10/1/2022
Today from Hiiraan Online:  _
Wararka Maanta- Sabti, July 30, 2022
Ciidanka dowladda oo sheegay iney howlgal ku dileen horjoogahii Al-shabaab ee degmada Bardaale iyo 7 xubnood oo kale
 

Sabti, Luulyo, 30, 2022 (HOL) - Ciidamada dowladda Soomaaliya iyo kuwa maamulka Koonfur Galbeed oo is kaashanaya ayaa howgalo qorsheysan oo ay ka sameeyeen deegaano hoostaga degmada Bardaale ee gobolka Baay, waxay sheegeen iney ku dileen sideed xubnood oo ka mid ah dagaalyahanada Shabaab.

Howlgalka ayaa la sheegay in ciidamada ay si gaar ah uga sameeyeen deegaanka lagu magacaabo Toosweyne oo 18 KM u jira degmada Bardaale ee gobolka Baay, waxaana halkaasi ka dhacay dagaal xoogan oo dhexmaray ciidankii dowladda iyo kuwa Koonfur Galbeed oo iskaashanaya iyo Al-shabaabkii ku sugnaa deegaankaasi.

Sarkaal ka tirsan ciidanka dowladda Soomaaliya oo lagu magacaabo Ceydaruus Cabdullaahi oo la hadlay warbaahinta Qaranka ayaa sheegay in howlgalka ay ku dileen 8 xubnood oo ka mid ah dagaalamayaasha Shabaab oo uu ku jiray horjoogahii Shabaab u qaabilsana dhanka howlgalada degmada Bardaale iyo nawaaxigeeda oo uu magaciisa ku sheegay Xasan Ibraahin Aweys.

"Howlgalkeena waxa uu ahaa mid qorsheysan oo aan ku dooneynay inaan deegaanka kaga saarno Al-shabaab, deegaanka Toosweyne ayaa howlgalka ka fulinay waxaana halkaasi ku dilnay 8 xubnood oo uu ku jiray horjoogahii Shabaab u qaabilsana dhanka howlgalada degmada Bardaale iyo nawaaxigeeda Xasan Ibraahin Aweys" ayuu yiri Ceydaruus Cabduullahi oo ka mid ahaa saraakiisha howlgalkaasi hoggaamineysay.

Waxuu intaasi ku daray in ciidanka dowlada iyo kuwa Koonfur Galbeed ay haatan si wadajir ah gacanta ugu hayaan deegaanka Toosweyne, islamarkaana ay sii joogi doonan ayna sii wadayaan howlgalada ay Shabaab kaga saarayaan deegaanada gobolka Baay oo xiligaan inta badan ay ka jiraan abaaro aad u baahsan.

Jamaal Cali Cabdi, Hiiraan Online
[email protected]












Click here
7/30/2022 5:36 PM EST
Sabti, Luulyo, 30, 2022 (HOL) - Afhayeenka madaxtooyada Soomaaliya ayaa raali galin iyo cudur daar ka bixiyay hadal uu warbaahinta kasii daayay oo uu ku beeninayay inay madaxweynayaasha Soomaaliya iyo Masar ay kawada hadleen muranka webiga Nile.

7/30/2022 5:27 PM EST
Sabti, Luulyo, 30, 2022 (HOL) - Ciidanka Booliiska Somaliland, ayaa xisbiyada mucaaraka Somaliland uga digay in ay qabtaan mudaharaad anay ogolaansho u haysan.

7/30/2022 12:17 PM EST
Sabti, Luulyo, 30, 2022 (HOL) - Diyaaradii ugu horeysay oo sida Rakaab ayaa Maanta ka degtay garoon diyaaradeed markii ugu horeysay abid laga hirgaliyay magaalada Galdogob ee gobolka Mudug, taasoo ka ambabaxay garoonka diyaaraaha Aadan Cadde ee magaalada Muqdisho.

7/30/2022 11:03 AM EST
Sabti, Luulyo, 30, 2022 (HOL) - Wada-hadallo waqti dheer qaatay ayaa goor dhow usoo gabagaboobay Madaxweyne Xasan Sheekh Maxamuud iyo Ra’iisul wasaare , Xamse Cabdi Barre , sida ay HOL u sheegeen xubno ku dhow madaxtooyadda.

7/30/2022 10:43 AM EST
Sabti, Luulyo, 30, 2022 (HOL) - Madaxweynaha maamul goboleedka Galmudug Axmed Cabdi Kaariye Qoorqoor ayaa Maanta Madaxtooyada maamulka Galmudug ku qaabilay Danjiraha Qaramada Midoobay u qaabilsan Soomaaliya James swan oo Maanta gaaray magaalada Dhuusamareeb ee xarunta gobolka Galgaduud.

7/30/2022 9:52 AM EST
Sabti, Luulyo, 30, 2022 (HOL) - Madaxweynaha dowlad goboleedka Jubbaland Axmed Maxaned Islaam Axmed Madoobe ayaa ka tacsiyadeeyay geeridii ku timid Allah u naxariistee wasiirkii Arimaha gudaha iyo dib u heshiisiinta maamulka Jubbaland Maxamed Warsame Darwiish oo ku dhintay dalka Jarmalka.

7/30/2022 8:32 AM EST
Sabti, Luulyo, 30, 2022 (HOL) - Madaxweynaha Soomaaliya, Xasan Sheikh Maxamuud ayaa ugu baaqay shacabka Muqdisho inaysan hay’adda amniga ku faro galin gudashada waajibaadkooda shaqo.

7/30/2022 2:50 AM EST
Sabti, Luulyo, 30, 2022 (HOL) - Sii hayaha wasiirka maaliyadda Soomaaliya, Cabdiraxmaan Ducaale Beyleh, ayaa u mahad celiyay Bangiga Adduunka oo dowladda Soomaaliya u ansixiyay $100 milyan oo doolar oo kaalmo miisaaniyadeed ah.

7/30/2022 2:35 AM EST
Sabti, Luulyo, 30, 2022 (HOL) - Afhayeenka howlgalada Al-Shabaab, Cabdicasiis Abuu Muscab ayaa kasoo hadlay Idaacadda Andalus ee ku hadasha afka Al Shabaab, xilli dowladda Ethiopia ay sheegtay inay ku dishay dagaaladii shalay ka dhacay gobolka Bakool.

7/30/2022 2:32 AM EST
Sabti, Luulyo, 30, 2022 (HOL) - Warbaahinta ku hadasha Afka dowladda Itoobiya ayaa tabisay in Ciidamada Cirka ee Itoobiya oo qayb ka ahaa dagaalka ka dhanka ah Kooxda Al Shabaab ay duqeyn ay ka gaysteen xuduudda Itoobiya iyo Soomaaliya ay ku dileen Saraakiil ay ku sheegeen inay kamid ahaayeen Kooxda Al Shabaab.