3/28/2024
Today from Hiiraan Online:  _
Wararka Maanta- Arbaco, Nov 23, 2022
Maxkamadda Ciidamada oo xukun dil toogasho ah ku riday askari Tooreey ku dilay qof shacab ahaa
 

Arbaco, November, 23, 2022 (HOL) - Maxkamadda ciidamada qalabka sida ayaa xukun dil toogasho ah ku riday askari ka tirsana ciidanka Booliiska maamulka Koonfur Galbeed ee ka howlgala degmada Afgooye ee gobolka Shabeellaha Hoose.

Askariga xukunka dilka toogashada lagu riday ayaa lagu magacaabaa Maxamed Cabdiqaadir Sheekh Ibraahim, kaasoo ku eedeysan dil uu geystay nin lagu magacaabi jiray Cabdifataax Cabdullaahi Cali 25-kii bishii April ee sanadkan 2022-ka, dilkaas oo ka dhacay degmada Boondheere ee magaalada Muqdsho.

Eedeysanaha ayaa la sheegay inuu marxuum Cabdifataax Cabdullaahi uu u dilay Janta siigarka lagu shito sigaarka oo ay ku wada murmeen, taasina ay keentay in eedeysanahan uu marxuumka ku dilo tooreey ama mindi.

Fadhiya kala duwan oo ay Maxkamadda ciidamada yeelatay ayaa 21-kii bishaan ku xukuntay Maxamed Cabdiqaadir Sheekh Ibraahim xukun dil toogasha ah oo ah qisaasta Marxuum Cabdifitaax Cabdullaahi Cali, sidaasna waxaa dhinacyada dacwadda u dhaxeysay ka hor sheegay Gaashaanle Maxamed Cabdi Muumin oo ka tirsan Garsoorka Ciidamada Qalabka Sida, islamarkaana xukunsanaha uu wali heysto fursad uu ku dalban karo Rafcaan.












Click here
11/23/2022 4:04 PM EST
Arbaco, November, 23, 2022 (HOL) - Ganacsade Maxamed Jabuutaawi Caraale, oo leh mid kamid ah shirkadaha qaadka keena magaalada Laascaanood, ayaa si adag uga soo horjeestay shirkad cusub oo uu sheegay in xukuumadu ruqsad siisay.

11/23/2022 9:41 AM EST
Arbaco, November, 23, 2022 (HOL) - Xukuumada Somaliland ayaa sheegtay in marka la gaadho 26 December oo wakhtigii sharciga ahaa ee xisbiyadu ku egyahay, in xisbiga WADDANI urur noqonayo.

11/23/2022 8:54 AM EST
Arbaco, November, 23, 2022 (HOL) - Wasaaradda Warfaafinta Xukuumadda Fedaraalka Soomaaliya ayaa goordhaw shaacisay in howlgalo qorsheysan iyo duqeymo cirka ah oo ay ciidamada xoogga dalka, kuwa Nabadsugida iyo Sirdoonka Qaranka oo kaashanaya saaxiibada Caalamiga ah ka sameeyeen gobolka Shabeellaha Hoose lagu dilay dagaalamayaal badan oo ka tirsan Al-shabaab.

11/23/2022 8:48 AM EST
Arbaco, November, 23, 2022 (HOL) - Ugu yaraan todobo qof ayaa dhimatay kadib markii nin hubeysan uu rasaas ku furay dukaan ku yaalla magaalada Chesapeake, ee gobolka Virginia ee dalka Mareykanka, sida ay sheegeen saraakiisha amniga.

11/23/2022 7:12 AM EST
Arbaco, November, 23, 2022 (HOL) - Madaxweynaha Somaliland Muuse Biixi Cadi, ayaa xilkii ka qaaday xeer ilaaliyihii guud iyo wasiirkii horumarinta iyo maalgashiga Somaliland.

11/23/2022 4:08 AM EST
Arbaco, November, 23, 2022 (HOL) - Xukuumadda Soomaaliya ayaa sheegtay tiro ka badan 600 dagaalame oo katirsan AlShabaab in lagu dilay, sidoo kalena 1,200 lagu dhaawacay howlgallada ciidamada xooggu ku xoreeyeen in ka badan 68 deegaan.

11/23/2022 1:21 AM EST
Arbaco, November, 23, 2022 (HOL) - Wasaaradda Maaliyadda xukuumadda Soomaaliya ayaa sheegtay inay jawaab ka bixin doonto warbixintii uu Hanti-dhowrka guud ee Qaranka ee sida tooska ah warbaahinta looga sii daayay.