3/28/2024
Today from Hiiraan Online:  _
Wararka Maanta- Talaado, May 10, 2022
Faysal Cali Waraabe: Muuse doorasho diyaar uma aha

Talaado, May, 10, 2022 (HOL) - Guddoomiyaha Xisbiga UCID Faysal Cali Waraabe, ayaa madaxweynaha Somaliland Muuse Biixi Cabdi, ku eedeeyay in aanu daacad ka ahayn qabashada doorashada madaxtooyada.

Faysal oo waraysi gaar ah siiyay idaacada BBC Somali, ayaa madaxweynaha ku eedeeyay in aanu aanu hayn wadadii doorasho lagu gaadhi lahaa, isaga oo ku andacooday in madaxweynuhu uu ka danbeeyo khilaafka soo kala dhexgalay guddida doorashooyinka.

"Waxba u diyaar maaha, wuu iska hadlayaa, hadii uu u diyaaryahay farsamadeedi ayuu keeni lahaa, wadatashi ayuu keeni laha, waxaa la gaadhay wakhtigii diwaangalinta la bilaabayay, koomiishankii ayuu buuq galiyay oo hada aan shaqayn todobaad dhan, wuu meeraysanayaa" ayuu yidhi Faysal.

Guddoomiyaha ayaa madaxweynaha ku eedeeyay in uu rabo in uu Somaliland qaso balse ay ka hortagi doonaan, "Waanu ka hor tagaynaa in aanu dalku naga qasmin, waxyaabihii lagaga hortagayay waanu haysanaa".

Faysal oo wax laga waydiiyay mawqif kiisa ku aadan in xiligan la furo ururrada siyaasada madaama oo ay sii dhamaanayaan 10 kii sanno ee sharcigu siiyay xisbiyada jira, ayaa sheegay in qabashada doorashada ururrada siyaasadu anay sharci ahayn.

"Lama furayo ururro sharci maaha, wax dalka yaga ka soconaya maaha, ururro toos ah oo aan loo tartamayn deegaan ama baarlamaan adduunka kama dhacdo, waxan u suurogalayn ayuu maskaxdiisa ka keenay, wax dhacayaa ma jirto" ayuu yidhi Faysal.

Faysal ayaa ku hanjabay in hadii doorashada madaxtooyadu dhici waydo aanu Biixi madaxweyne sii ahaan doonin "Doorashadu haday dhici waydo wakhtigeedi oo madaxweynuhu wax kale keeno albaabka ayuu ka baxaya".

Abdilahi Geel-maal, Hiiraan Online












Click here
5/10/2022 3:55 PM EST
Talaado, May, 10, 2022 (HOL) - Guddoonka barlamaanka Soomaaliya ayaa soo saaray awaamiir lagu xoojinayo amniga goobta ay ka dhacayso doorashada madaxweynaha Soomaaliya iyo sidoo kale ciidamada loo xilsaaray masuuliyadda amniga doorashada.

5/10/2022 12:10 PM EST
Talaado, May, 10, 2022 (HOL) - Guddiga doorashada madaxweynaha Soomaaliya ayaa Galabta soo gabagabeeyay diiwaan galinta Musharaxiinta madaxweynaha 10-aad ee Jamhuuriyadda Fedaraalka Soomaaliya oo socotay sadaxdii maalmood ee lasoo dhaafay.

5/10/2022 11:38 AM EST
Talaado, May, 10, 2022 (HOL) - Musharaxa Madaxweynaha Xisbiga Waddani Cabdiraxmaan Maxamed Cabdillaahi Cirro, ayaa madaxweynaha Somaliland ku eedeeyay in aanu diyaar u ahayn in uu qabto doorashooyinka mudaysan dabayaaqada sannadkan.

5/10/2022 9:42 AM EST
Talaado, May, 10, 2022 (HOL) - Guddoomiyaha Golaha Shacabka Baarlamaanka Fedaraalka Soomaaliya Sheekh Aadan Maxamed Nuur ayaa Maanta kormeer ku tagay xarunta lagu qabanayo doorashada madaxweynaha Jamhuuriyadda Soomaaliya oo maalinta berito ah ay ka bilaabaneyso hadal jeedinta musharaxiinta madaxweynaha.

5/10/2022 9:17 AM EST
Talaado, May, 10, 2022 (HOL) - Madaxweynaha Somaliland Muuse Biixi Cabdi, ayaa magacaabay guddi 5 qof ka kooban, oo baadhis ku samayn doonta khilaafka maamul ee ka dhexeeya Guddida Doorashooyinka Somaliland.

5/10/2022 7:22 AM EST
Talaado, May, 10, 2022 (HOL) - Beesha caalamka ayaa soo dhoweysay horumarka laga gaaray diiwaangelinta musharrixiinta u taagan xilka madaxweynaha iyo u diyaargarowga kale ee loogu jiro inaan laga dib dhicin waqtiga kama dambeysta ah ee doorashada madaxweynaha.

5/10/2022 7:17 AM EST
Talaado, May, 10, 2022 (HOL) - Howgalka nabad ilaalinta midowga Afrika ee Soomaaliya (ATMIS) ayaa sheegay, iyagoo la tashanaya guddoomiyaha barlamaanka Soomaaliya inay xoojinayaan amniga xerada Afisyooni , halkaas oo ay ka dhacayso doorashada madaxweynaha dalka.

5/10/2022 2:43 AM EST
Talaado, May, 10, 2022 (HOL) - Warar dheeraad ah ayaa kasoo baxaya qarax miino oo Xalay fiidkii hore lala beegsaday kolanyo gaadiid ah oo uu la socday Taliyaha ciidanka Booliiska gobolka Banaadir Farxaan Qaroole.

5/10/2022 1:20 AM EST
Talaado, May, 10, 2022 (HOL) - Guddiga qaban qaabada doorashada madaxweynaha Soomaaliya ayaa sheegay in diiwaan galinta musharraxiinta madaxweynaha ay ku egtahay maanta oo tallaado ah, gaar ahaan afarta galabnimo.

5/10/2022 1:13 AM EST
Talaado, May, 10, 2022 (HOL) - Wasiirkii hore ee arrimaha dibadda Somalia, Maxamed Cabdirisaaq Maxamuud, ayaa ku dhawaaqay inuu ka haray tartanka loogu jiro xilka madaxweynaha Soomaaliya.