6/30/2022
Today from Hiiraan Online:  _
Wararka Maanta- Khamiis, May 12, 2022
Gud. Guddida Doorashooyinka Somaliland oo ku gacan saydhay guddidii madaxweynaha
 

Khamiis, May, 12, 2022 (HOL) - Guddoomiyaha cusub ee Guddida Doorashooyinka Somaliland marwo Kaltuun Sh Xasan Cabdi, ayaa ku gacan saydhay guddi baadhiseed oo uu madaxweyne Biixi u xil saaray khilaafka maamul ee ka dhexjira guddida.

Kaltuun ayaa sheegtay in anay jirin wax dhib ah oo ka dhacay guddida dhexdeeda, "Ma jirto wax dhib ah oo ka dhacay Koomiishanka Doorashooyinka Qaranka ... waxa kaliya ee ay sameeyeen is badal ku yimid hogaanka, iyada oo la badalay guddoomiyihii hore ee Cabdirashiid Riyo-raac, la doortayna guddoomiyaha cusub ee Kaltuun Sh. Xasan oo aniga ah, 27, 4, 2022".

Marwo Kaltuun ayaa sheegtay in aanu jirin wax khilaaf maaliyadeed ah oo ka dhexjira xubnaha guddida doorashooyinka, sida lagu xusay qoraalkii uu madaxweyne Biixi ku magacaabay guddida baadhiseed.

"Doorashada waxaa loo maray hab sharci ah oo markii horeba lagu doortay guddoomiyihii hore sida uu dhigayo xeerka doorashooyinka ... may jirin, manay dhicin marna wax khilaaf maaliyadeed ah oo xubnaha koomiishanka doorashooyinku ay codsadeen, waxaase jiray khilaaf maamul oo soo jireen ah oo uu abuurayay guddoomiyihii hore" ayay tidhi Kaltuun.

Waxay ku gacan saydhay guddida baadhiseed ee uu madaxweyne Biixi u magacaabay baadhista khilaafka xubnaha guddida, iyadoo sheegtay in anay ahayn guddi dhex dhexaad ah.

"Waxaanu diyaar u nahay in lasoo diro guddi baadhiseed oo madaxbannaan, oo baadha arrimaha Koomiishanka Doorashooyinka Qaranka, waxaana aanu rumaysanahay in guddida hada lasoo magacaabay anay ahayn guddi dhex dhexaad ah" ayay tidhi Kaltuun.

Waxay sheegtay in guddoomiyihii hore ee guddida Cabdirashiid Maxamuud Cali (Riyo-raac), uu isagu khilaafka abuuray kadib markii xilka looga qaaday musuq maasuq uu sameeyay awgii, 27 bishii Abriil ayaa codayn ay sameeyeen xubnaha guddidu ku badaleen hogaankii guddida, iyadoo Kaltuun loo doortay guddoomiye, talaabadaas oo uu Riyo-Raac ku gacansaydhay.



Abdilahi Geel-maal, Hiiraan Online












Click here
5/12/2022 4:18 PM EST
Khamiis, May, 12, 2022 (HOL) - Qoraal lagu baahiyay boga Twitterka ee Taliska Ciidamada Maraykanka ee Afrika (AFRICOM), ayaa lagu sheegay in saraakiisha AFRICOM, ay Somaliland u yimaadeen si ay u xoojiyay xidhiidhka Somaliland iyo Maraykanka, si waafaqsan Dastuurka Soomaaliya.

5/12/2022 1:21 PM EST
Khamiis, May, 12, 2022 (HOL) - Sarakiil ka socota xafiiska madaxtooyada dalka Senegal, ayaa madaxweynaha Somaliland Muuse Biixi Cabdi, soo gaadhsiiyay waraaq muhiim ah, oo ka socota Madaxweynaha Senegal ahna Guddoomiyaha Midowga Afrika Macky Sall, sida madaxtooyadu sheegtay.

5/12/2022 12:51 PM EST
Khamiis, May, 12, 2022 (HOL) - Waxaa galinkii dambe ee Maanta gaaray magaalada Muqdisho ee Caasimadda Soomaaliya Cabdikariin Sheekh Muuse Qalbidhagax, kaaso si weyn ay garoonka diyaaradaha Aadan Cadde ugu soo dhaweeyeen wasiirada Amniga, Gaashaandhigga iyo Xildhibaano ka tirsan Baarlamaanka Fedaraalka Soomaaliya.

5/12/2022 12:04 PM EST
Khamiis, May, 12, 2022 (HOL) - Waxaa galabta si rasmi ah ugu soo gabagaboobay teendhada Afisyooni ee magaalada Muqdisho hadaljeediinta Musharaxiinta u taagan tartanka doorashada madaxweynaha 10-aad ee Jamhuuriyadda Fedaraalka Soomaaliya.

5/12/2022 9:34 AM EST
Khamiis, May, 12, 2022 (HOL) - Taliyaha Taliska Ciidamada Maraykanka ee Afrika (AFRICOM) Stephen Townsend, safiirka Maraykanka ee Soomaaliya Larry André, iyo saraakiil kale oo sar sare oo ka tirsan taliska Afrika, ayaa socdaal ku yimid magaalada Hargaysa ee caasimada Somaliland.

5/12/2022 5:27 AM EST
Khamiis, May, 12, 2022 (HOL) - Madaxweynihii hore ee Soomaaliya Xasan Sheikh Maxamuud ayaa goor dhowayd khudbadiisa musharraxnimo ka jeediyay hoolka barlamaanka, halkaas oo ay maalintii labaad ka socoto dhegaysiga hadal jeedinta musharraxiinta u taagan madaxweynaha.

5/12/2022 5:07 AM EST
Khamiis, May, 12, 2022 (HOL) - Hoggaamiyaha TPLF Debretsion ayaa shacabka go'doonsan ee Tigray ugu baaqay inay u diyaar garoobaan duulaan ka dhan ah dowladda Itoobiya, isagoo duulaankan ugu magac daray Cutubkii u dambeeyay ee halganka.

5/12/2022 4:30 AM EST
Khamiis, May, 12, 2022 (HOL) - Warar dheeraad ah ayaa kasoo baxaya weerar madaafiic ah oo khasaare dhimasho iyo dhaawacba leh geystay oo lagu garaacay deegaanka Biyocadde ee gobolka Sh/dhexe.

5/12/2022 3:09 AM EST
Khamiis, May, 12, 2022 (HOL) - Dowladda Itoobiya ayaa soo bandhigtay hub kala duwan oo ay lahaayeen kooxda Al-shabaab, hubkaas oo ay gacanta ku dhigeen Ciidamada Itoobiya ee ku sugan Xadka Ismaamulka Soomaalida Itoobiya.

5/12/2022 2:12 AM EST
Khamiis, May, 12, 2022 (HOL) - Waxaa Maanta oo Khamiis ah lagu wadaa in teendhada Afisyooni ee magaalada Muqdisho lagu soo gabagabeeyo hadal jeedinta Musharaxiinta madaxweynaha, waxaana Maanta khudbadahooda Xildhibaanada labada Aqal ka hor jeedin doona 19 musharax oo ka mid ah Musharaxiinta u taagan doorashada madaxweynaha Jamhuuriyadda Fedaraalka Soomaaliya.

5/12/2022 1:50 AM EST
Khamiis, May, 12, 2022 (HOL) - Ururka Alshabaab ayaa sheegay in muwaadin kasoo jeeda dalka Kenya uu fuliyay weerarkii ismiidaaminta ahaa ee lagu qaaday xerada ciiddanka Burundi ay ku lahaayeen deegaanka Ceel Baraf ee gobolka Shabeeladda dhexe.