3/29/2024
Today from Hiiraan Online:  _
Wararka Maanta- Jimco, Nov 18, 2022
TPLF oo sheegtay inaysan hubka dhigayn ilaa Eritariya ay ka baxayso gobolka Tigray
 

Jimco, November, 18, 2022 (HOL) - Afhayeenka TPLF Getachow Reda ayaa mar uu Warbaahinta la hadlayay waxa uu sheegay in dagaalyahannadoodu aysan hubka dhigi doonin ilaa Ciidamada Eritariya iyo kuwa degaanka Axmaaradu ka baxaan dhulka Tigray.

Afhayeenka ayaa sidoo kale sheegay in Ciidamada Eritariya ay xad gudubyo dagaal ka gaysteen gobolka Tigray intii uu socday dagaalkii u dhaxeeyay TPLF iyo dowladda Itoobiya, isala markaana ay haboon tahay in lala xisaabtamo Eritariya waa siduu hadalka u dhigay Afhayeenka TPLF.

TPLF iyo Eritariya ayaa muddooyin badan waxaa ka dhaxeeyay colaad aad u dheerayd, siiba xilligii ay TPLF majaraha u haysay hoggaanka dalka Itoobiya, wakhtigaa oo dagaalkii u dheeraa uu labada dhinac ku dhex maray dhinaca xuduudda Itoobiya iyo Eritariya.

Intii uu isbaddalku ka dhacay dalka Itoobiya Abiyi Axmed ayaa heshiis la galay dowladda Eritariya, intaa wixii ka dambeeyay waxaa dagaal uu ka dhex qarxay TPLF iyo dowladda Itoobiya oo gacan ka helaysa Ciidamada Eritariya oo markii horeba colaad adag ka dhaxaysay TPLF.

Eritariya aad ugama hadlin heshiiska ay dhawaan gaareen dowladda Itoobiya iyo TPLF, waana midda shakiga weyn galisay TPLF oo markan go'aansatay inaysan hubka dhigin ilaa Eritariya ay ka baxayso dhulka Tigray, waxaa xusid mudan intii uu dagaalku socday Eritariya ayaa qabsatay dhul ku yaal gobolka Tigray oo Eritariya ay ku doodayso inay iyadu leedahay, sidoo kale Ciidamada gobolka Axmaarada ayaa iyaguna Tigray dhul ka qabsaday ay iyaguna ku doodayaan inay iyagu leeyihiin dhulkan.

Isu soo duuboo dowladda Itoobiya waxay dhankeeda sheegaysaa in arrinta Eritariya dib laga xallin doono, balse marka hore xuduudda dhinaca Eritariya lagayn doono Ciidamada Faderalka Itoobiya si ay u sugaan amniga aaggaas.

Lama garan karo siduu xaalku noqonayo iyadoo heshiiskii kaddib ay TPLF keentay arrin kale oo ah inaysan hubka dhigaynin ilaa Ciidamada kala duwan ee Eritariya iyo kuwa Axmaaradu ka baxayaan guud ahaan dhulka Tigray.












Click here
11/18/2022 6:12 AM EST
Jimco, November, 18, 2022 (HOL) - Golaha Amaanka ee Qaramada Midoobay ayaa u codeeyay in cunaqabateynta hubka ay sii saarnaato Soomaaliya, iyadoo arintaasi ay si weyn uga hortimid dowladda Fedaraalla Soomaaliya oo dalbatay in cunaqabateynta laga qaado si ay uga guul gaarto dagaalada ka dhanka ah kooxda Al-shabaab.

11/18/2022 4:01 AM EST
Jimco, November, 18, 2022 (HOL) - Wasiirka Wasaaradda Kallumeysiga iyo Kheyraadka Badda Xukuumadda Fedaraalka Soomaaliya Axmed Xassan Aadan ayaa magaalada Qaahira ee Caasimadda dalka Masar kula kulmay Sayed Alqasiir oo ah wasiirka Beeraha, Xanaanada Xoolaha iyo Kallumaysiga Dowladda Masar.

11/18/2022 3:20 AM EST
Jimco, November, 18, 2022 (HOL) - Dowladda Canada ayaa wada qorshe ay ku masaafurineyso ku dhawaad 500 oo dhalinyaro Soomaaliyeed ah oo ay sheegtay in dalkeeda ay kusoo galeen Baasabooro wadama kale ah.

11/18/2022 1:05 AM EST
Jimco, November, 18, 2022 (HOL) - Wararka naga soo gaaraya deegaanka Mabaax oo ka mid ah deegaanada hoostaga degmada Moqokori ee gobolka Hiiraan ayaa sheegaya in aroornimadii hore ee saakay uu halkaasi ka dhacay dagaal culus oo u dhaxeeyay ciidanka dib u xureynta deegaanka iyo kuwa Al-shabaab.

11/18/2022 12:42 AM EST
Jimco, November, 18, 2022 (HOL) - Wasiirka Arrimaha Dibadda iyo Iskaashiga Caalamiga ee Xukuumadda Fedaraalka Soomaaliya Abshir Cumar Haruuse oo howlo shaqo u jooga dalka Serbia ayaa kulan la qaatay Raysal wasaare ku xigeenka ahna Wasiirka Arrimaha Dibadda dalka Serbia Ivica Dačić iyo xubno kale oo ka tirsan Gollaha Wasiiradda dalkaas oo ay ka mid yihiin Wasiiradda Arrimaha Gudaha, Ganacsiga, Dhaqaalaha iyo masuuliyiin kale.