3/28/2024
Today from Hiiraan Online:  _
Wararka Maanta- Isniin, Jun 20, 2022
Golaha Wakiilada Somaliland oo cod u qaaday guddida doorashooyinka ee cusub
 

Isniin, Juun, 20, 2022 (HOL) - Golaha Wakiilada Somaliland, ayaa codka kalsoonida siiyay 4 xubnood oo kamid ah 7 xubnood oo dhawaan losoo xulay in ay noqdaan Guddida Doorashooyinka Somaliland.

4-ta xubnood ee goluhu ogolaaday ayaa kala ah Faadumo Ismaaciil Cabdi oo golaha guurtidu soo magacaabeen waxayna heshay dhamaan codka 67 mudane oo fadhiga kasoo xaadiray, Cabdicasiis Xirsi Warsame oo xisbiga Waddani ka socda ayaa helay 49 cod,  Xuseen Cabdi Cali oo madaxweynuhu soo magacaabay ayaa helay 45 cod,  Ibraahin Aadan Cali oo xisbiga UCID soo magacaabay ayaa helay codadka 69 mudane oo marka fadhiyay.

3-da xubnood ee goluhu diiday ayaa  kala ah Muuse Xasan Yuusuf oo madaxweynaha Somaliland soo magacaabay oo helay 33 cod, Axmed Cismaan Xasan oo madaxweynuhu soo magacaabay oo helay 39 cod, Axmed Yuusuf Maxamed oo galaha guurtidu soo magacaabeen oo isna helay 39 cod.

Golaha ayaa ogolaaday labadii xubnood ee ay xisbiyada mucaaradku soo magacaabeen, xubin golaha guurtida ka socota iyo xubin madaxweynuhu soo magacaabay, waxaana codka kalsoonida waayay 2 xubnood oo kamid ah 3-dii xubnood ee madaxweynuhu magacaabay iyo xubin golaha guurtidu soo magacaabay.

Guddidan cusub ayaa si dhakhso ah losoo magacabay kadib markii ay dhawaan gabi ahaanba meesha ka baxday guddidii hore ee doorashooyinka Somaliland, khilaaf xubnaha soo kala dhexgalay awgii.

Abdilahi Geel-maal, Hiiraan Online
[email protected]












Click here
6/20/2022 10:55 AM EST
Isniin, Juun, 20, 2022 (HOL) - Sida ay Warbaahinta u sheegeen dad goob joogayaal ah, ku dhawaad 300 oo qof oo Axmaaro u badan ayaa lagu dilay dalka Itoobiya, gaar ahaan degaanka Oromiya, goobta lagu magacaabo Gimbi oo ay degaan qawmiyadda Axmaaradu, waxaana lagu eedeeyay Jabhadda Oromada ah ee OLA.

6/20/2022 10:10 AM EST
Isniin, Juun, 20, 2022 (HOL) - Ergeyga gaarka ah ee Madaxweynaha Soomaaliya u qaabilsan Arrimaha Bani'aadannimada iyo gurmadka Abaaraha, Xildhibaan Cabdiraxmaan Cabdishakuur Warsame ayaa safar shaqo maanta ku tagay magaalada Doolow ee gobolka Gedo.

6/20/2022 7:43 AM EST
Isniin, Juun, 20, 2022 (HOL) - Wasiirka maaliyadda Soomaaliya, Cabdiraxman Ducaale Beyle, ayaa been abuur ku tilmaamay in qasbada dowladda ay ka buuxdo lacago badan oo ay ka tagtay dowladdii uu katirsanaa.

6/20/2022 6:26 AM EST
Isniin, Juun, 20, 2022 (HOL) - Dowladda Soomaaliya iyo dowladda Shiinaha ayaa maanta Muqdisho ku kala saxiixday heshiis gargaar loogu soo dhoofinayo Soomaaliya.

6/20/2022 4:48 AM EST
Isniin, Juun, 20, 2022 (HOL) - Wararka ka imaanaya degmada Ceelbuur ee gobolka Galgaduud ayaa sheegaya in dagaalamayaasha Al-shabaab si xoog ah kula wareegtay maamulka Isbitaalka guud ee degmada Ceelbuur, halkaas oo ay dhigeen dhaawacyo aad u badan oo dagaalyahano ka tirsan Shabaab ka soo gaaray dagaalkii dhawaan ka dhacay deegaanka Baxdo.

6/20/2022 2:13 AM EST
Isniin, Juun, 20, 2022 (HOL) - Xisbiga mucaaradka Somaliland ee Waddani, ayaa waxba kama jiraan ku tilmaamay eedaynta Booliiska Somaliland ee ah in madaxda xisbigu ay qorteen ilaalo shacab hubaysan ah.

6/20/2022 2:03 AM EST
Isniin, Juun, 20, 2022 (HOL) - Wararka ka imaanaya degmada Maxaas ee gobolka Hiiraan ayaa sheegaya in halkaasi ay ka jirto xaalada nafaqadaro ah oo mareysa heerkii ugu darnaa abid.

6/20/2022 1:34 AM EST
Isniin, Juun, 20, 2022 (HOL) - Madaxweyne ku xigeenka maamulka Puntland Axmed Karaash, ayaa u diiday inuu shir kala qeyb galo wasiirka arrimaha gudaha Puntland, Maxamed Cabdiraxmaan Dhabancad oo kamid ahaa saddexdii wasiir ee uu xilka ka qaaday 5tii bishii may.