3/28/2024
Today from Hiiraan Online:  _
Wararka Maanta- Jimco, Jan 7 , 2022
Madaxwayne Mustafe cagjar " Abaarta Ilaahay ayaa keena, laakiin ka jawaabideedu waa masuuliyad ina wada saaran"

Jimco, Janaayo, 7, 2022 (HOL) - Madaxwaynaha dowlad degaanka Soomaalida Itoobiya Mustafe cagjar oo maanta ka qayb galay xus ay isugu yimaadeen taageerayaasha Ururka Dulmidiid, ayaa waxa uu ka hadlay xaaladda abaaraha ee dowlad degaanka Soomaalida ka jirta.

Madaxwaynuhu wuxuu sheegayay in xukuumaddiisu ay 100% diyaar u tahay inay ka jawaabto xaaladda abaaraha ee degaanka ka jirta, isagoo xusay in wakhti xaadirkan ay inta badan dowladdu wado hawlaha gurmadka abaaraha ee ka socda meelo badan oo kamid ah dowlad degaanka Soomaalida.

Waxa kale oo uu sheegay Madaxwaynuhu in sawaxankan badan ee socdaayi ee abaaraha ku saabsan uu isugu jiro marka laga yimaaddo in abaar darani degaankii ka jirto, in sidoo kale ay jiraan dal daloolooyin ka jira dhanka maamulka oo ah qaabka looga jawaabay abaaraha, oo uu Madaxwaynuhu sheegay inay jiri karaan in meelaha qaar aan sidii la rabay wax loo gaarsiinin, iyo waliba inay jirto dad isugu jira maamul iyo ganacsato rabta inay ka taajiraan hawlaha gurmadka abaaraha.

Madaxwaynuhu waxa uu sidoo kale sheegay inay jirto lacago kale oo ilaa 5 boqol oo milyan oo Birr ah, taas oo uu sheegay inay tahay dayn lagaga jawaabi doono abaaraha.

Ugu dambayn, Madaxwaynuhu wuxuu sheegay in Abaarta iyo biyo la'aanta uu Ilaahay keeno, balse masuuliyadeedu waa mid ina wada saaran, waa siduu hadalka u dhigay Madaxwaynuhu.

Hadallada Madaxwaynaha ayaa u muuqday kuwo jawaab u ahaa dhaliilo badan oo Madaxwaynaha loo soo jeedinayay maalmahan, kuwaas oo ku saabsanaa qaabkii uu uga jawaabay hawlaha gurmadka abaaraha.

Abdilahi Jawhar, Hiiraan Online
[email protected]












Click here
1/7/2022 3:43 PM EST
Jimco, Janaayo, 7, 2022 (HOL) - Madaxweyne Farmaajo ayaa Bangiga Dhexe ku amray inaan laga bixin qasnada lacag $9.6 milyan oo ay Dowladda Imaaraadka leedahay.

1/7/2022 1:54 PM EST
Jimco, Janaayo, 7, 2022 (HOL) - Shirka Golaha wadatashiga Qaranka ee u dhaxeeya Raysal wasaaraha Soomaaliya, shanta madaxweyne goboleed iyo guddoomiyaha gobolka Banaadir ayaa goordhaw oo Caawa ah dib uga bilaawday Hotelka Decale ee magaalada Muqdisho.

1/7/2022 1:48 PM EST
Jimco, January, 7, 2022 (HOL) - Guddoomiyaha Xisbiga UCID Faysal Cali Waraabe, ayaa Raysal Wasaaraha Soomaaliya Maxamed Xuseen Rooble, iyo dadka reer Muqdisho ku hambalyeeyay mucaaradada ay kala horyimaadeen xukunka madaxweyne Farmaajo.

1/7/2022 1:47 PM EST
Jimco, Janaayo, 7, 2022 (HOL) - Siyaasiyiin caan ah oo uu kamid yahay Jawhar Maxamed ayaa dib xoriyadoodii u helay, kaddib markii ay muddo dheer ku jireen xabsi ku yaal Addis Ababa.

1/7/2022 10:19 AM EST
Jimco, Janaayo, 7, 2022 (HOL) - Golaha Midowga Musharaxiinta Madaxweynaha Soomaaliya ayaa ku bogaadiyay Raysal wasaaraha Soomaaliya Maxamed Xuseen Rooble dadaalka uu ku doonayo inuu dib usoo celiyo xiriirkii istaraatijiga ahaa ee ka dhaxeeyay dowladaha Soomaaliya iyo Imaaraadka Carabta oo ay sheegeen in la xumeeyay sanadahii u dambeeyay.

1/7/2022 8:04 AM EST
Jimco, Janaayo, 7, 2022 (HOL) - Raysal wasaaraha Xukuumadda xilgaarsiinta Soomaaliya Maxamed Xuseen Rooble ayaa maanta raali galin ka bixiyay dhacdadii dowladda Imaaraadka Carabta loogala wareegay lacag gaareysay sagaal Milyan bishii April ee sanadkii 2018, taasoo lagu qabtay gudaha garoonka Aadan Cadde ee magaalada Muqdisho.

1/7/2022 6:36 AM EST
Jimco, Janaayo, 7, 2022 (HOL) - Gaari ay saarnayeen ciidamo ka tirsan Militariga dowladda Soomaaliya ayaa barqanimadii Maanta lagula beegsaday qarax miino oo ahaa nooca meelaha fog fog laga hago inta u dhaxeysa magaaloyinka Dhuusamareeb iyo Ceeldheere.

1/7/2022 1:24 AM EST
Jimco, Janaayo, 7, 2022 (HOL) - Ciidamada Kumaandooska Soomaaliya ee DANAB, gaar ahaan Ururka 4-aad ee guutada 16-aad ayaa howgalo qorsheysan waxay ka sameeyeen deegaano ka tirsan gobolka Sh/dhexe.

1/7/2022 1:16 AM EST
Jimco, Janaayo, 7, 2022 (HOL) - Wararka ka imaanaya deegaanka Baxdo ee gobolka Galgaduud oo ka mid ah deegaanada hoostaga degmada Cadaado ayaa sheegaya in aroornimadii hore ee saakay dagaalamayaasha Al-shabaab ay dagaal kula wareegeen qeybo ka mid ah deegaankaasi.