12/2/2022
Today from Hiiraan Online:  _
Wararka Maanta- Jimco, Sept 30, 2022
Gedo: In ka badan 10 qof oo shacab ah oo lagu dilay goob Ceel laga qodayay
 

Jimco, September, 30, 2022 (HOL) - Ugu yaraan 12 qof oo shacab ah ayaa lagu dilay iyagoo ku sugnaa goob Ceel biyood laga qodayay oo kutaala deegaanka Gariley oo u dhaxeeya degmooyinka Baardheere iyo Ceelwaaq ee gobolka Gedo.

Dabley la rumaysan yahay inay katirsan yihiin Alshabaab ayaa falkaan ka dambeeyay, iyagoo sidoo kale gubay  gaarigii Riiga ahaa iyo dhaman alaabtii lagu qodayay ceelka sida aan kasoo xiganay dad goob joogayaal ah.

Arrinta la yaabka leh ee lasoo tebiyay ayaa ah, in Injineeradda ceelka qodayay iyo shacabkii la socday dhammantood dab la qabad siiyay oo la gubay.

Lama oga sababta ka dambeysa in dad shacab ah oo aan waxba galabsan sidaas loo laayo. Waxayna arrintaan ay kusoo aaday xilli maalmihii ugu dambeeyay gobolka Gedo uu ka socday howlgallo ka dhan ah kooxda Alshabaab.

Falka nuucaan oo ah ayaa horey uga dhacay Hiiraan iyo Galgaduud, waana midda keentay kacdooonka haatan loogasoo horjeedo Alshabaab.












Click here
9/30/2022 8:47 AM EST
Jimco, September, 30, 2022 (HOL) - Madaxweynaha Soomaaliya Xasan Sheekh Maxamuud ayaa ka tacsiyeeyay geerida ku timid taliyihii qaybta guud ee Booliiska gobolka Banaadir Sarreeye Guuto Farxaan Maxamuud Aadan iyo 4 askari oo ka tirsan ciidanka xoogga Dalka oo ku geeriyooday Qarax miino oo lagula eegtay deeganno ka tirsan Shabeellaha Dhexe.

9/30/2022 5:31 AM EST
Jimco, September, 30, 2022 (HOL) - Taliyihii ciiddanka Booliiska gobolka Banaadir, Farxaan Maxamuud Aadan (Farxaan Qaroole) ayaa ku geeriyooday qarax miino oo lagula eegtay deegaanka Basra, halkaas oo saakay ciidamada dowladda kala wareegeen Alshabaab.

9/30/2022 4:44 AM EST
Jimco, September, 30, 2022 (HOL) - Wararka ka imaanaya dowlad degaanka Soomaalida ayaa sheegaya in dagaal culus oo Soomaalida iyo Oromada u dhaxeeya, uu saaka mar kale ka qarxay degmada Gurra dhaamoole oo ka tirsan gobolka Liibaan ee dowlad degaanka Soomaalida.

9/30/2022 4:38 AM EST
Jimco, September, 30, 2022 (HOL) - Wasaaradda warfaafinta Soomaaliya ayaa sheegtay in shan dagaalame oo katirsan kooxda Alshabaab lagu dilay howlgal qorshaysan oo ciidamada dowladdu kula wareegeen tuulada Basra ee gobolka Shabeeladda dhexe.

9/30/2022 4:27 AM EST
Jimco, September, 30, 2022 (HOL) - Madaxweynaha dowladda Soomaaliya Xasan Sheikh Maxamuud iyo raysal wasaaraha dalka Ethiopia Abiy Ahmed oo muddo labo maalmood ah wada hadal uga socday magaalada Addis Ababa ayaa gaaray heshiis is-afagarad ah oo ku qotoma xoojinta xiriirka labada dal.

9/30/2022 4:20 AM EST
Jimco, September, 30, 2022 (HOL) - Hoggaamiyaha Ahlu sunna Wal-jameeca Sheekh Maxamed Shaakir ayaa sheegay inay dowladda Soomaaliya kula jiraan wada hadal ku saabsan sidii ay isaga kaashan lahaayeen dagaalka Alshabaab.

9/30/2022 2:12 AM EST
Jimco, September, 30, 2022 (HOL) - Ciidanka xoogga dalka Soomaaliya ayaa saakay si buuxda ula wareegay deegaanka Basra ee gobolka Shabeellaha Dhexe, kadib markii ciidamadu howlgal qorsheysan ay hiirtii waaberi ka fuliyeen Basra.

9/30/2022 1:34 AM EST
Jimco, September, 30, 2022 (HOL) - Xeer ilaaliyaha guud ee dowladda federalka Soomaaliya Saleeebaan Maxamed Maxamuud ayaa sheegay inay dowladda Soomaaliya dabagal ku hayso shaqsiyaad ku eedeysan inay maalgalin u sameeyaan kooxda Alshabaab.