3/29/2024
Today from Hiiraan Online:  _
Wararka Maanta- Talaado, Jun 21, 2022
Faysal Cali Waraabe: Madaxweynuhu wuxuu jeclaa in guddida badankooda lasoo celiyo
 

Talaado, Juun, 21, 2022 (HOL) - Guddoomiyaha xisbiga mucaaradka Somaliland ee UCID Faysal Cali Waraabe, ayaa madaxweyne Biixi ku eedeeyay in uu doonayay in golaha wakiiladu diidaan xubnaha cusub ee guddida doorashooyinka.

Guddoomiye Faysal oo waraysi gaar ah siiyay idaacada BBC Somali, ayaa sheegay in uu jeclaan lahaa in golaha wakiiladu ay wada anxsixiyaan dhamaan 7-da xubnood ee guddida cusub ee doorashooyonka.

"Mar hadii uu madaxweynuhu shuruudihii jabiyay oo uu soo magacaabay dad xisbiga musharixiin ka ahaa, waxaanu jeclayn in ay eegaan baarlamaanku qofka shakhsiyadiisa iyo damiir kiisa, iyo wuu dhaaranayaaye si ay inoogu dhamaato shaqadaasi in lasii daayaan jeclaa" ayuu yidhi Faysal.

Faysal oo wax laga waydiiyay in ay muujinayso in goluhu madaxbannaanyahay madaama oo 2 kamid ah 3 dii xubnood ee madaxweyne Biixi magacaabay uu goluhu diiday, ayaa madaxweynaha ku eedeeyay in uu jeclaan lahaa in dhamaantood lasoo diido si uu shaqada doorashada dib ugu dhigo.

"Waxaanu sir ku haynaaba in madaxweynuhu uu jeclaa in badan kooda lasoo celiyo, si ay dib ugu dhacdo oo ayna howshooda u gudan" ayuu yidhi Faysal, waxaanu raaciyay in uu sheegashadiisa  caddayn u hayo.

Marka laga yimaado eedaynta guddoomiyaha, madaxweynaha Somaliland ayaa deg deg usoo magacaabay xubnaha cusub ee guddida doorashooyinka maalmo yar kadib markii guddidii hore is casishay, wuxuuna hay'addaha kale ee xubnaha ku leh ugu baaqay in ay deg deg xubnahooda u keenaaan, isla markiibana golaha wakiilada ayuu u gudbiyay.

Abdilahi Geel-maal, Hiiraan Online
[email protected]












Click here
6/21/2022 3:08 PM EST
Talaado, Juun, 21, 2022 (HOL) - Cayaaryahanka Romelu Lukaku ayaa dib ugu soo laabtay Inter Milan ka dib markii kooxda reer Talyaani ay wadahadalo muuqaal ah oo saddex saacadood qaatay ay la yeelatay kooxda Chelsea.

6/21/2022 12:44 PM EST
Talaado, Juun, 21, 2022 (HOL) - Kooxda Futsal ee dalka Morocco ayaa 16-0 kaga badisay kooxda Futsalka Soomaaliya oo ay wada cayaareen koobka Futsal ee wadamada Carabta, kaas oo ka socda Saudi Arabia.

6/21/2022 7:52 AM EST
Talaado, Juun, 21, 2022 (HOL) - Maxkamadda Ciidamada qalabka ee Puntland ayaa maanta dil toogasho ah ku xukuntay 4 kamid ah shabakad katirsan Alshabaab, kuwaas oo qaraxyo iyo dilal madax jabis ah ka geysan jirey Boosaaso.

6/21/2022 7:44 AM EST
Talaado, Juun, 21, 2022 (HOL) - Kadib kulan ay yeesheen madaxweynaha Somaliland Muuse Biixi Cabdi iyo guddidii isku xilqaantay xalinta khilaafka doorashada, ayaa isku afgartay in qorshaynta howsha xalinta khilaafka loo daayo golaha guurtida.

6/21/2022 3:09 AM EST
Talaado, Juun, 21, 2022 (HOL) - Wasiirka caafimaadka maamulka Puntland, Jaamac Faarax Xasan ayaa xaqiijiyay in la lunsaday 300 kartoon oo ay ku jireen Buskutka Plumpy Nut, oo loo isticmaalo in lagu daweeyo nafaqo-xumada ba'an ee carruurta yaryar.

6/21/2022 1:57 AM EST
Talaado, Juun, 21, 2022 (HOL) - Warar dheeraad ah ayaa kasoo baxaya qarax Xalay ka dhacay Tabeelaha Sheekh Ibraahin ee duuleedka magaalada Muqdisho.

6/21/2022 1:48 AM EST
Talaado, Juun, 21, 2022 (HOL) - Maxkamada ciidamada qalabka sida ee Puntland ayaa lasoo taagay afar nin oo ku eedeysan inay katirsanaayeen shabakad kooxaha Daacish iyo Ashabaab, kuwaas oo magaalada Bosaso ka geysan jiray qaraxyada iyo dilalka.

6/21/2022 12:48 AM EST
Talaado, Juun, 21, 2022 (HOL) - Maxamed Axmed Faarax (Aflahaar), oo ahaa guddoomiyihii xisbiga mucaaradka Somaliland ee UCID ee gobolka Sool, ayay dablay hubaysani xalay ku dileen magaalada Laascaanood.