12/6/2022
Today from Hiiraan Online:  _
Wararka Maanta- Sabti, Sept 17, 2022
Soomaaliya iyo Mareykanka oo ku heshiiyay inay iska kaashadaan dagaalka ka dhanka ah Alshabaab
 

Sabti, September, 17, 2022 (HOL) - Soomaaliya iyo Mareykanka ayaa ku heshiiyey in ay iska kaashadaan dagaalka ka dhanka ah Al-Shabaab ee ka socda Geeska Afrika.

War saxaafadeed ka soo baxay Villa Soomaaliya ayaa lagu sheegay in Madaxweynaha Soomaaliya Xasan Sheekh Maxamuud uu kala hadlay la-taliyaha dhanka amniga qaranka Mareykanka ee dagaalka ka dhanka ah Alshabaab.

"Madaxweyne Xasan Sheekh Maxamuud waxa uu Aqalka Cad kula kulmay La-taliyaha Amniga Qaranka ee Mareykanka Jake Sullivan46 iyo La-taliyaha Amniga gudaha Liz Sherwood-Randall, si uu ugala hadlo dagaalka socda ee lagula dagaallamayo argagixisada caalamiga ah, Mareykanka ayaa weli ah saaxiibka muhiimka ah ee dadaallada amniga iyo xasilinta Soomaaliya," ayay tiri Villa Somalia.

Arrintan ayaa imaanaya iyadoo dowladda Soomaaliya ay xoojisay howlgallada ka dhanka ah Al-shabaab ee ka socda bartamaha iyo koonfurta Soomaaliya.












Click here
9/17/2022 8:42 AM EST
Sabti, September, 17, 2022 (HOL) - In ka badan 30 dagaalame oo katirsan kooxda Alshabaab ayaa lagu dilay howlgal ay ciidanka xoogga dalka ka fuliyeen deegaanka Abooreey oo qiyaastii 25Km dhanka bari kaga beegan degmada Buulo-burde ee gobolka Hiiraan.

9/17/2022 8:18 AM EST
Sabti, September, 17, 2022 (HOL) - Ciidamada Nabadgalyada Wadooyinka Somaliland, ayaa mamnuucay bacda madow ee lagu qariyo muraayadaha baabuurta, laydhka awooda badan ee baabuurta iyo hoonka dhawaqa dheer.

9/17/2022 6:37 AM EST
Sabti, September, 17, 2022 (HOL) - Dowladda Soomaaliya ayaa sheegtay inay diyaar u tahay dhameystirka hannaanka deyn cafinta, kaddib wadahadal madaxweynaha Soomaaliya iyo madaxda Bankiga Adduunka ku dhexmaray magaalada Washing DC.

9/17/2022 1:56 AM EST
Sabti, September, 17, 2022 (HOL) - Wararka naga soo gaaraya deegaanka Cagoole oo magaalada Baledweyne dhanka Koonfureed kaga beegan ilaa 45 KM ayaa sheegaya in halkaasi qarax miino uu ku haleeyay gaari ay saarnayeen dad safar ahaa oo u badna Nabadoono.

9/17/2022 1:41 AM EST
Sabti, September, 17, 2022 (HOL) - Wasaaradda Warfaafinta ayaa war saxaafadeed ka soo saartay howlgal ciidanka nabadsugida ka sameeyeen Waydow, Yaaqshiid iyo Heliwaa oo lagu soo qabtay 10 xubnood ka tirsan Al-Shabaab.

9/17/2022 1:06 AM EST
Sabti, September, 17, 2022 (HOL) - Wararka ka imaanaya dalka Eritariya ayaa sheegaya in dowladda Eritariya ay u yeedhay ciidankeedii keydka ahaa ee da’doodu ka yar tahay 55 jir, si ay uga qayb galaan dagaalka ay Eritariya kula jirto kooxda TPLF, waxayna dowladda Eritariya ku amartay ciidamadaas keydka ahaa inay soo qaataan bustayaashooda iyo agabkii ay biyaha ku cabbayeen, iskana soo xaadiriyaan xeryaha ciidanka ee u dhaw.