6/30/2022
Today from Hiiraan Online:  _
Wararka Maanta- Jimco, May 13, 2022
Wararkii ugu dambeeyay ee dagaalka ka socda magaalada Dhuusomareeb
 

Jimco, May, 13, 2022 (HOL) - Dagaal u dhaxeeya ciidamada Galmudug iyo kuwa Ahlusunna waljamaaca ayaa weli ka socda qeybo kamid ah magaalada Dhuusomareeb, waxaana ka dhashay khasaare dhimasho iyo dhaawac leh oo aan weli xog sugan laga haynin.

Dad shacab ah ayaa ku geeriyooday rasaasta la isku adeegsanayo, kuwaas oo iyagoo guryahooda ku sugan ay madaafiic kusoo dhaceen, qaarkoodna ay rasaastu haleeshay iyagoo dagaalka ka baxsanaya.

Ciidamada Galmudug ayaa lagusoo waramayaa inay dib uga saareen goobaha ay ka dagaalamayeen ciidamada Ahslusunna, kuwaas oo saakay ay u suurto gashay inay la wareegaan qeybo kamid ah magaalada Dhuusomareeb.

Wasiirka warfaafinta Galmudug, Axmed Shire Falagle ayaa sheegay in Ahlusunna iyo Shabaab wada socda ay duulaan kusoo qaadeen caasimadda Galmudug, isagoo sheegay inay iska difaaceen.

Wasiirka warfaafinta waxa uu sheegay in mar walba oo uu dalka isbeddel galayo ay Ahlsunna isku dayaan inay ka faa’idaystaan oo ay isku dayaan inay qalqal galiyaan ammaanka Galmudug.

Warar aan weli si dhab ah loo xaqiijin ayaa sheegaya in ciidamada Galmudug ay dagaalka ku qabteen dhowr maxaabiis ah oo katirsan ciidamada Ahlusunna ee dagaalka ku jiray.

Wixii faahfaahin ah oo soo kordha kala socda wararkeenna dambe.

Abdiweli M. Sheikh, Hiiraan Online
[email protected]












Click here
5/13/2022 4:15 PM EST
Jimco, May, 13, 2022 (HOL) - Xisbiga mucaaradka Somaliland ee Waddani oo taageerayaashiisa ugu baaqay mudaharaad, hadii doorashada madaxtooyada Somaliland ay qabsoomi waydo 13 bisha November ee sannadkan.

5/13/2022 4:04 PM EST
Jimco, May, 13, 2022 (HOL) - Guddiga xallinta khilaafka dhex yaalla labada deegaan ee Soomaalida iyo Canfarta oo maanta kulan ku yeeshay magaalada Jig-jiga, ayaa soo saaray qodobo muhiim ah, oo xal u noqon kara khilaafaadka dhex yaal labada degaan.

5/13/2022 1:41 PM EST
Jimco, May, 13, 2022 (HOL) - Taliska Ciidamada Maraykanka ee Afrika (AFRICOM),oo warbixin labaad kasoo saaray safarkii madaxda talisku ay shalay ku tageen Somaliland, ayaa sheegay in ay doonayaan in ay iskaashi millateri la yeeshaan Somaliland.

5/13/2022 12:28 PM EST
Jimco, May, 13, 2022 (HOL) - Ciidamada Dowladda iyo kuwa Galmudug ayaa si buuxda dib gacantooda ugusoo celiyay magaalada Dhuusomareeb, halkaas oo aay Saakay weerar kusoo qadeen ciidamo Ahlusunna Waljameeca.

5/13/2022 7:23 AM EST
Jimco, May, 13, 2022 (HOL) - Dowlad degaanka Canfarta ayaa deeq lacageed oo gaaraysa 10 milyan ugu deeqay shacabka degaanka Soomaalida, deeqdan ayaa waxaa degaanka Soomaalida soo gaarsiiyay Madaxwaynaha degaanka Canfarta Awal Arbe.

5/13/2022 4:22 AM EST
Jimco, May, 13, 2022 (HOL) - Wasiirka ciidamada ee dalka UK, James Heappey, ayaa booqasho ku tagay dalalka bariga Afrika ee ay Soomaaliya ku jirto, si uu ugala hadlo dadaallada wadajirka ah ee lagu horumarinayo xasilloonida gobolka iyo dhismaha amniga Soomaaliya.

5/13/2022 2:45 AM EST
Jimco, May, 13, 2022 (HOL) - Ammaanka magaalada Muqdisho ee caasimadda Soomaaliya ayaa si weyn loo adkeeyay, iyadoo la soo gaba gabeeyay diyaar garowgii ugu dambeeyay ee doorashada Madaxweynaha dowladda Federaalka Soomaaliya.

5/13/2022 1:50 AM EST
Jimco, May, 13, 2022 (HOL) - Xubno ka tirsan ururka xuquuqul insaanka ee İHD ee ka jira dalka Turkiga, ayaa booqday qaxootiga ka imaanaya Soomaaliya ee ku sugan magaalada caasimadda ah ee Ankara, kuwaas oo la kulmay cadaadis lagu xirayo dukaamadooda.

5/13/2022 1:23 AM EST
Jimco, May, 13, 2022 (HOL) - Dagaal xooggan oo u dhaxeeya ciidamada maamulka Galmudug iyo kuwa Ahlusuna Waljamaaca ayaa saakay waaberigii ka bilowday magaalada Dhuusomareeb ee caasimadda Galmudug.

5/13/2022 12:57 AM EST
Jimco, May, 13, 2022 (HOL) - Cabdikariin Xuseen Guulleed oo kamid ah musharraxiinta isku diiwaan galiyay tartanka doorashada madaxweynaha Soomaaliya, ayaa isaga haraya tartanka doorashada, isagoo u tanaasulay Cabdiraxmaan Cabdishakuur Warsame.