3/29/2024
Today from Hiiraan Online:  _
Wararka Maanta- Arbaco, May 11, 2022
Shirkad ka shaqeysa dabka iyo badqabka korontada, una shaqeysa qaab casri ah oo laga furay Muqdisho

Arbaco, May, 11, 2022 (HOL) - Shirkadda Cumar Sabriye Engineering Company oo ka shaqeysa howlaha dabka iyo badqabka korontada, ayaa shalay lagu daah-furay magaalada Muqdisho.

Agaasimaha maamulka shirkadda Injineer Cumar Sabriye, ayaa horay uga soo shaqeeyay mashaariic la xiriira korontada iyo badqabkeeda oo laga fuliyay magaalada London ee caasimada dalka Britain. Waxaa uu la soo shaqeeyay qaar kamid ah shirkadaha hormuudka ka ah injineernimada ee UK sida British Gas, Haden Young iyo Belfour Beatty.

“Anniga oo soo bartey, isla markaana khibrad u leh shaqadda ayaa haddana waxaan ku shaqeyneynaa qalab casri ah. Waxaan korontada u gelineynaa guryaha iyo goobaha ganacsiga si casri oo badqab leh (safe) oo ka duwan qaababkii hore, maadaama shirkadda iyo shaqaallaheeda ay ku taqasuseen arrimaha korontada”, ayuu yiri Eng Cumar Sabriye.

Ganacsiga bartamaha magaalada Muqdisho oo burbursanaa muddo sannado ah ayaa waxaa xiligan laga dareemayaa horumarro xagga dhismayaal casri ah, kuwaas oo sara u qaaday bilicda caasimadda. Sidaasi awgeed Injineer Cumar Sabriye iyo kooxdiisa ayaa doonaya in ay xoogga saaraan korontada iyo badqabkeeda (Electrical Safety).

Xafiiska shirkadda oo ku yaalla daarta Giyaajo Business Center ee isgoyska KM-4, ayaa shaqooyinka kale ee ay qabato waxaa kamid ah naqshadeynta website-yada, gaar ahaan nooca WordPress.

Hassan Istiila, Hiiraan Online
[email protected]












Click here
5/11/2022 11:04 AM EST
Arbaco, May, 11, 2022 (HOL) - Waxaa goordhaw soo gabagaboobay hadal jeedinta maalinta koowaad ee Musharaxiinta u taagan xilka madaxweynaha Soomaaliya, waxaana Maanta khudbadahooda ka hor jeediyay Xildhibaanada labada Aqal 20 Musharax oo mid ah 39-ka Musharax ee isku diiwaan galiyay tartanka doorashada Madaxweynaha Jamhuuriyadda Fedaraalka Soomaaliya.

5/11/2022 10:25 AM EST
Arbaco, May, 11, 2022 (HOL) - Wariyaasha madaxa banaan ee ka howlgala magaalada Muqdisho ee Caasimadda Soomaaliya ayaa shir jaraa'id oo ay qabteen waxay ku sheegeen in loo diiday Maanta iney gudaha u galaan hoolka loogu talo galay in lagu qabto doorashada madaxweynaha Soomaaliya oo ay Maanta ka socotay hadal jeedinta Musharaxiinta u taagan xilka madaxweynaha 10-aad ee dalka.

5/11/2022 8:47 AM EST
Arbaco, May, 11, 2022 (HOL) - Afhayeenka ciiddanka Booliiska Soomaaliya gaashaanle Cabdifitaax Aadan Xasan ayaa sheegay inay todobo qof ku dhaawacmeen qarax ismiidaamin ah oo maanta barqadii ka dhacay wadada KM4 ee lagu baaro dadka u socda garoonka Aadan Cadde.

5/11/2022 8:21 AM EST
Arbaco, May, 11, 2022 (HOL) - Madaxweynaha Somaliland Muuse Biixi Cabdi, oo ka hadlayay munaasibad lagu qabtay Jaamacada Hargaysa, ayaa doqoniimo ku tilmaamay in dadka reer Somaliland ay u ordaan doorashooyinka Soomaaliya.

5/11/2022 6:29 AM EST
Arbaco, May, 11, 2022 (HOL) - Xukuumada Somaliland ayaa markale si kasoo horjeeda shakiga ay mucaaradku ka qabaan in doorashada madaxtooyadu dib u dhacdo, sheegtay in doorashada wakhtigeeda lagu qabanayo.

5/11/2022 5:01 AM EST
Arbaco, May, 11, 2022 (HOL) - Inta la xaqiijiyay 3 ruux oo labo kamid ah ay yihiin Askar katirsan Ciidanka dowaldda ayaa ku geeriyootay qarax ka dhacay agagaarka bar laga hubiyo gaadiidka u gudba garoonka diyaaradaha Aadan Cadde ee Magaalada Muqdisho.

5/11/2022 3:22 AM EST
Arbaco, May, 11, 2022 (HOL) - Dhawaqa qarax ayaa laga maqlay nawaaxiga isgoyska KM-4 gaar ahaan waddada aada garoonka diyaaraha ee magaalada Muqdisho.

5/11/2022 1:58 AM EST
Arbaco, May, 11, 2022 (HOL) - Waxaa Maanta oo Arbaco ah lagu wadaa in teendhada Afisyooni ee magaalada Muqdisho ay ka bilaabato hadal jeedinta Musharaxiinta isku diiwaan galisay doorashada xilka madaxweynaha Soomaaliya.

5/11/2022 1:10 AM EST
Arbaco, May, 11, 2022 (HOL) - Guddoomiyaha barlamaanka Soomaaliya Sheikh Aadan Madoobe ayaa sameeyay magacaabistii ugu horreysay tan iyo markii loo doortay xilka guddooomiyaha barlamaanka, 28-kii Abril.

5/11/2022 1:00 AM EST
Arbaco, May, 11, 2022 (HOL) - Hogagamiyaha mucaaradka dalka Kenya Raila Odinga ayaa ballan qaaday in uu xoojin doono xiriirka laba geesoodka ah ee u dhaxeeya Kenya iyo Soomaaliya, si buu yiri loo hormariyo dhaqaalaha Kenya.