12/2/2022
Today from Hiiraan Online:  _
Wararka Maanta- Sabti, Oct 1 , 2022
Wasiir Juxa: Ku darsasho wax la yiraahdo oo miiska saarani ma jirto. aniguna qeyb kama ihi
 

Sabti, October, 1, 2022 (HOL) - Wasiirka arrimaha gudaha Puntland, Cabdi Faarax Siciid Juxa ayaa iska fogeeyay sababta loo magacaabay inay qeyb ka tahay muddo kororsi lagu eedeynayo madaxweyne Deni.

Wasiir Juxa ayaa sheegay inuu xafiiska u yimid sidii uu u dhaqaajin lahaa doorashooyinka golayaasha deegaanka ee nidaamka axsaabta badan, kalsoonina loogu abuuri lahaa dadka shacabka iyo ururada siyaasada Puntland.

“Ku darsasho wax la yiraahdo oo miiska saarani ma jirto. Dowladdaana wax gaar ah oo dan ah, ka sakow inuu barnaamijkan hirgalo mooyee ma jirto. Juxana taas qeyb kama ahan,’ ayuu yidhi wasiirka arrimaha gudaha Puntland.

Juxa wuxuu ugu baaqay siyaasiyiinta Puntland ee diidan nidaamka dimuqraadiyadda inay bulshada horyimaadaan islamarkaana u diyaar garoobaan inay bulshada cod weydiistaan.

Wuxuu tilmaamay qorshaha hadda socda oo miiska saarani inuu ku kooban yahay doorashooyinka dowladdaha hoose. Wuxuu sheegay doorashada barlamaanka iyo midda madaxweynaha inay waqtigeeda la sugayaan.

Madaxweyne Deni ayaa bishii hore Juxa u magacaabay wasiirka arrimaha gudaha Puntland. Juxa wuxuu kamid yahay dadka u ololeeya nidaamka dimuqraadiyada.

Wuxuu hormuud u noqondoonaa doorashada 12 degmo oo maamulku qorshaynayo in laga qabto doorasho dadweyne ka hor sannadka 2024.












Click here
10/1/2022 9:59 AM EST
Sabti, October, 1, 2022 (HOL) - Guddoomiyaha maamulka gobalka Hiiraan Cali Jeyte Cismaan ayaa ka hadlay sababaha keenay in Maanta ciidamada iskaashanaya ay dib uga soo baxaan degmada Moqokori iyo deegaanka Yasooman iney aheyd mid ay ka shaqeyeen dad gaar ah oo ku dhexjira ciidanka oo doonaya fashilinta howlgalada ka socda deegaanada gobolka Hiiraan.

10/1/2022 8:52 AM EST
Sabti, October, 1, 2022 (HOL) - Madaxweynaha Soomaaliya Xasan Sheekh Maxamuud ayaa Masjidka Shuhadada ee madaxtooyada kaga qeyb galay salaadda Janaasada taliyehii qaybta guud ee boliiska gobolka Banaadir, Sarreeye Guuto Farxaan Maxamuud Aadan oo ku geeriyooday dagaalkii kadhacay deeganno ka tirsan Shabeellaha Dhexe.

10/1/2022 8:47 AM EST
Sabti, October, 1, 2022 (HOL) - Madaxweynaha Somaliland Muuse Biixi Cabdi, ayaa sheegay in aanu jirin xeer qeexaya waxa la yeelayo hadii doorashooyinka urruradu wakhtigooda dib uga dhacaan, lakiin xal loo hayo doorashada madaxweynaha iyo guurtida.

10/1/2022 4:38 AM EST
Sabti, October, 1, 2022 (HOL) - Wararka naga soo gaaraya deegaanada Moqokori iyo Yasooman ee gobolka Hiiraan ayaa sheegaya in ciidamada dowladda iyo kuwa Macawiisleeyda ee dhawaan la wareegay deegaanadaasi inay isaga baxeen.

10/1/2022 4:21 AM EST
Sabti, October, 1, 2022 (HOL) - Golaha Guurtida Somaliland ayaa 2 sanno ku kordhiyay muddo xileedka madaxweyne Muuse Biixi Cabdi, muddo xileedka golaha ayay sidookale ku kordhiyeen muddo 5 sanno ah.

10/1/2022 2:07 AM EST
Sabti, October, 1, 2022 (HOL) - Inta la xaqiijiyay shan askari oo ka tirsan ciidanka Nabadsugida Soomaaliya ayaa geeriyootay sideed kalana dhaawacyo culus ayaa soo gaaray, kadib markii uu la rogmaday gaarigii ay saarnayeen oo ahaa nooca Soomaalida u taqaano Cabdibilaha.

10/1/2022 1:50 AM EST
Sabti, October, 1, 2022 (HOL) - Ururada Suxufiyiinta Soomaaliya ayaa si kulul u cambaareeyay dilka weriye Axmed Maxamed Shakuur oo ka tirsan Telefishinka Qaranka Soomaaliyeed (SNTV), kaasoo ku geeriyooday qarax ka dhacay deegaanka Basra.