3/19/2024
Today from Hiiraan Online:  _
Wararka Maanta- Jimco, Jan 7 , 2022
Faysal Cali Waraabe: "Waan hambalyaynayaa raysal wasaare Rooble"
 

Jimco, January, 7, 2022 (HOL) - Guddoomiyaha Xisbiga UCID Faysal Cali Waraabe, ayaa Raysal Wasaaraha Soomaaliya Maxamed Xuseen Rooble, iyo dadka reer Muqdisho ku hambalyeeyay mucaaradada ay kala horyimaadeen xukunka madaxweyne Farmaajo.

"Waxaan u hambalyaynayaa nimankii reer Muqdisho oo kusoo baxay ninkii Farmaajo, waan hambalyaynayaa raysal wasaarahaas guddi ayuu sameeyay, baadha inqilaabkii uu isku dayay 27 December" ayuu yidhi Faysal.

Faysal ayaa raysal wasaare Rooble ku booriyay in aanu is dhiibin, oo uu ku adkaysto guddida uu u saaray in qilaabka la sheegay in Farmaajo la damacsanaa.

"Waxan ku leeyahay ha is dhiibin nimankan reer Muqdisho mar mar ayay koran noqdaan oo ay cararaane, maanta baarqab noqo oo guddidaa ku adkaysta oo ninka iska qabta ayaan idin leeyahay" ayuu yidhi Faysal.

Faysal ayaa raysal wasaaraha faray in uu Muqdisho kasoo saaro siyaasiyiinta reer Somaliland hadii ay isaga taageeri waayaan "Kuwa anaga naga soo jeeda ee idiin martida ahna haday codka meel kale mariyaan iska soo erya, anagana xagan xabsi ayaa u diyaar ahe".

Abdilahi Geel-maal, Hiiraan Online
[email protected]














Click here
1/7/2022 3:43 PM EST
Jimco, Janaayo, 7, 2022 (HOL) - Madaxweyne Farmaajo ayaa Bangiga Dhexe ku amray inaan laga bixin qasnada lacag $9.6 milyan oo ay Dowladda Imaaraadka leedahay.

1/7/2022 1:54 PM EST
Jimco, Janaayo, 7, 2022 (HOL) - Shirka Golaha wadatashiga Qaranka ee u dhaxeeya Raysal wasaaraha Soomaaliya, shanta madaxweyne goboleed iyo guddoomiyaha gobolka Banaadir ayaa goordhaw oo Caawa ah dib uga bilaawday Hotelka Decale ee magaalada Muqdisho.

1/7/2022 1:47 PM EST
Jimco, Janaayo, 7, 2022 (HOL) - Siyaasiyiin caan ah oo uu kamid yahay Jawhar Maxamed ayaa dib xoriyadoodii u helay, kaddib markii ay muddo dheer ku jireen xabsi ku yaal Addis Ababa.

1/7/2022 10:19 AM EST
Jimco, Janaayo, 7, 2022 (HOL) - Golaha Midowga Musharaxiinta Madaxweynaha Soomaaliya ayaa ku bogaadiyay Raysal wasaaraha Soomaaliya Maxamed Xuseen Rooble dadaalka uu ku doonayo inuu dib usoo celiyo xiriirkii istaraatijiga ahaa ee ka dhaxeeyay dowladaha Soomaaliya iyo Imaaraadka Carabta oo ay sheegeen in la xumeeyay sanadahii u dambeeyay.

1/7/2022 8:04 AM EST
Jimco, Janaayo, 7, 2022 (HOL) - Raysal wasaaraha Xukuumadda xilgaarsiinta Soomaaliya Maxamed Xuseen Rooble ayaa maanta raali galin ka bixiyay dhacdadii dowladda Imaaraadka Carabta loogala wareegay lacag gaareysay sagaal Milyan bishii April ee sanadkii 2018, taasoo lagu qabtay gudaha garoonka Aadan Cadde ee magaalada Muqdisho.

1/7/2022 6:36 AM EST
Jimco, Janaayo, 7, 2022 (HOL) - Gaari ay saarnayeen ciidamo ka tirsan Militariga dowladda Soomaaliya ayaa barqanimadii Maanta lagula beegsaday qarax miino oo ahaa nooca meelaha fog fog laga hago inta u dhaxeysa magaaloyinka Dhuusamareeb iyo Ceeldheere.

1/7/2022 1:24 AM EST
Jimco, Janaayo, 7, 2022 (HOL) - Ciidamada Kumaandooska Soomaaliya ee DANAB, gaar ahaan Ururka 4-aad ee guutada 16-aad ayaa howgalo qorsheysan waxay ka sameeyeen deegaano ka tirsan gobolka Sh/dhexe.

1/7/2022 1:16 AM EST
Jimco, Janaayo, 7, 2022 (HOL) - Wararka ka imaanaya deegaanka Baxdo ee gobolka Galgaduud oo ka mid ah deegaanada hoostaga degmada Cadaado ayaa sheegaya in aroornimadii hore ee saakay dagaalamayaasha Al-shabaab ay dagaal kula wareegeen qeybo ka mid ah deegaankaasi.

1/7/2022 1:09 AM EST
Jimco, Janaayo, 7, 2022 (HOL) - Madaxwaynaha dowlad degaanka Soomaalida Itoobiya Mustafe cagjar oo maanta ka qayb galay xus ay isugu yimaadeen taageerayaasha Ururka Dulmidiid, ayaa waxa uu ka hadlay xaaladda abaaraha ee dowlad degaanka Soomaalida ka jirta.