliya, ayaa gaaray qodobbada go'aan gaarista daynta cafinta, kuwaas oo 36 ka mid ah ay gaareen heer gabagabo ah.












Click here
9/17/2022 8:42 AM EST
Sabti, September, 17, 2022 (HOL) - In ka badan 30 dagaalame oo katirsan kooxda Alshabaab ayaa lagu dilay howlgal ay ciidanka xoogga dalka ka fuliyeen deegaanka Abooreey oo qiyaastii 25Km dhanka bari kaga beegan degmada Buulo-burde ee gobolka Hiiraan.

9/17/2022 8:18 AM EST
Sabti, September, 17, 2022 (HOL) - Ciidamada Nabadgalyada Wadooyinka Somaliland, ayaa mamnuucay bacda madow ee lagu qariyo muraayadaha baabuurta, laydhka awooda badan ee baabuurta iyo hoonka dhawaqa dheer.

9/17/2022 4:20 AM EST
Sabti, September, 17, 2022 (HOL) - Soomaaliya iyo Mareykanka ayaa ku heshiiyey in ay iska kaashadaan dagaalka ka dhanka ah Al-Shabaab ee ka socda Geeska Afrika.

9/17/2022 1:56 AM EST
Sabti, September, 17, 2022 (HOL) - Wararka naga soo gaaraya deegaanka Cagoole oo magaalada Baledweyne dhanka Koonfureed kaga beegan ilaa 45 KM ayaa sheegaya in halkaasi qarax miino uu ku haleeyay gaari ay saarnayeen dad safar ahaa oo u badna Nabadoono.

9/17/2022 1:41 AM EST
Sabti, September, 17, 2022 (HOL) - Wasaaradda Warfaafinta ayaa war saxaafadeed ka soo saartay howlgal ciidanka nabadsugida ka sameeyeen Waydow, Yaaqshiid iyo Heliwaa oo lagu soo qabtay 10 xubnood ka tirsan Al-Shabaab.

9/17/2022 1:06 AM EST
Sabti, September, 17, 2022 (HOL) - Wararka ka imaanaya dalka Eritariya ayaa sheegaya in dowladda Eritariya ay u yeedhay ciidankeedii keydka ahaa ee da’doodu ka yar tahay 55 jir, si ay uga qayb galaan dagaalka ay Eritariya kula jirto kooxda TPLF, waxayna dowladda Eritariya ku amartay ciidamadaas keydka ahaa inay soo qaataan bustayaashooda iyo agabkii ay biyaha ku cabbayeen, iskana soo xaadiriyaan xeryaha ciidanka ee u dhaw.