11/29/2023
Today from Hiiraan Online:  _
Wararka Maanta- Axad, Sept 25, 2022
La taliyaha amniga qaranka: Ma jirto meel ay dowladdu ku hubaysay ciidamada Macaawisleyda
 

Axad, September, 25, 2022 (HOL) - La-taliyaha amniga qaranka, Xuseen Macallin, ayaa sheegay in dowladda Soomaaliya uusan qorshaha ugu jirin inay hubayso ciidamada Macaawisleyda ee qeybta weyn ka qaadanaya howlgallada dalka looga xoraynayo Alshabaab.

"Qabiil Soomaaliyeed oo dowladda Soomaaliya hub siisay ma jiro, keliya dowladdu waxa ay siisaa rasaas macowsleyda, dhaawacoodana waa la daweeyaa,” ayuu yidhi la taliyaha madaxweyne Xasan Sheikh ee amniga qaranka.

Xuseen Macallin wuxuu sheegay dowladda Soomaaliya inay iyadu haatan hoggaaminayso dagaalka ka dhanka ah Al-Shabaab ee ka socda gobolada dhexe ee Soomaaliya.

Hadalkiisa ayaa yimid, iyadoo madaxweynaha Soomaaliya uu maalmo ka hor sheegay inay dowladda Soomaaliya si buuxda u garab istaagayso ciidamada qabaa’ilaada ee isku abaabulay la dagaalanka Alshabaab .

Maalmo kahor, xildhibaan katirsan barlamaanka ayaa su’aal galiyay in ciidamada Macaawisleyda ay isku beddeli karaan jabhado qabiil oo dagaalka Alshabaab kadib keeni kara dhibaato hor leh oo ku saabsan in qabiilladu isku laayaan hubka gacanta loo galiyay.

Balse, dad uu kamid yahay guddoomiyaha gobolka Hiiraan ayaa arrintaas ku tilmaamay farriin ay Alshabaab soo dhexmartay xildhibaanka, si loo cuuryaamiyo dagaalka ka dhanka ah Alshabaab ee Macaawisleydu horkacayaan.












Click here
Madaxweyne ku xigeenka Galmudug: Bartilmaameedkeenu waa Ceelbuur iyo Xarardheere
9/25/2022 4:40 PM EST
Axad, September, 25, 2022 (HOL) - Madaxweyne ku xigeenka Galmudug, Cali Daahir Ciid ayaa sheegay inay kooxda Al shabaab ka qabsadeen wax ka badan 10 deegan oo ay maamulayeen 10 kii sano ee la so dhaafay.

Hay'adda NISA oo sheegtay inay gacanta ku dhigtay ku dhawaad 10 qof oo aaday deegaannada Alshabaab
9/25/2022 11:31 AM EST
Axad, September, 25, 2022 (HOL) - Hay'adda nabad sugida iyo sirdoonka Soomaaliya ee NISA ayaa waxay shaacisay in la qab-qabtay ku dhawaad 10 qof oo si yaabo kala duwan u la macaamilayay kooxda Alshabaab.

Faahfaahino kasoo baxaya qarax lagu dilay Taliye ciidan oo ka dhacay gobolka Hiiraan
9/25/2022 10:02 AM EST
Axad, September, 25, 2022 (HOL) - Wararka naga soo gaaraya degmada Halgan ee gobolka Hiiraan ayaa sheegaya in qarax miino oo Maanta ka dhacay inta u dhaxeysa Halgan iyo Garasyaani uu ku geeriyooday Taliyahii saadka ciidanka xoogga dalka Soomaaliyeed gaar ahaan guutada 5-aad qeybta 27-aad ee fadhigoodu yahay gobolka Hiiraan Kornel Barre Ceyrow.

Xisbiga Waddani oo la hadlay madaxweyne Xasan Sheekh Maxamuud
9/25/2022 8:42 AM EST
Axad, September, 25, 2022 (HOL) - Xisbiga mucaaradka Somaliland ee Waddani, ayaa madaxweynaha Soomaaliya Xasan Sheekh Maxamuud usoo jeediyay in uu kafiirsado hadaladiisa iyo ficiladiisa ku aadan Somaliland.

Xisbiga Waddani oo go'aan kasoo saaray muddo kordhin loo sameeeyo madaxweynaha Somaliland
9/25/2022 7:19 AM EST
Axad, September, 25, 2022 (HOL) - Xisbiga Waddani ayaa sheegay in anay ogolayn in madaxweynaha Somaliland loo sameeyo muddo kordhin aan iyaga laga talo galin.

Ciidamada dowladda iyo kuwa dadka deegaanka oo goordhaw Al-shabaab kala wareegay degmada Moqokori ee gobolka Hiiraan
9/25/2022 3:59 AM EST
Axad, September, 25, 2022 (HOL) - Wararka naga soo gaaraya degmada Moqokori ee gobolka Hiiraan ayaa sheegaya in ciidanka xoogga dalka iyo kuwa dadka deegaanka ay saakay Al-shabaab kala wareegeen degmada Moqokori oo ka mid ah meelaha Shabaab ku awood badnayeen.

Ciidamada dowladda iyo kuwa deegaanka oo Al-shabaab kala wareegay deegaano ka tirsan gobolka Baay
9/25/2022 3:37 AM EST
Axad, September, 25, 2022 (HOL) - Wararka ka imaanaya gobolka Baay ayaa sheegaya in ciidamada dowladda Soomaaliya oo kaashanaya kuwa deegaanka inay Al-shabaab kala wareegeen deegaano badan oo ka tirsan gobolka Baay.

Qarax Ismiidaamin ah oo goordhaw ka dhacay magaalada Muqdisho
9/25/2022 3:05 AM EST
Axad, September, 25, 2022 (HOL) - Warar kala duwan ayaa kasoo baxaya qarax Ismiidaamin ah oo goordhaw ka dhacay Xerada Nacnaca oo ku taala degmada wadajir ee Magaalada Muqdisho, kaasoo jugtiisa laga maqlay qaar ka mid ah degmooyinka gobolka Banaadir.

Booliiska Soomaaliya oo xiray haweeney loo haysto inay tacaddi u geysatay gabadh 9 jir ah
9/25/2022 2:23 AM EST
Axad, September, 25, 2022 (HOL) - Ciidamada Booliska Soomaaliya ayaa ku guuleystay inay gacanta ku soo dhigaan haweeney tacaddi ugeysatay gabadh yar, kadib markii muuqaal laga duubay lagu faafiyay baraha bulshada.