12/2/2022
Today from Hiiraan Online:  _
Wararka Maanta- Khamiis, Sept 29, 2022
Soomaaliya oo dalalka Qatar iyo Imaaraadka Carabta iskaashi kala yeelanaysa Duulista Hawada
 

Khamiis, September, 29, 2022 (HOL) - Wasiirka Gaadiidka iyo Duulista Hawada Xukuumadda Federaalka Soomaaliya , Xil.Fardowsa Cismaan Cigaal ayaa kulan doceed la yeelatay dhigeeda Dalka Qatar, Mudane Jassim Saif Ahmed Al-Sulaiti  iyo Madaxweynaha Hay’adda Duulista Hawada Dalka Imaaraadka Carabta, Sh. Ahmed bin Saeed Al Maktoum.

Kulamadan ayaa looga hadlay iskaashiga dhinacyada, Gaadiidka dhulka ,cirka , Duulista Hawada , tababarada iyo horumarinta shuruucda.

“Dunidda maanta waxay boggaadinaysaa horumarka muddada yar aan sameynayno, balse hiigsigeenu intaa kuma filna, waxaan dooneynaa dalkeenna inuu noqdo kan u sarreeya waddamada gobolka.” Wasiir Fardowsa ayaa sida sheegtay.

Kulamadan ayaa qeyb ka ah kulan doceedyo ay Wasiirka  Gaadiidka iyo Duulista Hawada XFS , Xil. Fardowsa Cismaan la qaadaneyso wasiirrada , ururrada iyo wakiilada hay’adaha caalamiga ah ee ka qeybgalaya kalfadhiga 41-aad ee Golaha Hay’adda Duulista Hawada Adduunka ee ICAO.













Click here
9/29/2022 1:14 PM EST
Khamiis, September, 29, 2022 (HOL) - Wasiiru dowlaha wasaaradda arrimaha dibadda Soomaaliya Cali Maxamed Cumar ayaa sheegay inay caqabad ku tahay soo celinta kumannaanka askari ee ku maqnaa dalka Eritrea tan iyo markii ay soo dhameysteen tababar ciidan.

9/29/2022 10:52 AM EST
Khamiis, September, 29, 2022 (HOL) - Madaxweynaha dowladda Federaalka Soomaaliya Xasan Sheekh Maxamuud ayaa uga tacsiyeeyay shacabka Soomaaliyeed, gaar ahaan shacabka reer Hiiraan geeridii ku timid Nabaddoon Cilmi Hagar Guure oo uu sheegay inuu ka mid yahay halgameyaasha Soomaaliyeed ee u shahiiday difaaca dalkooda iyo dadkooda.

9/29/2022 10:29 AM EST
Khamiis, September, 29, 2022 (HOL) - Taliyaha ciidanka dhulka ee xoogga dalka Soomaaliyeed Jenaraal Maxamed Tahliil Biixi ayaa faahfaahin ka bixiyay khasaaraha dagaal culus oo Maanta ka dhacay deegaanka Ceel qooxle ee gobolka Hiiraan, kaasoo dhexmaray ciidanka dowladda iyo kuwa dadka deegaanka oo dhinac ah iyo Ururka Al-shabaab.

9/29/2022 6:21 AM EST
Khamiis, September, 29, 2022 (HOL) - Xukuumada Somaliland ayaa ku dhawaaqday in raad shidaal laga helay deegaanka Baha Dhamal oo u dhow caasimada Hargaysa.

9/29/2022 6:03 AM EST
Khamiis, September, 29, 2022 (HOL) - Wasiirkii hore ee maaliyadda maamulka Puntland, Xasan Shire Abgaal ayaa sheegay inay Puntland u baahan tahay in laga badbaadiyo halka uu ku wado madaxweyne Deni.

9/29/2022 5:17 AM EST
Khamiis, September, 29, 2022 (HOL) - Wararka naga soo gaaraya deegaanka Ceel qooxle ee gobolka Hiiraan ayaa sheegaya in dagaal xoogan oo Maanta ka dhacay halkaasi in dadka ku dhintay uu ka mid noqday Allah u naxariistee Nabadoon Cilmi Hagar Guure oo ka mid ahaa Nabadoonada sida weyn caanka uga ahaa gobolka Hiiraan.

9/29/2022 3:39 AM EST
Khamiis, September, 29, 2022 (HOL) - Wararka ka imaanaya deegaanka Ceel qooxle oo qiyaastii 40 KM dhinaca bari kaga beegan degmada Moqokori ee gobolka Hiiraan ayaa sheegaya in halkaasi uu ka socdo dagaal culus oo u dhaxeeya ciidamada dowladda iyo ciidanka dadka deegaanka oo dhinac ah iyo kuwa Al-shabaab.

9/29/2022 1:06 AM EST
Khamiis, September, 29, 2022 (HOL) - Puntland ayaa sheegtay inay gacanta ku dhigtay dagaalamayaal katirsan Al-Shabaab, kuwaas oo loo maleynayo inay kasoo carareen howlgallada ka socda gobolada Hiiraan iyo Galgaduud.