3/28/2024
Today from Hiiraan Online:  _
Wararka Maanta- Khamiis, May 12, 2022
Hadaljeedinta Musharaxiinta Madaxweynaha Soomaaliya oo Galabta lagu soo gabagabeeyay teendhada Afisyooni

Khamiis, May, 12, 2022 (HOL) - Waxaa galabta si rasmi ah ugu soo gabagaboobay teendhada Afisyooni ee magaalada Muqdisho hadaljeediinta Musharaxiinta u taagan tartanka doorashada madaxweynaha 10-aad ee Jamhuuriyadda Fedaraalka Soomaaliya.

Guddoomiyaha Golaha Shacabka Sheekh Aadan Maxamed Nuur (Madoobe) ayaa Maanta soo xiray dhageysiga hadal jeedinta 39-ka Musharax ee u taagan qabashada xilka madaxweynaha Soomaaliya oo shalay iyo maanta hadal jeedintooda ka socotay teendhada Afisyooni.

Xildhibaanada labada Aqal ee Baarlamaanka Soomaaliya ayaa Maanta dhageystay khudbadaha 19 Musharax oo ay ka mid ahayeen Farmaajo, Xasan Sheekh, Sheekh Shariif, Deni iyo Musharaxiin kale oo caan ah, waxaana hadal jeedinta musharaxiinta Madaxyenaha 10-aad ee Soomaaliya ay socotay shalay iyo maanta oo aheyd labada maalin ee guddiga doorashada u qorsheyeeen hadaljeedinta Musharaxiinta.

Guddoomiyaha Golaga Shacabka Sheekh Aadan Madoobe oo ay hareer fadhiyeen guddoonka labada Aqal iyo ku xigeenadooda ayaa Xildhibaannada iyo Senatorada Aqalka Sare ka codsay in ay xili hore yimaadaan hoolka doorashada 15-ka bishaan May oo lagu wado in la qabto doorashada Madaxweynaha Soomaaliya.

Guddoomiye Aadan Madoobe ayaa Golaha labada Aqal u sheegay in ay fasax yihiin labada maalin ee Jimcaha iyo Sabtiga oo taariiqdu tahay 13-14 bisha May, islamarkaana guddiga doorashada Madaxweynaha ay u sii diyaar garoobayaan qabashada doorashada Madaxweynaha 10aad ee Jamhuuriyadda Federaalka Soomaaliya.

Doorashada madaxweynaha cusub ee Jamhuuriyadda Fedaraalka Soomaaliya ayaa si weyn qabsoomideeda waxaa u daneynaya shacabka Soomaaliyeed iyo dowladaha daneeya arimaha Soomaaliya. 

Jamaal Cali Cabdi, Hiiraan Online












Click here
5/12/2022 4:18 PM EST
Khamiis, May, 12, 2022 (HOL) - Qoraal lagu baahiyay boga Twitterka ee Taliska Ciidamada Maraykanka ee Afrika (AFRICOM), ayaa lagu sheegay in saraakiisha AFRICOM, ay Somaliland u yimaadeen si ay u xoojiyay xidhiidhka Somaliland iyo Maraykanka, si waafaqsan Dastuurka Soomaaliya.

5/12/2022 1:21 PM EST
Khamiis, May, 12, 2022 (HOL) - Sarakiil ka socota xafiiska madaxtooyada dalka Senegal, ayaa madaxweynaha Somaliland Muuse Biixi Cabdi, soo gaadhsiiyay waraaq muhiim ah, oo ka socota Madaxweynaha Senegal ahna Guddoomiyaha Midowga Afrika Macky Sall, sida madaxtooyadu sheegtay.

5/12/2022 12:51 PM EST
Khamiis, May, 12, 2022 (HOL) - Waxaa galinkii dambe ee Maanta gaaray magaalada Muqdisho ee Caasimadda Soomaaliya Cabdikariin Sheekh Muuse Qalbidhagax, kaaso si weyn ay garoonka diyaaradaha Aadan Cadde ugu soo dhaweeyeen wasiirada Amniga, Gaashaandhigga iyo Xildhibaano ka tirsan Baarlamaanka Fedaraalka Soomaaliya.

5/12/2022 12:36 PM EST
Khamiis, May, 12, 2022 (HOL) - Guddoomiyaha cusub ee Guddida Doorashooyinka Somaliland marwo Kaltuun Sh Xasan Cabdi, ayaa ku gacan saydhay guddi baadhiseed oo uu madaxweyne Biixi u xil saaray khilaafka maamul ee ka dhexjira guddida.

5/12/2022 9:34 AM EST
Khamiis, May, 12, 2022 (HOL) - Taliyaha Taliska Ciidamada Maraykanka ee Afrika (AFRICOM) Stephen Townsend, safiirka Maraykanka ee Soomaaliya Larry André, iyo saraakiil kale oo sar sare oo ka tirsan taliska Afrika, ayaa socdaal ku yimid magaalada Hargaysa ee caasimada Somaliland.

5/12/2022 5:27 AM EST
Khamiis, May, 12, 2022 (HOL) - Madaxweynihii hore ee Soomaaliya Xasan Sheikh Maxamuud ayaa goor dhowayd khudbadiisa musharraxnimo ka jeediyay hoolka barlamaanka, halkaas oo ay maalintii labaad ka socoto dhegaysiga hadal jeedinta musharraxiinta u taagan madaxweynaha.

5/12/2022 5:07 AM EST
Khamiis, May, 12, 2022 (HOL) - Hoggaamiyaha TPLF Debretsion ayaa shacabka go'doonsan ee Tigray ugu baaqay inay u diyaar garoobaan duulaan ka dhan ah dowladda Itoobiya, isagoo duulaankan ugu magac daray Cutubkii u dambeeyay ee halganka.

5/12/2022 4:30 AM EST
Khamiis, May, 12, 2022 (HOL) - Warar dheeraad ah ayaa kasoo baxaya weerar madaafiic ah oo khasaare dhimasho iyo dhaawacba leh geystay oo lagu garaacay deegaanka Biyocadde ee gobolka Sh/dhexe.

5/12/2022 3:09 AM EST
Khamiis, May, 12, 2022 (HOL) - Dowladda Itoobiya ayaa soo bandhigtay hub kala duwan oo ay lahaayeen kooxda Al-shabaab, hubkaas oo ay gacanta ku dhigeen Ciidamada Itoobiya ee ku sugan Xadka Ismaamulka Soomaalida Itoobiya.

5/12/2022 2:12 AM EST
Khamiis, May, 12, 2022 (HOL) - Waxaa Maanta oo Khamiis ah lagu wadaa in teendhada Afisyooni ee magaalada Muqdisho lagu soo gabagabeeyo hadal jeedinta Musharaxiinta madaxweynaha, waxaana Maanta khudbadahooda Xildhibaanada labada Aqal ka hor jeedin doona 19 musharax oo ka mid ah Musharaxiinta u taagan doorashada madaxweynaha Jamhuuriyadda Fedaraalka Soomaaliya.

5/12/2022 1:50 AM EST
Khamiis, May, 12, 2022 (HOL) - Ururka Alshabaab ayaa sheegay in muwaadin kasoo jeeda dalka Kenya uu fuliyay weerarkii ismiidaaminta ahaa ee lagu qaaday xerada ciiddanka Burundi ay ku lahaayeen deegaanka Ceel Baraf ee gobolka Shabeeladda dhexe.