12/2/2022
Today from Hiiraan Online:  _
Wararka Maanta- Isniin, Sept 26, 2022
William Ruto: Joogitaakeenna milatari ee Soomaaliya wuxuu noogu fadhiyaa qiimo aad u weyn
 

Isniin, September, 26, 2022 (HOL) - Madaxweynaha dalka Kenya, William Ruto ayaa sheegay in ciidamada Kenya ee ku sugan Soomaaliya ay isaga bixi doonaan Soomaaliya marka uu dhamaado howlgalkooda.

Ruto oo u waramayay France24 isagoo ku sugan shirka golaha loo dhan yahay ee Qaramada Midoobay ee New York, ayuu sheegay in Kenya qiimo weyn ay ugu fadhido joogitaankooda milatari ee Soomaaliya, oo uu sheegay inay weli ka jiraan weerarada joogtada ah ee Al-Shabaab.

"Ciidamadaas waxay dib ugu soo laaban doonaan dalkooda marka ay dhammeeyaan shaqada ay u hayaan Soomaaliya," ayuu yidhi William Ruto.

Wuxuu sheegay in amni darrada Soomaaliya ay saameyn ku yeelato Kenya, sidaas darteedna ay ciidamada Kenya (KDF) ku sii sugnaan doonaan dhulka ilaa iyo inta laga dhameynayo howlgalkooda.

"Dadka Kenya waxay rabaan inaan kasoo baxno Soomaaliya, laakiin sidoo kale waxay qadarinayaan in joogitaankayaga Soomaaliya aysan ahayn kaliya mid dan u ah Somalia, balse ay aad uga badan tahay danta Kenya," ayuu yidhi madaxweynaha Kenya.

Ruto ayaa sheegay in ujeedka ugu weyn ee Kenya uu yahay sidii ay gacan uga geysan lahaayeen xasilinta Soomaaliya, isagoo xusay in danta gobolka ay ku jirto in maamulka nadaxweyne Xasan Sheikh Maxamuud uu guuleysto.

Hadalka Ruto ayaa ku soo aaday xilli uu socdo qorshuhu yahay in ciidamada ATMIS ay Soomaaliya ka baxaan sanadka 2024-ka, isla markaana dhammaan masuuliyadda ay hayaan lagu wareejiyo ciidamada Soomaaliya.












Click here
9/26/2022 11:09 AM EST
Isniin, September, 26, 2022 (HOL) - Wararka aan ka helayno gobolka Tigray ee dagaaladu ka socdaan ee dalka ayaa sheegaya in diyaarad nooca aan duuliyaha lahayn ee ciidamada Itoobiya ay duqeyn u gaysatay gaari waday gargaar raashin oo ku socday gobolka Tigray.

9/26/2022 8:40 AM EST
Isniin, September, 26, 2022 (HOL) - Dowladda Soomaaliya ayaa gargaarkii ugu horeeyay u dirtay deegaanada gobolka Hiiraan ee laga xoreeyay kooxda Al shabaab.

9/26/2022 8:22 AM EST
Isniin, September, 26, 2022 (HOL) - Golaha Guurtida Somaliland ayaa dib golaha wakiilada ugu celiyay xeerka guud ee doorashooyinka Xeer Lr 91/2022 iyo xeerka nidaamka urrurada iyo axsaabta siyaasada ee Xeer Lr 14/2011.

9/26/2022 3:40 AM EST
Isniin, September, 26, 2022 (HOL) - Kalfadhiggii 50-aad ee barlamaanka Puntland oo saakay lagu waday inuu dib u furmo si barlamaanka loogusoo bandhigo natiijada la xisaabtanka xukuumada, ayaa si lama filaan ah ku xirmay, kadib markii uu buuq harreeyay.

9/26/2022 3:34 AM EST
Isniin, September, 26, 2022 (HOL) - Warar dheeraad ah ayaa kasoo baxaya dil saakay loogu geystay goobtiisa ganacsi mid ka mid ah ganacsatada Suuqa weyn ee degmada Wadajir ee magaalada Muqdisho.

9/26/2022 2:45 AM EST
Isniin, September, 26, 2022 (HOL) - Raysal wasaaraha Xukuumadda Fedaraalka Soomaaliya Xamse Cabdi Barre ayaa khadka taleefanka kula hadlay qaar ka mid ah masuuliyiinta dowladda iyo kuwa deegaanka ee hoggaaminaya howlgalada ka dhanka ah Al-shabaab ee ka socda gobolada Hiiraan iyo Galgaduud.

9/26/2022 2:32 AM EST
Isniin, September, 26, 2022 (HOL) - Johanathan Starr oo ah aasaasaha Dugsiga Abaarso ee ku yaal galbeedka Hargaysa iyo Jaamacadda Barwaaqo ee Hargeysa ayaa qaatay diinta Islaamka.