12/2/2022
Today from Hiiraan Online:  _
Wararka Maanta- Talaado, Sept 27, 2022
Dowladda Soomaaliya oo Maanta dalka dib ugu soo celisay dhalinyaro ku dhibaateysneed dalka Libya
 

Talaado, September, 27, 2022 (HOL) - Xafiiska Ergayga gaarka ah ee dib u soo celinta Muhaajiriinta iyo Carruurta ee dowladda Soomaaliya ayaa Maanta dalka dib ugu soo celiyey ilaa sagaal dhalinyaro ah oo sanado badan gacanta ugu jiray Magafaha dalka Liibiya oo ay kasoo baxsadeen, kadibna tagay xarunta Safaaradda Soomaaliya ee ku leedahay magaalada Tripoli si ay dalkooda dib ugu soo laabtaan.

Dhalinyarada Maanta dalka dib loogu soo celiyay waxaa garoonka diyaarradaha Aadan Cadde ee magaalada Muqdisho ku soo dhaweeyey Ergeyga gaarka ah ee Xuquuqda muhaajiriinta iyo carruurta dowladda Soomaaliya Maryan Yaasiin Xaaji Yuusuf iyo qaar ka mid ah ehelada dhalinyarada dalka dib loogu soo celiyay.

Qaar ka mid ah dhalinyarada oo la hadlay warbaahinta waxay sheegeen iney ku faraxsan yihiin iney Maanta dalkooda dib ugu soo laabteen, kadib mudo badan oo ay sheegeen iney dhibaatooyin badan ku haysatay dalka Liibiya.

"Waa ilaah mahadiis inaan dalkeyga maanta dib ugu soo laabtay wax walba waxaa ugu muhiimsan Xoriyada, waan u mahadcelinaya dowladdeena oo ka shaqeysay in dalka dib noogu soo celiso, waxaan ugu baaqaya dhalinyarada hada hamineysa iney Tahriibaan iney ka joogaan oo dalkooda aaminaan" ayuu yiri mid ka mid ahaa dhalinyarada dalka dib loogu soo celiyay.

Maryan Yaasiin Xaaji Yuusuf oo dhankeeda warbaahinta kula hadashay garoonka gudahiisa ayaa sheegtay iney u mahadcelineyso madaxweynaha iyo Raysal wasaaraha oo ay sheegtay iney dadaal badan ku bixiyeen badbaadada dhalinyaradan iyo in dalka dib loogu soo celiyo.

"Waxaan dadaal dheer ugu jirna in muwaadiniinta Somaaliyeed ee xabsiyada dalalka kala duwan ku jira iyo kuwa ku dhibaateysan ee ku xayiran dalalkaas inaan dalkooda dib ugu soo celino, waxaan kalo cadeynaya in Tahriibka uu yahay Musiibo oo ay ka waan toobaan dhalinyarada Soomaaliyeed" ayay tiri Danjire Maryan Yaasiin

Ma ahan markii ugu horeysay oo dalka Libiya laga keeno dhalinyaro Soomaaliyeed oo halkaasi ku dhibaateysan, hayeshee dhalinyarada Soomaaliyeed ayaana wax tusaale ah ka qaadan dhibaatoyinka ay sheegaan dhalinyarada tahriibka ah ee ayagoo dhibaateysan dalka dib loogu soo celiyo iyo waliba qatarta ay leedahay in la Tahriibo.












Click here
9/27/2022 5:51 PM EST
Talaado, September, 27, 2022 (HOL) - Wasiirka Gaadiidka iyo Duulista Hawada Xukuumadda Federaalka Soomaaliya, Xil. Fardowsa Cusmaan Cigaal iyo wafdi ay hoggaaminayso ee Dawladda Soomaaliya ayaa ka qeybgalay furitaanka shir weynaha caalamiga ah ee Hay’adda Duulista Hawadda Adduunka (ICAO).

9/27/2022 11:11 AM EST
Talaado, September, 27, 2022 (HOL) - Madaxweynaha dalka Kenya William Ruto ayaa goordhaw oo Maanta ah ku dhawaaqay qaar ka mid ah xubnaha cusub ee golaha wasiiradda dalka Kenya.

9/27/2022 9:44 AM EST
Talaado, September, 27, 2022 (HOL) - Magaalada Gurra dhaamoole ee gobalka Liiban ee dowlad degaanka Soomaalida ayaa maanta waxaa ka dhacay dagaal u dhaxeeya Soomaalida iyo Oromada, sida goob joogayaal ay u xaqiijiyaan Warbaahinta.

9/27/2022 6:57 AM EST
Talaado, September, 27, 2022 (HOL) - Guddoomiyaha Golaha Wakiilada Somaliland Cabdirisaaq Khaliif Axmed ayaa guddoomiyaha guurtida ugu baaqay in uu xeerarka doorashooyinka ee ay soo celiyeen hor dhigo golaha guurtida.

9/27/2022 6:37 AM EST
Talaado, September, 27, 2022 (HOL) - Howlgalka nabad ilaalinta Midowga Afrika ee Soomaaliya, ATMIS, ayaa ciidamada qalabka sida ee Soomaaliya ku bogaadiyay guulaha ay kasoo hoyeen howlgallada amni ee Shabaab looga xoraynayo dalka.

9/27/2022 4:09 AM EST
Talaado, September, 27, 2022 (HOL) - Xildhibaan Cabdimaalik Cabdala oo ka mid ah Mudanayaasha baarlamaanka Fedaraalka Soomaaliya, islamarkaana maalmahii lasoo dhaafay ku sugna furumaha hore ee dagaalada ka socda gobolka Hiiraan ayaa beeniyay wararka sheegayay maalmahii lasoo dhaafay in dowladda Soomaaliya ay hubeyneyso beel gaar ah.

9/27/2022 3:27 AM EST
Talaado, September, 27, 2022 (HOL) - War saxaafadeed kasoo baxay dowladda Itoobiya ayaa lagu sheegay in kooxda TPLF ay adeegsanayso gawaarida hay'adaha gargaarka, iyagoo u isticmaala howlgallada dagaalka waa sida lagu yiri War saxaafadeedka ka soo baxay dowladda Itoobiya.

9/27/2022 3:09 AM EST
Talaado, September, 27, 2022 (HOL) - Dowladda Fedaraalka Soomaaliya ayaa ka hadashay howlgalo Xalay ay ka fuliyeen deegaanka Buq aqable ciidamada sida gaarka u tababaran ee Kumaandooska Danab in lagu dilay 11 ka mid ah dagaalamayaasha Al-shabaab.

9/27/2022 1:43 AM EST
Talaado, September, 27, 2022 (HOL) - Wasiirka Gaadiidka iyo Duulista Hawada Xukuumadda Federaalka Soomaaliya , Xil. Fardowsa Cusmaan Cigaal oo ku sugan magaalada Montreal ee dalka Canada, halkaa oo uu maanta ka furmayo shirka Hay’adda duulista hawada adduunka ee ICAO ayaa kulan gaar ah la qaadatay dhigeeda Dalka Malaysia , Dr Wee Ka Siong.

9/27/2022 1:37 AM EST
Talaado, September, 27, 2022 (HOL) - Dhaawacyada askar ka tirsan ciidanka xoogga dalka Soomaaliyeed oo loo qaaday dalka Masar si halkaas loogu dabiibo xaaladdooda caafimaad ayaa soo gaaray magaalada Qaahira.

9/27/2022 1:25 AM EST
Talaado, September, 27, 2022 (HOL) - Ciidamada dowladda Soomaaliya ayaa ku guulaystay inay gudaha u galaan deegaanka Buqa Aqable ee gobolka Hiiraan, halkaas oo farriisin weyn u ahayd ururka Alshabaab.