10/7/2022
Today from Hiiraan Online:  _
Wararka Maanta- Arbaco, Aug 3 , 2022
Culimada Deegaanka Soomaalida: Alshabaab waa munkarkii ugu weynaa, waa in lala dagaalamo oo la suulliyo
 

Arbaco, Agoosto, 3, 2022 (HOL) - Culimada dowlad deegaanka Soomaalida, ayaa kullan ay isugu yimaadeen oo uu goob joog ka ahaa madaxweyne Mustafe Cagjar, waxay ku cambaareeyeen duullaankii ururka Alshabaab uu kusoo qaaday gobolka Afdheer.

Culimada ayaa bayaan ay soo saareen ku sheegay, inay taageersan yihiin una hambal- yaynayaan guushii ciidamada Liyuu Booliisku ka gaareen howlgalkii ka dhanka ahaa Al-shabaab.

Waxaa kale oo culimadu ay ku baaqeen in Alshabaab lala dagaalamo oo laga suuliyo deegaanka, waxayna ku tilmaameen munkarkii ugu weynaa ee dhaca, sida ay sheegeen.

Culimada dowlad deegaanku waxay bulshada ugu baaqeen in ay ka digtoonaadaan waxay ugu yeereen, falalka gurracan iyo fikirrada khaldan ee ay xambaarsan tahay Al-shabaab.

Madaxweynaha dowlad deegaanka Soomaalida, Mustafe Muxumed Cagjar ayaa uga mahad celiyay culimada sida ay u caddeeyeen mowqifkooda ku aadan dagaalka Alshabaab.

Mustafe Cagjar wuxuu caddeeyay inay 100% ku guulaysteen inay ka hortagaan damacii Alshabab. Waxa uu qiray taageerada bulshadu inay qeyb weyn ka ahayd in laga guulaysto Alshabaab, islamarkaana muddo kooban lagusoo afjaro duullaankii ay soo qaadeen.

“Waxaan bogaadinayaa kaalinta ay culimadu ka qaadatay ka falcelintii weerarkii gardarrada ahaa, ee nimankaas argigixisada ah ee Alshabaab, kusoo qaadeen deegaanka. Runtii culimadu waxay kamid yihiin shacabka deegaanka ee muujiyay dareenkooda ay ku diidan yihiin fikirkaas oo hadhow keeni kara in lagu xallaalaysto dhiiggooda, sida walaalaheenna Soomaaliya ay ugu dulloobeen,”ayuu yiri madaxweyne Mustafe Cagjar.

Mustafe Cagjar wuxuu sheegay amni ahaan inay xoojinayaan xaduudaha deegaankiisa, si looga hortago in Alshabaab mar kale ay soo qaadaan weerar midkii hore lamid ah.















Click here
8/3/2022 11:14 AM EST
Arbaco, Ogosto, 3, 2022 (HOL) - Xisbiga mucaaradka Somaliland ee UCID, ayaa Booliiska Somaliland ku eedeeyay in uu baal maray xeerka booliiska lagu dhaqo.

8/3/2022 9:38 AM EST
Arbaco, Agoosto, 3, 2022 (HOL) - Xildhibaanada Baarlamaanka Maamul goboleeda Hirshabeelle oo Maanta kulan ku yeeshay magaalada Jowhar ayaa ansixiyay xubnaha Golaha Wasiiradda Hirshabeelle oo laba cesho ka hor uu magacaabay madaxweynaha Maamulkaasi Cali Guudlaawe Xuseen.

8/3/2022 7:23 AM EST
Arbaco, Ogosto, 3, 2022 (HOL) - Xukuumada Somaliland ayaa xisbiyada mucaaradka uga digtay in ay dhigaan mudaharaad anay ogolaansho u haysan.

8/3/2022 7:16 AM EST
Arbaco, Ogosto, 3, 2022 (HOL) - Xukuumada Somaliland ayaa beenisay war ay warbaahinta Somali Dispatch, ku sheegtay in xukuumada Somaliland si qasab ah ku masaafurisay 34 qof oo Itoobiyaan ah.

8/3/2022 7:06 AM EST
Arbaco, Agoosto, 3, 2022 (HOL) - Hay’adda dambi baarista dalka Kenya ayaa waxay gacanta ku dhigtay nin si aad ah looga baadi goobayay Kenya.

8/3/2022 5:32 AM EST
Arbaco, Agoosto, 3, 2022 (HOL) - Wararka ka imaanaya deegaanka Golweyn oo ka mid ah deegaanada hoostaga degmada Buulo mareer ee gobolka Sh/hoose ayaa sheegaya in Saakay uu halkaasi ka dhacay dagaal xoogan oo dhexmaray ciidanka ATMIS gaar ahaan kuwa ka socda dalka Uganda iyo dagaalamayaal ka tirsan Al-shabaab.

8/3/2022 2:42 AM EST
Arbaco, Agoosto, 3, 2022 (HOL) - Warbaahinta caalamka ayaa si weyn u hadal haysa in Mukhtaar Roobow Abuu Mansuur oo horey uga tirsanaan jiray Alshabab, uu kamid noqdo golaha cusub ee wasiiradda Soomaaliya.

8/3/2022 2:16 AM EST
Arbaco, Agoosto, 3, 2022 (HOL) - Haweeney Soomaali ah, oo haysata dhalashadsa Holland ayaa lagu xukumay saddex sano oo xarig ah, kadib markii lagu soo eedeeyay inay lacago boqolaal dollar ah ugu deeqday kooxda Al-Shabaab.