12/5/2022
Today from Hiiraan Online:  _
Wararka Maanta- Khamiis, Sept 29, 2022
Xasan Shire Abgaal: Waxaan ku baaqayaa in Puntland laga badbaadiyo madaxweyne Deni
 

Khamiis, September, 29, 2022 (HOL) - Wasiirkii hore ee maaliyadda maamulka Puntland, Xasan Shire Abgaal ayaa sheegay inay Puntland u baahan tahay in laga badbaadiyo halka uu ku wado madaxweyne Deni.

Xasan Shire Abgaal oo maanta xilka wareejiyay,  ayaa ku tilmaamay sababta xilka looga qaaday inay ahayd, kadib markii isaga iyo madaxweyne Deni ay isku qabteen doorashada 12 degmo oo oo Deni uu doonayo in la qabto ka hor inta aan la gaarin doorashada madaxtinimada 2024.

Wasiirkii hore ee maaliyadda wuxuu sidoo kale sheegay inay madaxweyne Deni isku maandhaafeen tartankii doorashada madaxweynaha Soomaaliya oo uu tilmaamay inay salluug ka qabeen dadka Reer Puntland.

Abgaal oo kamid ahaa saaxiibada dhow ee madaxweyne Deni iyo ragga ugu awoodda badnaa golaha wasiiradda, ayaa ugu baaqay madaxweyne ku xigeenka, Axmed Karaash iyo golaha wakiiladda inay badbaadiyaan Puntland.

Madaxweyne Deni ayaa todobaadkii hore shaqada ka eryay wasiir Abgaal iyo dhowr xubnood oo kale oo katirsanaa golaha wasiiradda Puntland. halka kuwa kalena lagu sameeyay isku shaandhayn.

Xil ka qaadidiisa waxaa loo arkayay inay qeyb tahay qorshe uu madaxweyne Deni ku doonayo inuu meesha ka saaro cid kasta oo caqabad ku ah siyaasadiisa ku wajahan doorashada 2024.

Madaxweyne Deni ayay ka go'an tahay in ololaha doorashada soo socota uu ku galo qabashada in ka badan 10 degmo oo u qorshaysan inuu ka fuliyo doorasho shacabku codkooda kusoo dooranayaan golayaasha heer deegaan.

Xasan Shire iyo siyaasiyiin oo uu damac weyn laga jiro doorashada soo socota, ayaa la filayaa inay mucaaradnimo kala horyimaadeen doorashada nidaamka axsaabta badan.












Click here
9/29/2022 1:14 PM EST
Khamiis, September, 29, 2022 (HOL) - Wasiiru dowlaha wasaaradda arrimaha dibadda Soomaaliya Cali Maxamed Cumar ayaa sheegay inay caqabad ku tahay soo celinta kumannaanka askari ee ku maqnaa dalka Eritrea tan iyo markii ay soo dhameysteen tababar ciidan.

9/29/2022 10:52 AM EST
Khamiis, September, 29, 2022 (HOL) - Madaxweynaha dowladda Federaalka Soomaaliya Xasan Sheekh Maxamuud ayaa uga tacsiyeeyay shacabka Soomaaliyeed, gaar ahaan shacabka reer Hiiraan geeridii ku timid Nabaddoon Cilmi Hagar Guure oo uu sheegay inuu ka mid yahay halgameyaasha Soomaaliyeed ee u shahiiday difaaca dalkooda iyo dadkooda.

9/29/2022 10:29 AM EST
Khamiis, September, 29, 2022 (HOL) - Taliyaha ciidanka dhulka ee xoogga dalka Soomaaliyeed Jenaraal Maxamed Tahliil Biixi ayaa faahfaahin ka bixiyay khasaaraha dagaal culus oo Maanta ka dhacay deegaanka Ceel qooxle ee gobolka Hiiraan, kaasoo dhexmaray ciidanka dowladda iyo kuwa dadka deegaanka oo dhinac ah iyo Ururka Al-shabaab.

9/29/2022 6:21 AM EST
Khamiis, September, 29, 2022 (HOL) - Xukuumada Somaliland ayaa ku dhawaaqday in raad shidaal laga helay deegaanka Baha Dhamal oo u dhow caasimada Hargaysa.

9/29/2022 5:17 AM EST
Khamiis, September, 29, 2022 (HOL) - Wararka naga soo gaaraya deegaanka Ceel qooxle ee gobolka Hiiraan ayaa sheegaya in dagaal xoogan oo Maanta ka dhacay halkaasi in dadka ku dhintay uu ka mid noqday Allah u naxariistee Nabadoon Cilmi Hagar Guure oo ka mid ahaa Nabadoonada sida weyn caanka uga ahaa gobolka Hiiraan.

9/29/2022 3:39 AM EST
Khamiis, September, 29, 2022 (HOL) - Wararka ka imaanaya deegaanka Ceel qooxle oo qiyaastii 40 KM dhinaca bari kaga beegan degmada Moqokori ee gobolka Hiiraan ayaa sheegaya in halkaasi uu ka socdo dagaal culus oo u dhaxeeya ciidamada dowladda iyo ciidanka dadka deegaanka oo dhinac ah iyo kuwa Al-shabaab.

9/29/2022 3:17 AM EST
Khamiis, September, 29, 2022 (HOL) - Wasiirka Gaadiidka iyo Duulista Hawada Xukuumadda Federaalka Soomaaliya , Xil.Fardowsa Cismaan Cigaal ayaa kulan doceed la yeelatay dhigeeda Dalka Qatar, Mudane Jassim Saif Ahmed Al-Sulaiti iyo Madaxweynaha Hay’adda Duulista Hawada Dalka Imaaraadka Carabta, Sh. Ahmed bin Saeed Al Maktoum.

9/29/2022 1:06 AM EST
Khamiis, September, 29, 2022 (HOL) - Puntland ayaa sheegtay inay gacanta ku dhigtay dagaalamayaal katirsan Al-Shabaab, kuwaas oo loo maleynayo inay kasoo carareen howlgallada ka socda gobolada Hiiraan iyo Galgaduud.